بالفيديو.. مكالمة مسربة تكشف خطة الإخوان لإثارة الفوضى

عرض الإعلامي تامر أمين، خلال برنامجه "آخر النهار"، المذاع عبر فضائية "النهار وان"، مساء اليوم الخميس، مكالمة مُسربة بين مدير مكتب أيمن نور، والإخواني الهارب عبد الله الشريف؛ تكشف خطة الجماعة وتحركاتهم على السوشيال ميديا من أجل إثارة الفتن والبلبلة داخل الشارع المصري.
وخلال المكالمة قال الإخواني الهارب عبد الله الشريف لمدير مكتب أيمن نور: "إزيك سيادتك والدكتور عامل إيه"، ليرد الأخير: "الدكتور أيمن مكلفني أظبط معاك كام نقطة للفترة اللي جاية، إحنا عاوزين نستغل النجاح اللي حصل الفترة اللي فاتت في إننا نستغل السوشيال ميديا أكتر".
وتابع مدير مكتب أيمن نور قائلا: "عايزين نستغل الفترة إللي جاية في إننا نكون شغالين الأربعة وعشرون ساعة لحد يوم الجمعة، ونستغل السوشيال ميديا سواء فيس بوك أو تويتر أو اليوتيوب، سواء حساباتك الرسمية أو الحسابات اللي إحنا اشتريناها ليك إن أنت تشتغل عليها الفترة إللي جاية".
وبدوره رد الإخواني الهارب عبد الله الشريف قائلا: "مفهوم تمام، يعني أدخل أكتب مجموعة تويتات على تويتر ولا أعمل حلقة على اليوتيوب"، وقال مدير مكتب أيمن نور: "تشتغل على إيه دي مش بتاعتي إنما أنا هقولك التوجه العام وإنت تشتغل عليه، عايزينك اليومين الجايين تشتغل على تسخين الناس أكتر الفترة إللي جاية، عايزين يوم الجمعة تجمع أكبر عدد للحشد، وإنت عارف أصلًا الناس سخنة الفترة دي وأقل حاجة هتقدر من خلالها تولع الدنيا، وأنا هبعتلك حاجات على الواتس آب"، ورد الإخواني عبد الله الشريف: "ده السيناريو إللي عايزينك تمشي عليه، الحاجات وصلتني، هي دي استراحة المعمورة".
واختتم: "إحنا عايزين نشتغل على القصور الرئاسية ونعرض فلل إنها في العلمين، دي مش استراحة المعمورة اللي عمرو أديب عرضها".