هكذا سخر المصريون من العواصف الترابية على «تويتر»

كتبت-هويدا عبد الكريم:
سخر عدد من رواد مواقع التواصل الاجتماعي، من العواصف التي ضربت عددًا من محافظات مصر، وتسببت بغلق عددًا من الطرق بالمحافظات، وتعطيل الملاحة النهرية بأسوان وقنا والأقصر، وتعليق رحلات البالون بأسوان، وتعطيل عددًا من الرحلات الجوية.
وغردت إحدى المتابعين عبر حسابها بموقع تويتر: "أنا قفلت كل الشبابيك والبلكونات، وحضرت الكمامة والبخاخة، و جهزت كل حاجة،مش فاضل غير العاصفة،
الغايب حجته معاه"، وعلق آخر: "أنتو أيه اللى خلاكم تزعلو صلاح، أهو خلى أمه تدعى عليكم و العاصفه الترابية هتموتكم".
وقالت إحدى المتابعين: "مساء الخير لو سمحت عايز أعرف العاصفة الترابية مجاتش ليه لحد دلوقتى"، وكتبت أخرى: "الشعب الوحيد الذي ينتظر العاصفة الترابية، من الصباح علشان يتفرج وقلقان
أنها لسه ما وصلتش، دي مش مواعيد الصراحة، زهقنا من الانتظار، نروح نجيبها ولا نستنى كمان".
وقال حساب أخر: "أيه ده عاصفة ترابية جاية علينا، طب والله ما أنا مذاكر"، كما تساءل حساب مستعين بصور من فيلم غبى منه فيه: "لو سمحت والله، هو فين العاصفة اللي كانوا بيقولوا عليها. - مفيش عاصفة وأهدى بقى شوية هاا أهدى".
وضربت عاصفة ترابية عددًا من محافظات مصر، وشكلت رئاسة الوزراء غرفة عمليات لمتابعة تطورات موجة الطقس السيء التى تضرب المحافظات.