بالفيديو.. شيرين عبدالوهاب تستنجد بحلمي بكر: "هاحط سوستة على بوقي"

قالت الفنانة شيرين عبدالوهاب، إنها تتحدث بلغة بسيطة وعلى طبيعتها مع جمهورها، ودائمًا ما تداعبهم ببعض الكلمات على المسرح في مختلف حفلاتها.
أضافت شيرين في مداخلة هاتفية مع الإعلامي عمرو أديب في برنامج الحكاية المعروض على فضائية mbc، اليوم الأحد: "كلامي البسيط وطبيعتي بتتاخد غلط، أنا كنت باهزر في حفلة غير مصورة وكان كلها عائلات بدون مشوربات كحولية والديكور اللي ورايا كان مبوظ الفكرة، وفكرت أصلح مشكلة الصوت والمرايا اللي ورايا، وفي
ترابيزة وقعت كان عليها 25 فرد وكان ممكن حد يتأذي وحبيت ألم الموقف وأقول للناس أهلا بيكم".
تابعت شيرين: "أنا مش باعمل حوار، أنا موجودة أهو وبتكلم وباقول للناس اللي بتسمعني أنا مسمحش لحد يشكك في حبي لبلدي، دا خط أحمر، إحنا قوة البلد الناعمة ومش زعلانة أنا مبسوطة يمكن علشان الدنيا كلها بتفوقني ويمكن دلوقتي مبقاش ينفع أعمل
دعابة، هاحط سوستة على بوقي ومش هاتكلم وحسام قالي مش للدرجة دي ولازم توضحي الصورة".
انتقدت شيرين ما يحدث معها دائمًا والإساءة في فهم كلامها، مشيرة إلى أنها لم تعد تستوعب الأمر، قائلة: "الحفلة كان فيها ناس من الدول العربية وكانوا مبسوطين واسأل أستاذ حلمي بكر هو مبيستكتش ولا حسام حبيب جوزي هايسكت أصله حقاني".
استطردت شيرين: "أنا فقدت والدي وربنا عوضني بحمايا وجوزي وأخويا موجود والناس عارفة أنا مين وطالعة منين عيب أنا من تراب البلد دي، احنا خدامين للبلد، وممكن أفجر نفسي بحزام ناسف لو دا هايثبت حبي للبلد".
شاهد الفيديو: