شاهد.. ذكريات المواطنين في أول يوم دراسة: «الزملاء كلوا الساندوتشات»

نحتفظ جميعًا بذكريات تتعلق بأول يوم دراسة، قد تكون ذكريات مضحكة يخجل البعض عن الإفصاح بها، وأخرى جميلة أو صعبة لا يقدر الشخص على نسيانها.
وبمناسبة بدء العام الدراسي الجديد اليوم تجول مراسلو "بوابة الوفد" في الشارع المصري لسؤال المواطنين عن ذكرياتهم في أول يوم دراسي في حياتهم.
أعرب محمد ناصر، عن اشتياقه الشديد لأيام الدراسة قائلًا: "ياه فكرتونا بالأيام الحلوة إلّي عدى عليها زمن ويا ريتها ترجع تانى بالنسبة لى أول يوم دراسة كان صعب جدًا كنت خايف وقلقان ولوحدى مش عارف حد بس بعدين اتْعرفت على صحاب وأخدت على الجو الجديد ".
وقال ياسر على "أول يوم دراسة حسيت إنى كبرت وكنت خايف عشان الجو الجديد وأنا فاكر أن أول يوم تهت ووصلت متأخر بعد الحصة الأولى والمدرس ضربنى".
وأكد طه منصور، على حبه الشديد لتلك الأيام، متمنيًا للطلاب فى السنة الدراسية الجديدة عام سعيد مليء بالسعادة والتفوق قائلًا: "التعليم زمان كان حلو مش زى دلوقت ربنا يعين ولادنا ويكون فى عونهم إنما أول يوم دراسة ليا اتسرقت من الولاد فى المدرسة أكلوا السندوتشات بتاعتي وفضلت جعان لحد ما روحت البيت موقف عمرى ما هنساه".
وأضاف منتصر محمود، "أول يوم دراسي عمرى ما هنساه كنت فاكر اليوم خلص وجريت على الباب والناظر قفشنى وضربنى جامد كان فاكرنى هارب من المدرسة".
شاهد الفيديو: