منى زكي عن «حضن أحمد حلمي»: «جوزي وبيساندني»

أعربت الفنانة منى زكى عن سعادتها بحصولها على لقب أفضل ممثلة في مهرجان «السينما العربية»، وكذلك بردود أفعال الجمهور.
وعلقت «منى»، خلال مداخلة هاتفية ببرنامج «راديو سكوب»، المذاع على الراديو «9090»، على ردود الأفعال حول احتضان زوجها أحمد حلمى لها، خلال الحفل، قائلة: «أنا معرفش ليه حصل الانفجار ده على السوشيال ميديا بعد اللي أحمد حلمي عمله معايا وأخدني بالحضن في الحفلة، مش قادرة أفهم ليه مستغربين، ولكن الطبيعى إن هو جوزى وهو بيفرحنى، وأنا كنت فرحانة بزيادة وأحمد جوزى وبيساندنى».
وأضافت: «واضح إن الناس بقالها كتير مشافوش حد ممكن يكون انبسط، أو حد بيظهر امتنانه وحبه، يمكن ده حصل وأنا شايفاها حاجة عادية مش غريبة، وإحنا مبسوطين بحب الجمهور لينا».