سبايدر: "العسكرى ما خلاش لينا كرامة.. يا خسارة"

عبر أحمد سبايدر المذيع بقناة الفراعين وأكبر مؤيدى السلطة عن ندمه لتأييده المجلس العسكرى فى الفترة الماضية، وذلك عقب السماح للمتهمين فى قضية التمويل الأجنبى بالسفر إلى بلادهم.
وأكد "سبايدر" على صفحته الشخصية أن العسكرى بهذا القرار لم يقدر مؤيديه الذين دافعوا عنه، ووقفوا بجانبه ضد التيارات المعارضة له، موضحا أنهم أصيبوا بالإحباط والانكسار من هذه السياسية.
وقال: "6 أبريل والوطنية للتغيير بيتريقوا علينا على توتير تريقة السنين بعد مغادرة نشطاء التمويل لدرجة أن باسم سمير بيغنى لفايزة أبو النجا وبيقولها (دخل بتاع التمويل وأنا نايمة شوف قلة أدبه خرج وأنا نايمة شوف قلة أدبه)".
وأوضح أنهم "لهم حق يشتموا أكتر من كده، من الآخر المجلس العسكرى ما خلاش لينا كرامة ولا حتى عين نرفعها فى عينين العيال دى".
ووجهه كلامه للمجلس: "يا مجلس يا عسكرى لو كنا نزلنا ضدك زيهم كنت قدرتنا عن كده.. آخر حاجة هسألها للمجلس العسكرى لما مش هنقبض على الناس دى دلوقتى عاوز تقنعنى إنك هتقبض عليهم بعد ما تسيب السلطة؟، من الآخر يا مجلس يا عسكرى خسارة صوتنا اللى اتنبح مع الناس الفترة اللى فاتت وإحنا بندافع عنك، إحنا مكسورين ومحبطين بجد، ومتأكدين كمان أن مش هيحصل حاجة مع ممدوح حمزة.... شكرا يا مجلس يا عسكرى".