رمضان صبحى يكشف سر اختياره للرقم 32

كشف رمضان صبحى، نجم المنتخب المصرى، ولاعب ستوك سيتى الإنجليزى، سر اختياره للرقم 32 فى فريقه الجديد، موضحاً أن هذا هو رقمه المفضل والمناسب والذى يتفاءل به دائما.
وأضاف "صبحى" فى حواره مع الإعلامى معتز الدمرداش، ببرنامج "90 دقيقة" المذاع عبر فضائية "المحور"، عن مواقفه مع قيادة وركن سيارته، قائلاً: "الإنجليز ملتزمون فى السواقة ولكننى فى إحدى المرات فوجئت بسيارة تقف مكان سيارتى، فاتجننت وركنت أمامها..حتة شغل مصرى وقلت ناخدهم بالعين الحمرا عشان شكلهم مش هينفع معاهم غير كدا، وطلعت لنادر شوقى وكيل أعمالى متنرفز وقلت له أنت بتتكلم انجلزى كويس لما يجى صاحب العربية تديله كلمتين حلوين عشان أنا على آخرى".
وتابع :" بعد 3 ساعات فوجئت بواحدة ست تعتذر لنا، فقال لها نادر مفيش مشكلة وأخذ يضحك معها، كانت حلاوتها إنجليزى ..وتعجبت من رد فعل نادر وقلت له مش دا اللى اتفقنا عليه يانادر، فقال معلهش بقا خليها علينا، والموضوع اختلف تماما".