بالفيديو.. عمرو أديب للتجار: خلي عندكوا دم وراعوا ربنا شوية في الأسعار

شن الإعلامي عمرو أديب هجومًا حادًا على تجار الجملة، بعد رفع الكثير منهم أسعار السلع الغذائية بحجة أن سعر صرف الدولار ارتفع خلال آخر يومين.
وقال، خلال برنامجه "القاهرة اليوم"، المذاع على فضائية "اليوم": "محدش بيتكلم عن حاجة اليومين دول غير عن الأسعار.. أنا مبحبش كلمة السيطرة على الأسعار لكن توازن الأسعار في السوق مسألة مهمة، محدش يحاول يخترع اقتصاد الأسعار بتتحدد بالعرض والطلب، لكن الاختراعات اللي احنا بنحاول نعملها مش موجودة في اي حتة في العالم".
وتابع "بقول للتجار خلو عندكوا دم، ويراعي ربنا في عياله وعافيته علشان ميشتريش بيهم دوا، بدل ما تكسبوا 20 ولا 30% اكسب 10% بس أو 5% وبعدين كسبتوا كتير.. يعني لو سألت تاجر مش هيقولك خسرت هيقولك مش زي السنة اللي فاتت يعني السوق بهذا التوسع، خصوصًا في تجارة السلع الغذائية لا يمكن يتم والسوق واقع ده احنا 90 مليون".
الفيديو..