هاشتاج «مغامراتك في ابتدائي» يتصدر «تويتر».. رحمة: «كنت بغني في الإذاعة وأنا صوتي يقرف».. رنا: «ماترميش الشنطة على الأرض فيها كتاب دين».. أحمد: «عملت الواجب بس نسيت الكُراسة».. وإسلام: «بنت باستني»

دشن مستخدمو موقع التواصل الاجتماعى «تويتر»، اليوم السبت، هاشتاجًا جديدًا يحمل عنوان «مغامراتك في ابتدائى»، تصدر أكثر الموضوعات تداولًا عبر الموقع، تفاعل معه الكثير من النشطاء، معبرين خلاله عن أجمل لحظات حياتهم في المرحلة الابتدائية، ومن جانبها رصدت «فيتو» أبرز التعليقات.
أسماء يسرى: «واحد زميلنا كان المدرس بيضربه وكان واقف جنب الديسك بتاعى شال ايده نزلت العصاية على دماغى وورمت زميلى دا اتقدملى لما كبرنا».
دينا: «كنت بخلص سندويتشاتي في الباص الصبح وباقي اليوم افضل جعانه».
محمد: «كنت شاطر اوى واسمى على طول موجود في لوحه الشرف وابويا كان مفكرنى هبقى دكتور».
ندى: «كانا واقفين في أمانه الله فالحوش في الفسحه هوبا لقينا زلطه جت جنب عين صاحبتي.. ياه ربنا يشفيها بقا».
رحمة سعيد: «كنت بغنى في الإذاعة وأنا صوتى يقرف الكلب وبرقص في عيد الأم على دقو الشماسى وحلاوة شمسنا.. تقولوش لبلبة».
رنا: «ماترميش الشنطة على الأرض فيها كتاب دين.. دا إلى كنت بقوله علشان مبحبش أحط شنطتى في الأرض».
علا: «كنت بجري ورا العيال في المدرسة عشان كانوا بيقولولي علاء مش علا.. كنت طفلة متشردة».
كريم: «كنت بروح الحمام أغسل شعري وأجي أهز دماغي عشان شعري ناعم أوى».
عهود: «أخدت جوابات الحب من زميلي في الفصل وأول ما المس دخلت إديتهالها وضربته».
سامية نبيل: «مكنتش بكتب اسم صحابي لما أقف عليهم ومرة واحد كتب اسمي قعدت أعيط مع انى كنت بتكلم».
سارة: «كنت بضرب الولاد اللى في الفصل كلهم.. كنت مفترية الصراحة».
إسلام: «بنت جات باستني واتعملنا تحقيق وكنت هترفد وأنا قاعد مش فاهم حاجة.. وبدور عليها دلوقت».
أحمد الغريب: «أنا عملت الواجب بس نسيت الكُراسة».
ريم: «غرفة الفيران كانت مسببة لي رعب عشان كذا كنت عاقلة».
سميرة: «كنت بكره حصة الموسيقى عشان أبلة سوزي كانت فاكرة صوتها حلو وقرفانا معاها».
سهير: «كانت أمي دايما تقعد تذاكرلنا وكأننا فالثانوي العام وتجلد لنا الكتب والكشاكيل بالجلاد أبو دباديب».
كوكا: «لما أجاوب صح والمدرس يقول صقفوله والفصل يصقف بحرارة وأنا أبصلهم بالقطارة».
نور: «أنا كنت بستنى تيجى الفسحة عشان أقف ف الشباك وارش ماية عالعيال اللى تحت».
علاء: «أول ما ارجع من المدرسة ماما تقولي اكتب الواجب بقي عشان متنساش».
جمال: «اغش في كل الامتحانات إلا امتحان الدين.. انا من صغري وعندي مبادئ».
بنى: «في الفسحة كنت بنزل الكنتين اجيب حلويات واطلع اقعد لوحدي في الفصل عشان ما حدش يقللي هات واحدة».
سيد: «أحلى حاجة لما كنت ببدل السندوتشات مع أصحابى».
محمود: «مش هنسى لما ضربت ابن الناظر».
مريم: «كنت بضرب العيال اللي أكبر وأصغر مني».
الفضالى: «العصفورة قالتلي إنك ما أكلتش السندوتشات».
محمد جاد: «كنت مهاجم فريق الفصل في الدوري بين الفصول وطبعا كنا بنخسر».
خالد: «كنت بحب يوم الخميس أوى».
ياسمين: «كان فيه بت كده بتحبني أوي كانت كل يوم تضربني وتكسرلي النضارة».
عبير: «اشتريت الأستيكة اللي بتمسح الجاف وقعدت أعيط لما ممسحتهوش».