بالفيديو.. مكالمة مسربة تحركات الإخوان على السوشيال ميديا

عرض الإعلامي تامر أمين، مكالمة مُسربة بين مدير مكتب أيمن نور، وبين الإخواني الهارب عبد الله الشريف؛ تكشف خطة الجماعة وتحركاتهم على السوشيال ميديا، خلال برنامجه "آخر النهار"، المذاع على فضائية "النهار "، اليوم الخميس.
وقال الإخواني الهارب عبد الله الشريف خلال المكالمة المُسربة ل مدير مكتب أيمن نور، : "إزيك سيادتك والدكتور عامل إيه"، في حين رد الأخير: "الدكتور أيمن مكلفني أظبط معاك كام النقطة للفترة إللي جاية، إحنا عاوزين نستغل النجاح إللي حصل الفترة إللي فاتت في إننا نستغل
السوشيال ميديا أكتر".
وتابع مدير مكتب أيمن نور: "عايزين نستغل الفترة إللي جاية في إننا نكون شغالين الأربعة وعشرون ساعة لحد يوم الجمعة، ونستغل السوشيال ميديا سواء الفيس بوك أو تويتر أو اليوتيوب، سواء حساباتك الرسمية أو الحسابات إللي إحنا اشتريناها ليك إن أنت تشتغل عليها الفترة إللي جاية".
ورد الإخواني الهارب عبد الله الشريف: "مفهوم تمام، يعني أدخل أكتب مجموعة تويتات على تويتر ولا أعمل حلقة
على اليوتيوب"، وقال مدير مكتب أيمن نور: "تشتغل على إيه دي مش بتاعتي إنما أنا هقولك التوجه العام وإنت تشتغل عليه، عايزينك اليومين الجايين تشتغل على تسخين الناس أكتر الفترة إللي جاية، عايزين يوم الجمعة تجمع أكبر عدد للحشد، وإنت عارف أصلًا الناس سخنة الفترة دي وأقل حاجة هتقدر من خلالها تولع الدنيا، وأنا هبعتلك حاجات على الواتس آب"، ورد الإخواني عبد الله الشريف: "ده السيناريو إللي عايزينك تمشي عليه، الحاجات وصلتني، هي دي استراحة المعمورة".
واستكمل مدير مكتب أيمن نور: "إحنا عايزين نشتغل على القصور الرئاسية ونعرض فلل إنها في العلمين، دي مش استراحة المعمورة اللي عمرو أديب عرضها".
شاهد الفيديو..