اتجاهات

احمد بصيلة: اعزائي المشاهدين اهلا بكم وحلقة جديدة من اتجاهات .." اللي ما يكلش من فاسه يبقى قراره مش من راسه ".. الزراعة ماعادتش بتجيب همها " .. دي ابلغ تعبير عن حال المزارع في مصر عن هاتين العبارتين الفلاح المصري هو محور العملية الزراعية واهم اركانها ومع ذلك لا يستطيع احد ان ينكر حجم المعاناة والاهمال التي يتعرض لها الفلاح المصري منذ سنوات طويلة حتى اصبحت الارض الزراعية عبئا على الفلاح لو اتيح له مورد اخر للرزق سيرحل نتحدث كذلك والفلاح نستطيع ان يوفر لنا احتياجاتنا الاساسية والفلاح المصري هو اول من ثار على الظلم قبل 4 الاف عام وشارك في ثورة الخامس والعشرين من يناير .. اما بعد قيام ثورة الخامس والعشرين من ينايرلم يترك ارضه ليتظاهر او يطلب بمطالب فئوية وجاء احتفال مصر بعيد الفلاح بشكل عملي تماما وكان مضمون الاحتفال ان الاهتمام بالقرارات التي ترفع من مستوى معيشة الفلاح والنهوض بالزراعة حتى تستعيد مكانتها وتؤدي دورها في نهضة مصر الرئيس محمد مرسي اعلن عدة قرارات جميعها تحفظ للفلاح كرامته وتعيد اليه عزيمته وتساهم في رفع مستوى معيشته وطالبهم بتقديم نموذج او قدوة في الانتاج والوفاء والايثار والتضحية والعمل .. معنا ومعكم في حلقة الليلة المسئول الاول عن الزراعة في مصر وهو الدكتور صلاح عبد المؤمن وزير الزراعة واستصلاح الاراضي .. اهلا بحضرتك معانا اسمح لنا نبدا بتقرير عن الاحتفال اليوم ثم نكمل الحلقة
تقرير
كلمة الرئيس مرسي في عيد الفلاح
فاصل
احمد بصيلة:مرحبا مرة اخرى سيادة الوزير يعني قرارات مهمة باسقاط ديون الفلاح لمن هم اقل من 10 الاف وزيادة سعر الارز الى 2000 جنيه اعتقد دي تفرح الفلاح في هذا اليوم
د.صلاح عبد المؤمن:طبعا دي قرارات مهمة جدا ومفيدة للفلاح ويطالب بيها من فترة طويلة لكن الحقيقة مش هي دي بس الطلبات بتدرس او عرضت لانه كان فيه لقاء او نوع من الحوار مع الرئيس بعد خطابه وتسليم عقود لبعض صغار المزارعين وكان فيه طلبات اخرى خاصة بالتامين الصحي وخاصة بصندوق موازنة الاسعار وطلبات كتيرة الحقيقة فكانت اوامر معالي الرئيس ان رئيس مجلس الوزراء سيجتمع بالوزراء المعنيين والممثلين عن الفلاحين وبعدين تدرس لياخذ فيها القرار المناسب
احمد بصيلة:عايز ارجع للغرامات التي سقطت عن الفلاحين بالنسبة لزراعة الارز وايضا الزيادة في سعر توريد الارز هل هذه الزيادة تؤدي الى زيادة اسعار الارز على المستهلك
د.صلاح عبد المؤمن:طبعا هتؤدي الى زيادة السعر على المستهلك لان دي مسالة تجارية وبعدين دا السعر ممكن يزيد عن اللي قاله الريس لانه التجار بتدخل فيها ودي نقطة من الاشياء اللي بيعاني منها الفلاح انه مش هو المستفيد الاول من حاجات كتير لما بيزيد السعر بيؤمن له دخل معقول يقدر يعيش منه او يكون عائد مجزي من الزرعة اللي هو زرعها لكن في المقابل السوق عنده طلب والتجار لهم دور في هذا الموضوع وانا بنتهز الفرصة وباهيب بهم انه نفس الروح للجميع يعني يحذو نفس حذو والصالح العام نضعه امامنا بعض الشئ
احمد بصيلة:طيب فكرة التامين الصحي اللي حضرتك تكلمت عنها يمكن جميع الفلاحين ليس لديهم تامين صحي واغلب الحكومة وموظفين القطاع الخاص وعدد كبير من المواطنين اما الفلاح لا...
د.صلاح عبد المؤمن:رغم الاعداد الكبيرة اللي بيعملوا في مجال الزراعة ليس لديهم هذه الخدمة يعني انا بذكر احد زياراتي لبعض المحافظات زيارة ميدانية فاستوقفني اثناء حواري مع بعض اخوانا الفلاحين انت لو تعبت بتروح عند التامين انما انا لو تعبت ازاي اروح وهما برضه اكتر الفئات المعرضة للاصابة بامراض كتير لطبيعة العمل اللي هو بيعملوها عندنا الاليات الزراعية والتعاونيات فيها جزء من ارباح الكلام دا 5% بتخصم من الفلاح وانا اقترح انه هذا المبلغ يعود على الفلاح في صورة تامين صحي ويتم دراسة هذا الموضوع مع وزارة الصحة
احمد بصيلة:يبقى موضوع التامين الصحي دا قابل للدراسة عايز ارجع لموضوع اسقاط الديون طبعا خطوة جيدة جدا عدد كبير جدا هيستفيد منه لكن اغلب المزارعين بيقولوا احنا اصلا مخدناش القروض دي عشان حاجة ترفيهية وانما لخدمة الزراعة وهنلجا مرة اخرى الى القروض دي مرة تانية ومش عارف اسددها فهتعود مرة اخرى نفس المشكلة
د.صلاح عبد المؤمن:انا ليا نظرة بعض الشئ بالنسبة للقروض وسعيد جدا اني سمعتها من بعض اللذين يتعاملون مع البنوك انه لا يجب ان ننظر الى هذا على انه مكافاة هذا تصرف استثنائي وهذا التصرف استثنائي وانا لا احبذ ان يعود هذا مرة اخرى وما احبذه في هذا الشان ان انا ادرس واعمل دراسات جدوى للمقترض علشان قدر يربح ويقدر يسدد ديونه بمعنى انه ايهما افضل انه يعود عليه عائد كبير يقدر يستفيد ويعود عليه مكسب ويدفع ولا انه يتعثر وثم ينرض حتى للسجن ثم تفع عنه يجب ان ننظر له من هذا المفهوم .. نقطة اخرى في هذا الشان هل معنى هذا ان من سدد ال10 الاف عوقب اذن هي تيجي بمثل هذا الشان اذن النقطة انه لافلاحين اللي تعرض لهذا التعثر ارجو في المستقبل الا يتم هذا التعثر واحنا لدينا في بنك التنمية والائتمان الزراعي دراسات ولدينا المراكز البحثية اللي تقدر تقول ان الفكرة لدينا يجب ان تستثمر فيها من عدمه والدعم الفني في وزارة الزراعة
احمد بصيلة:هو بياخدها عشان يجيب مبيدات او يجيب سماد للارض او اشياء دي والحاجات دي اسعارها بترتفع فبيضطر للاستدانة من البنك طيب هيعمل ايه..؟
د.صلاح عبد المؤمن:ماهو دا اللي بقول انه لابد من منظومة متكاملة وانه لابد من دراسة ليه الحاجات سعرها بيزيد وليه هو بيضطر يشتري حاجات ازيد م اللازم ودا طبعا بيجي في الحوار يعني لو بنتكلم عن التسميد فيه مقننات سماد وانا من اسرة ريفية في البلد على طول لا نلتزم بالمقرر بالظبط المفهوم لدينا خاطئ ان المقننات مش كغاية معنى اني كل ما ادي ازيد....
احمد بصيلة:ايوة بس دي كانت موجودة وبيشتكوا انها مش موجودة في الجمعيات الزراعية
د.صلاح عبد المؤمن:صحيح ..
احمد بصيلة:فبيضطر يشتري من الخارج باسعار مختلفة
د.صلاح عبد المؤمن:السماد احنا واجهنا مشكلة الحقيقة في الفترات السابقة وما زلنا نعاني من اجل توفير السماد المطلوب احنا عندنا مصانع بتاعتنا الحكومية تقدر تدينا 6.5 طن اسمدة من اجمالي 9 طن اللي احنا محتاجينها ب نفرض على الشركات الاستثمارية نسبة انها تديهاني الحقيقة لما انت تنظر لحركة وسوق السماد ان دي شركة استثمارية فلما يرتفع السعر في الخارج كتير ما بيوفوش النقطة التانية ان احنا قطاع الاعمال الجماعة دول واجهوا مشاكل كتيرة مطالب فئوية وتعطلت المصانع بعض الشئ دا ادى لازمة في الموضوع دا انما احنا سياستنا في الاسمدة المفروض تؤخذ كاللتي ان يتوفر السماد النوع المطلوب في الوقت المطلوب بالكمية المطلوبة وفي الوقت المطلوب لانه ان لم يتم اضافته في اوقات معينة ما بيكونلوش فايدة فيما بعد
احمد بصيلة:يعني خلال الدورة الزراعية هل دا موجود ومتوفر
د.صلاح عبد المؤمن:مازلنا نعمل على توفير الاسمدة للموسم القادم واتفقنا مع الشركات وفيه شد وجذب بين الشركات ويجب ان نعترف بهذا تم رفع الغاز بالنسبة للشركات والشركات قى نسبة ربح محددة يجب ان تصل له عشان تبقى وانا بتكلم على الحكومية عشان تفي بمتطلبات العاملين فيها لانه زي ماحضرتك عارف نحن في مرحلة المتطلبات التي لا تنتهي ولكن نحن نبذل جهد ونستطيع انه يبقى قدامنا حل اخر انه ناخد من الشركات الاستثمارية ونكمل العجز بسعر التصدير او استورد سماد هذا ما يمكن او دي الحلول
احمد بصيلة:بالنسبة للمطالبات من ساعة سعر زيادة توريد الارز وتليفونات كتيرة جدا بتقول واشمعنى القمح لا ليه والذرة لا ليه..
د.صلاح عبد المؤمن:كل الحاجات جدي هتخلص في حيتها يعني قبل زياعة القمح لابد ان نعلن عن سعر توريد القمح قد ايه قبل ما نزرع القمح وبالنسبة لذرة بتنحاول ايضا برضه لان هو فترة توريده قربت لكن الفكرة الاساسية اللي اتكلمنا فيها لابد ان يكون عندنا صندوق موازنة اسعار بمعنى ان الصندوق دا لابد ان يكون فيه رصيد معين وفرض بعض الرسوم على الصادرات الزراعية ويتم تدعيم الصندوق بحيث ينخفض سعر المحصثول عن السعر الملزم للفلاح
احمد بصيلة:وتمويل هذا الصندوق
د.صلاح عبد المؤمن:نبدا بتمويله بان نفرض بعض الرسوم عليه بمعنى ان انا لو بصدر حاجة زي الرزمثلا يوضع على هذا الصندوق ويتم استيراد اشياء اخرى وعشان حماية المنتج المحلي بتاعنا ثم اوازمن الاسعار والمختصين في مركز بحوث الزراعة عندنا قدموا تكلفة الفدان لزراعة محصول معين بمعنى انه ودي حاجة مهمة جدا وما تحسبش المية لكن اللي بيحصل انه احسب هامش ربح في الاخر قد ايه وبقول كده يبقى السوق بكام وندفع الفرق طيب دول الاتحاد الاوربي والولايات المتحدة والدول الكبرى اقتصاديا وزراعيا دا مش موجود
د.صلاح عبد المؤمن:بس بيفرق تعاون هذا الدعم لابد ان ننظر لهذا ويفرض اشياء اخرى في مقابل هذا الدعم وانا عشت في الولايات المتحدة واعتقد انه فيه حاجات بتدفع وضرائب بتدفع على بعض الاشياء
احمد بصيلة:ولكنها اقل من الدعم اللي بيقدم
د.صلاح عبد المؤمن:دائما ويجب ان نعترف ان قصة ادعم ان نعمل جاهدين على ان نتوصل للحالات التي تستحق الدعم
احمد بصيلة:يبقى السماد موضوع اخذ في الدرسة وقريبا
د.صلاح عبد المؤمن:جيدا وان شاء الله لن نواجه بازمة باذن الله يعني
احمد بصيلة:.. طيب المبيدات قضية كبيرة وحديث مستمر ايه موقفنا
د.صلاح عبد المؤمن:خلينا نتفق على حاجة اولا مشكلتنا في المبيدات زي مشكلة بلاد كتير واستخدام المبيدات وليس المبيد نفسه يجب ان ننظر الى المبيد كمادة كيماوية ضارة عند حد معين ومفيدة عند حد معين مثل الادوية تماما المشكلة عندنا انه احنا لا نستخدم المبيدات ليس بالجرعة المطلوبة تماما انه دا لاسباب كتيرة خارجة عن ارادة المستخدم نفسه منها على سبيل المثال ان انا اقول للمزارع في البيت انه المبيد دا بيستخدم في كذا وماتور رش ياخد كام لتر وانا بستخدم رشاشة صغيرة 20 لتر اعمل ايه.. ؟ لابد من شركة المبيدات انها تديني عبوة بلاستيك يحط فيها وانا مريت على محلات مبيدات ولقيت كده .. نقطة تانية انه فيه مبيدات ليست مسجلة ويجب ان اعترف ان في مصر يوجد نظام تسجيلي للمبيدات قوي جدا ولا يتسرب منه شئ
احمد بصيلة: امال ايه بقى
د.صلاح عبد المؤمن:ما تسرب هو من خارج الطرق الشرعية ليس بالطرق الشرعية ان توجد مصانع مخالفة لصناعة مبيدات مثل مصانع اخرى وبيدخلوها في السوق باسعار ارخص وبيكون له اثر في التحايل يعني حتى العبوة نفسها ثم يغير وطبعا المزراع البسيط يمكن ما يجيش في باله الكلام دا
احمد بصيلة:وطبعا مضرة صحية ايضا
د.صلاح عبد المؤمن:طبعا المبيدات اللي بتيجي من برة بتعمل مشاكل النقطة التانية انها لازم تجرب في الحقول على المحاصيل الموصى بها لمدة 3 سنوات متتالية تحت ظروف مصر كلها في قبلي وبحري وخلافه.. النقطة التانية
احمد بصيلة:نبدا بس الاول من اول دخولها يعني جميع المبيدات اللي بتدخل مصر المشكلة في الاستخدام الخاطئ للمبيدات اللي جاية بطريقة شرعية
د.صلاح عبد المؤمن:دخولها ليه اسس انه لابد من استخدامها في بلد المنشا ولابد ان يكون مصرح باستخدامها في البلاد الاخرى منظمة البيئة الامريكية والاتحاد الاوربي والاتنين طبعا بيهتموا جدا بهذا الشان وبعد كده ممكن قد نرفض تجربتها هنا والمبيدات بيتم صرفها عن طريق وزارة الزراعة
احمد بصيلة:هي نسبة الغير شرعي او غير سليم اللي داخل بطريقة غير سليمة كام في المية
د.صلاح عبد المؤمن:مقدرش احكم ولكنها ليست نسبة كبيرة وبعدين احنا برضه يجب ان يكون عندنا وعي وما نشجعش الحاجة دي زواخدها من مصادرها الموثوق فيها الباقي بره نفش الشكل لكن مش هي المطلوب
احمد بصيلة:فين دور وزارة الزراعة على رش المبيدات
د.صلاح عبد المؤمن:هو الحقيقة بالنسبة الى موضع رش المبيدات خليني اقول دور وزارة الزراعة في مراقبة المبيدات دي قد ايه .. فيه قسم اسمه قسم الرقابة عدد الناس اللي بتشتغل في هذا القسم عدد صغير ولابد ان ندعم هذا العدد ونحط ناس كتير ونحميهم فيما يتعرضوا له ودورنا في الرش احنا ما بنرشش المبيد لسبب انه عندي تجمعات زراعية معينة اقدر اسلم لهم برنامج رش يعني لو عندي جمعية زراعية اخلي ماتور رش كبير او ماتورين او تلاتة يطلعوا وبعدين يرشوا المكان دا لكن هتلاقي سيادتك ان دا نص فدان خضار جنب نص فدان درة جنب نص فدان حاجة تانية
احمد بصيلة:هي المشكلة دي مالهاش حل واحنا اولا ما نقدرش نفرض دورة زراعية لانه مفيش ما يجبرني ان اقوله انه لاززم تزرع كذا انا احنا بنعمل دورة استرشادية تركيب محصول معين ثم يدرب بيه ويقتنع بيه ثم نتبناه في جمعيات ومساحات زراعية دا نقدر نخدم بالشكل المطلوب لانه لو لقيت حد زارع رز جنب درة الرز بياخد مية كتير
احمد بصيلة:طيب الفلاحين ليه ما بيلتموش او بيفضلوا هذه الطريقة
د.صلاح عبد المؤمن:الحقيقة هما بيطلبوها دلوقت من تعاملي معاهم في كتير عايزن الدورة دي عشان تكون مطبقة بس لازم نبص لحاجة مهمة الفلاح مستعد يعمل معايا اي حاجة بس بيمي وبينه حاجة مهمة جدا ان انا اسوق له الموضوع دا لازم اسوق له الناتج بتاعه
احمد بصيلة:طيب تدخل في التسويق على طول
د.صلاح عبد المؤمن:لو السوق فيه البصل غالي كل النا بتزرع بصل دي ثقافتنا الحاجة الاخرى وهكذا فاحنا لابد ان احنا نسوق الكلام دا والتسويق مش دور وزارة الزراعة .. الانتاج الزراعي الوفير هو مهمة وزارة الزراعة ياتي بعد ذلك التعاون مع الوزارات الاخرى وزارة التموين وزارة التجارة ازاي اسوق لهم يعني احنا بندخل في هذا كوزارة زراعة عن طريق البنك عن طريق التعاونيات ان احنا نرصد مبالغ وندخل السوق نشتري ونسوق والكلام دا
د.صلاح عبد المؤمن:ممكن في السلع الغذائية كمان تزرع ويبقى عندنا فائض مثلا احنا عندنا فائض من الخضر والفاكهة بنفقد حوالي لا يقل عن 25% من الفاكهة بتاعتنا
احمد بصيلة:امال ازاي فيه فاكهة مستوردة
د.صلاح عبد المؤمن:السوق مفتوح ومقدرش امنع حد من انه يستورد
احمد بصيلة:وممكن اسعارها تبقى اقل
د.صلاح عبد المؤمن:لا يمكن والحقيقة اسعار الخضر والفاكهة في مصر من اقل الاسعارفي العالم كله يعني مفيش حاجة تكون مستوردة ارخص من المحلي عندنا
احمد بصيلة:يعني احنا عندنا فائض في المحلي وفي الخضر طب الاسعار ما بتنزلش ليه طالما عندنا فائض يادكتور
د.صلاح عبد المؤمن:لانه الفلاح هو اللي بيضر لكن الفكهاني وانا سالت واحد بتاع فاكهة يوم الجمعة وهو ما يعرفنيش قلت له لما تجيب 10 اقفاص نسبة كام ممكن يبوظ منك لحقيقة اللحاجة بنسبة 25% بيبوظ فهو بيشتري الكلام دا لانه مش ضامن انه كل اللي عنده يتباع لكن لو اتباع خير وبركة فدي مسائل عرض وطلب وسوق
احمد بصيلة:طب لما احنا عندنا فائض ما بتصدرش ليه يادكتور اولا مش كل الحاجات اللي عندنا تقبل في الخارج يعني احنا فيه حاجات عندنا مطلوبة في الخارج
د.صلاح عبد المؤمن:الصادرات كانت بترجع .. لكن انا هقول لحضرتك فكرنا في وزارة الزراعة هو ايه..؟ ان احنا نركز بانتاج مكثف من المحاصيل الزراعية زي القمح والدرة والذرة دي محاصيل استراتيجية بمعنى انه عندي مصادر برة هتديني وقد يكون السعر العالمي ارخص من السعر اللي انا بشتريه هنا لكن دا شئ استرتيجي لابد ان اؤمن نفسي واستورد الجزء الاخر اللي انا عاوزه دي لازم اركز فيها وتبقى موجودة عندنا اساسية المحاصيل لابد ان اشجع الفلاح واتعامل معاه وانظر للحاجات اللي فيها ميزة نسبية السوق بيحتاجها امتى والبطاطس احد الاشياء فيها والبطاطس كان التحاد الاوربي بيتعسف معانا في استيراد البطاطس تعسف ويبنى على سياسة اكتر منه علم .. دا احد الحاجات المحظورة لانها بتعمل مشاكل هناك واحنا عندنا حاجات محظورة لكن هنا السوق بتاعهم كان محتاج بطاطس ولكن توصلنا بعد عمليات النقاش معاهم والتفاوض على اساس علمي ان احنا تفتح السوق الاوربية بدون قيد ولا شرط ما يقدرش يقولي كذا حالة هقفل ما بقوش يفرضوا علينا نظامهم ان احنا تعامل بمنطق العلم والدليل العلمي هو اللي يحكمنا
احمد بصيلة:فيه مواصفات خاصة
د.صلاح عبد المؤمن:لا مش قصة مبيدات انما فيه احجام معينة لاستخدام الشيبسي فيه انواع للقلية فقط
احمد بصيلة:اصل ساعات بنشوف حاجات من اللي بتصدر شكلها داخلة كتير من الحاجات اللي موجودة في اسواق عندنا
د.صلاح عبد المؤمن:اللي انا بركز عليه وبقول عليه حاجة واحدة ن هو دورنا اللي مؤمنين بيه تماما ان اللي يتناوله المواطن المصري لا يقل في جودته ليس الشكل لا يقل في جودته عن اللي بيصدر في الخارج من حيث جودته
احمد بصيلة:طيب اسمح لنا بعض اراء المزارعين في هذا التقرير
فاصل تقريري
مزارع ا: محصول القطن في البلد مرمي الان في البيوت مفيش حد عارف القطن انه تكلفته واسعة فين التكلفة اللي موجودة علينا النا النهاردة كفلاح ومفيش واحد مصري ما بينتجش والتوزيع بتاعه بره.. فين التوزيع فين وزير الزراعة دي وزارة الزراعة 3 وزارات في بعض
مزارع 2: احنا الاراضي الزراعية اللي عمالين تتكلموا عنها هتتوزع بقانا دلوقت اكتر من 15 سنة مستنيين مفيش اي حاجة دلوقت وصلنا لمرحلة الياس
مزارع3: الحاجات غليت زمان كانوا بيجيبوا كسب.. الكسب الاخضر وكان رخيص وكان حلو دلوقت الكسب مافيهوش فايدة لمواشي ولا البهايم ومش عارفين نعمل ايه تاحنا محتارين
مزارع 4: احنا كنا عنزرع قطن السنادي الاسعار بايظة والحكومة ذات نفسها ما بتشجعش يعني القطن بتاع السنة اللي قاتت فضل مركون في البيوت محدش رضي ياخده خالص
فاصل
احمد بصيلة:التقرير ابتدى بالقطن وانتهى بالقطن يبدو انه فيه مشكلة والتوزيع منعدم
د.صلاح عبد المؤمن:هنا الاخوة محقين تماما فيما يقولون السنة اللي فاتت كان صدر قرار بوقف استيراد القطن لكن لما وقف الحقيقة كان فيه شركات قطن للمغاول تعاقدوا من بره وكان فيه شركات كبيرة قررت انه يطبق من وقت صدوره فالاخوة عرفوا هذا الكلام فادوا اسعار كبيرة ادت الى انه مقدرناش نبيع القطن عندنا .. السنادي هنحاول باقصى جهد انه نصرف هذا الجزء اللي موجود وقلت كمية القطن اللي مزروعة السنادي ولينا دور في دا لكن بتالنسبة للقطن قصير التيلة
احمد بصيلة:اغلب المصانع في مصر بتعتمد على قطن قصير التيلة بينا طويل التيلة بتستورده مصانع معينة اعتقد قليلة حجدا في مصر
د.صلاح عبد المؤمن:اعتقد انه صعب نشتريها كمصريين بدخولنا الموجودة فعشان كده بيصدر لكن كل اللبس اللي لابسينه قطن قصير التيلة
احمد بصيلة:طيب هما عايزين الوزارة تشارك في تسويق هذا المحصول
د.صلاح عبد المؤمن:صحيح.. بنك التنمية والائتمان الزراعي اعلن انه هيسوق لكن البنك تعرض لمشاكل كتيرة منها السنة اللي فاتت وتحت الضغوط قيل ان رئيس البنك ضاعف الرواتب 3 مرات بيدفع مليار وشوية في الرواتب
احمد بصيلة:لا انا بتكلم عن الخدمات اللي بيقدمها للمزراع العاملين
د.صلاح عبد المؤمن:البنك لازم ما تكونش ليه صفة تجارية شوية لازم يقلل من الناحية التجارية فدي سياسة البنك بس لازم نبص عليه ان فكرته بنك برضه الناس اللي بتشتغل فيه بتقول احنا بنشتغل في بنك
احمد بصيلة:معرض للربح والخسارة
د.صلاح عبد المؤمن:لازم نوازن وننظر الى كل الموضوعات في وجوهها المختلفة وانظر الى زميلي في بنك اخر يعني النهاردة هو واحد بينظر الى زميله الخريج اللي في نفس المكان فدي بتبقى معادلات
احمد بصيلة:موضوع الاعلاف وارتفاع اسعارها حضرتك توضح لنا كيف ارتفعت بهذا الشكل الاعلاف التي تباع للمزراع
د.صلاح عبد المؤمن:عندنا مصنعين حكوميين لانتاج الاعلاف ودول بينتجوا من 6 الى 7 الاف طن اعلاف سنويا والطاقة بتاعتهم ازيد من كده بكتير لكن المصانع بتاعتنا تقدر تنتج كميات اكبر والسعر يقدر ينزل عن كده كتير لكن دا راجع للتعاقدات مع الوقت المصنع طاقة المصنع انها تنتج ضعف الكمية مثلا انا عشان اتنتج في مصنع لابد انه يكون فيه زبون ياخد واللي تعاقدوا معايا هما من حدود 6 الى 7 الاف طن في السنة او ندخل احنا برضه كمنتج بس لابد ان احنا نفتح سوق
احمد بصيلة:سعر طن العلف 10 اضعاف سعر طن الدقيق
د.صلاح عبد المؤمن:ماهولازم ان الدقيق مدعم والرغيف ابو 5 صاغ بيتكلف على الدولة 24 قرش يعني يجب ان ننظر لهذا والنقطة التانية برضه القصة ليه مفيش طلب على الاعلاف احنا بنفقد جزء كبير من محاصيلنا الزراعية في الاعلاف زي القمح ودا ليس لنقص العلف ولكن لنقص السعة التخزينية اللي هي تقدر تخزن فيها القمح انا انتجت السنادي 9.5 مليون طن قمح واحتياجاتنا لدعم رغيف الخبز 9.6 ملون واقصى سعة تخزينية وصلنا لها في وزارة الزراعة 3.8 بمعنى انه مفيش مكان في التخزين بالنسبة لبعض المخابز واللي بتبيع الرغيف ابو خمسين بيستخدمه الفلاح في الطيور
طب وازاي ودايما يبقى فيه مناداة بالوصول الى الاكتفاء الذاتي واحنا معندناش مكان للتخزين
د.صلاح عبد المؤمن:خلينا نكون اكثر منطقية وعلميين خلينا نقول نقلل الفجوة الغذائية لاقصى درجة ممكنة دي منظومة متكاملة زي ماقلت لسيادتك انا انتجت كمية القمح دي انا عايز مكان اخزن فيه دا طلبي كوزارة زراعة وليست مسئولية وزارة الزراعة التخزين
احمد بصيلة:كده يبقى فيه نسبة كبيرة بتفقد نسبة اكبر من 20% تقريبا
د.صلاح عبد المؤمن:لا اقل من 20%
احمد بصيلة:برضه نسبة كبيرة
د.صلاح عبد المؤمن:لا بس ممكن حضرتك تسالني سؤال طب احنا المدد دي ان احنا نعمل صوامع .. يجب ان نعترف انه كان فيه مصالح خاصة لاستيراد بعض الاشياء فدي نقط الحقيقة الحكومة الحدية واخدة الموضوع بجدية وتدرسه من كل النواحي وفيه تكامل بينا وبين بعض الوزارات والوزراات ذات الصلة فيها تكامل بينها وبن المجتمعات الثنائية
احمد بصيلة:يعني بالنسبة لموضوع الاعلاف وارتفاع اسعاره هي اصلا في اتفاع ثم ارتفاع اكبر فباين انه مفيش حلول قريبة
د.صلاح عبد المؤمن:لا طبعا فيه حلول ولكن نحن تعرضنا الى الحمى القلاعية كنكبة جديدة ودي بتيجي في بعض البلاد الافريقية وبعض البلاد الاخرى ودي دخلت نتيجة انه دخل حوالي واحد على الاقل مصاب دون ان يمر على المحاجر فبيؤدي الى انتشار هذا المرض ونظرا اى انه حاجة جديدة فبيؤدي الى وفاة في العجول الصغيرة ثم العجول الكبيرة
احمد بصيلة:وهل من الطبيعي او من الوارد ان نستورد لحوم حية مريضة
د.صلاح عبد المؤمن:انا ماقلتش ان انا استوردتها انا قلت انها لم تمر على المحاجر
احمد بصيلة:يعني ما مرتش على وزارة الزراعة
د.صلاح عبد المؤمن:اي جهة لابد ان تمر على وزارة الزراعة لكن هو يمكن اثناء الوقت اللي يصعب فيه التحكم الامني تاني حاجة بتواجهنا مشاكل غير مبنية على غير اساس علمي
احمد بصيلة:زي ايه
د.صلاح عبد المؤمن:زي حد يقولي لحمة مسرطنة لحمة كلمة مسرطنة دي استخدمت كتير
احمد بصيلة:اه على غير اساسها
د.صلاح عبد المؤمن:المسرطنة دا استصلاح لا اجد له تفسير علمي
احمد بصيلة:في المبيدات واللحوم
د.صلاح عبد المؤمن:في المبيدات حتى لو دواء للانسان واخذ بطريقة خاطئة قد يؤدي لاصابة الانسان بامراض خطيرة والخطا في اسراف دواء معين قد يؤدي الى نتائج خاطئة ولاسراف في الحاجات دي فيه دول متقدمة فيها قوي نسبة السرطان مش زي هنا لكن مش دا السبب السياسي
احمد بصيلة:لكن فيه قضية شهيرة امام المحاكمة
د.صلاح عبد المؤمن:سميت بهذا وهذا ما اطلق على الموضوع وقد يكون في هذا الوقت تسربت بعض المواد الكيماوية الممنوع استخدامها وهي فعلا حاجات ما وافقتش عليها الجهات الرسمية
احمد بصيلة:بالنسبة للحوم بقى
د.صلاح عبد المؤمن:احنا بيطلع لنا مشاكل من البلاد المصدرة سيادتك بتقولي الهرمونات تقصد بهذا شحنة اللحوم الواردة من استراليا ورد لنا حوالي 21 الف راس من العجول ودول بيتحركوا من 75 يوم فاستراليا عندها النظام دا انه يحطوا في اذن الماشية كبسولات حافزة للنمو تخلي وزنه يزيد فيه منها الطبيعي وفيه منها غير الطبيعي لما وردت عندنا وتم الابلاغ عن هذه الحالة ثم تم الكشف عننسبة هذه الهرمونات العلم بيقول لو النسبة دي زايدة يترك الحيوان بعض الوقت لحد ما يصل 60 يوم او 70 يوم ولما تاخذ عينات والهرمون دا موحجود في الجسم دا اصلا زي ماحد بياخد منشطات عشان تخليه اكثر قوة وصلابة اذن المنتج بيلجا اليها هناك انه يغرس هذه الكبسولة عشان تزود الوزن ثم يربح منها وراي العلم قالت انه مفيش مشكلة في هذا الموضوع ثم بعد ذلك بدات الصحافة تثير هذه النقاط فرئيس الوزراء تدخل ليقول بعدها نفس الشئ فاذن الموضوع السؤرال اللي اتقال هل البلد اللي باعتاه لي بتاكل ذا النوع ولا لا .. بتاكله .. طب هل لوحصل هذا الكلام ممكن يرجع.. ممكن بس السؤال اللي هيقابلني ايه الدليل اللي على اساه انك انت رفضت لو انت بتقول بمزاجك ماشي بس انا مش هاخد منك كذا وكذا فاحنا دلوقت بنضع شروطنا مش عايزفي ودنه حاجة ..وهي ليست مضرة صحية وهذا ماقاله المتخصصين
احمد بصيلة:موضوع الاراضي وشباب الخريجين موضوع الاراضي فيه مشكلة حتى اللي اخدوا نتيجة انهم مش قادرين يحصلوا على هذه الاراضي نتيجة الناس اللي حاطين ايديهم ليها
د.صلاح عبد المؤمن:خليني اقول نقطة مهمة الجهات اللي تبع وزارة الزراعة جهة ولاية على الارض ولا تملكها وعندما تباع الارض فلوسها بتروح لوزارة المالية وليست وزارة الزراعة ووزارة الزراعة تنظم العمل بناء على القوانين .. القوانين اللي وضعت دلوقت وضعت في الفترة السابقة وبيعاد النظر ليها بمعنى ان احنا فتح باب تقنين وضع اليد لو انا واخد ارض اذا زرع الارض قبل 2006لا يعمل ابلغ مباشرة وما ياتي منها لميزانية الدولة مش وزارة الزراعة والخبراء يثمنوا دي نقطة .. النقطة التانية الحاجات اللي بعد كده تانا عندي مشكلة اللي ساب الارض فاضية ومعملش حاجة يبقى هو غير جاد انه الارض من 2006 مازرعش حاجة ما معنى انه يسبب الارض فاضية بهذا الشكل يبقى عايز يسقعها كما يقال انما الرجل الجاد اقوله ادفع وانا اغير القوانين والتشريعات الى جانب ان احنا عندنا برنامج استصلاح اراضي ثم اعطي الاراضي الى بعض المحافظات والمحافظ يوزع الخريجين بقرعة علنية يقم بيها المحافظ ثم يستفاد بها شباب الخريجين وكتير من شباب الخريجين عايز ارض بس اللي اقدر اقوله لحضرتك انه لينا تجارب سابقة من سنين طويلة كان الواحد لسه متخرج وبعض الزملاء خدوا اراضي وبيعت لبعض التجار عشان نبقى محقين يعني سياستنا .. في وزارة الزراعة وعرضت على الحكومة ... الزراعة التعاونية بمعنى انه يبقى فيه مستثمر كبير وجنبه صغار المنتفعين على اساس ان ها يستثمروا ويستفيدوا من الشركة الكبيرة والمعدات وهدفنا توطينه
احمد بصيلة:بس فيه برضه من شباب الخريجين والمشكلة في المية
د.صلاح عبد المؤمن:المية دي المسئولية الاولى لوزارة الري انا بعمل ايه عشان اتغلب على مشكلة المية احنا عندنا مشكلة تطوير الري الحقلي ودا مشروع ممول من جهات مانحة كتير وهو بيحسب مقننات مائية لانواع معينة من المحاصيل وبتربة معينة فاحنا بنعمل المشروع بحيث نقلل من استخدام المية بحيث انه يبقى محبس بعد وقت ونهمل طرق جديدة للزراعة منها طريقة عملناها للقمح ولواستخدمناه في زراعة القمح في مصر هتوفر 6 مليار متر مكعب مية في زرعة القمح بس .. الحاجة التانية الارز لان انا لما افتح التصدير للارز يبقى كده انا بصدر مية فانا بعمل كوزارة زراعة مع تنسيق مع الري انها توفر المية والمفروض ما بنعملش استصلاح الا لما وزارة الري تدينا المقننات المائية الموجودة لكن لو جيت على التعديات اللي سيادتك بتقولها والكلام في بتاثر على كمية المية
احمد بصيلة:التعديات على الاراضي الزراعية وخصوصا بعد 25 يناير حنى الان اكتر من 500 الف حالة تعدي
د.صلاح عبد المؤمن:دول تعدي بالبناء انما انا بتكلم على التعدي على الاراضي والمية اللي جاية عشان تسقع مكان بعيد قوي وعشان هو تعدى على حتة الارض دي مش داخلة في الموضوع دا خالص يا اما نقننها يا اما نتعامل مع الكلام دا لكن لابد ننظر الى البلاد اللي داخلة في فقر مائي
احمد بصيلة:يعني التوسع في الاراضي بهذا الشكل مضر في تالمية في صر
د.صلاح عبد المؤمن:يجب ان يكون محسوب على المناطق اللي يتوفر فيها المياه سواء مياه اضافية او ري سطحي انما ما يحدث اني بحتاج في حتى وبروي من مية رايحة حتة تانية فيؤثر على اطراف الترعة
احمد بصيلة:الموضوعات كتيرة ولكن البحث العلمي والزراعة المفوض تكون من اوائل القطاعات التي بتستفيد من البحث العلمي فاي منتج لما تيجي تشوف الخارج قد ايه وانتاجنا في الحيوانات او الزراعة او الفاكهة احنا رقم قليل جدا دا اعتقد بحث علمي
د.صلاح عبد المؤمن:صحيح احنا عندنا مركزين من اكبر مراكز البحث العلمي في مصر مركز البحوث الراعية ومركز بحوث الصحراء عندنا جهاز ارشاد يجب ان ادعمه بشكل اقوى من كجده بكتير فالعدد المرشدين الزراعيين قليل وهو بيبقى همزة الوصل لانه بينقل التكنولوجيا والبحث العلمي بصورة مبسطة للمزارع واحنا نعدهم لاان للخريجين الجداد وبنبني بذور ثقة بين المرشد وبين الرجل الفلاح لانه في اوقات كتيرة فقدت الثقة لانه قلة المعلومات لم تكن تؤدي الغرض والبحث العلمي دا قاطرة تنمية والبحوث اللي موجودة عندنا في مركزالبحوث الزراعية ومركز بحوث الصحرا بحوث تطبيقية وبكميات كبيرة لكن يبقى عليك كيفية نشر هذه البحوث وكيفية وضعها في طريقة يستفيد منها ليس فقط المزارع الصغير وانما من يتبناها
احمد بصيلة:وايه العقبة في الموضوع دا
د.صلاح عبد المؤمن:العقبة انه وسيلة النشر في الموضوع دا نقص العدد واحنا حاولنا نتغلب على مشكلة نقص العدد واتفقنا مع احدى شركات وزارة الزراعة
احمد بصيلة:ولكن وزارة الزراعة بها اعداد كبيرة
د.صلاح عبد المؤمن:زي وزارات كتير لكن توزيع القوى البشرية لو انا اقول لسيادتك ان الجانب الاداري في بعض اماكن كتيرة اكتر من الجانب الفني بكتير فراعينا في التعيينات الجديدة انه مش ضروري ان الواحد يشتغل في المكان اللي هيتثبت فيه .. هو الاول يثبت حكوميا ثم يشتغل في المكان اللي يحتاجه عشان نسد العجز في المكان دا
احمد بصيلة:عايز اعرف اهم المطالب من المزارع المصري ممكن تتحل خلال الايام القادمة لاني بشوف اعلان وزارة الزراعة انه يلبي الطلبات الملحة انه هيتم حلها او يجري بحث حلها
د.صلاح عبد المؤمن:اهم المطالب اللي بيتم حلها بشكل سريع انه كتير من المزارعين بيبقوا عايزين تقاوي وانواع محسنة احنا موجودة عندنا وتقدر تغط كله ولكن بعض الجهات التي تسلك سلوك غير طيب بتضع في الشيكارة بتاعة مركز البحوث الزراعية بتضع نفس الشيكارة فيها تقاوي مش كويسة احنا هنلاقي الية ان الجمعيات التعاونية الزراعية اللي عايز بيسجل اسمه فيها ثم تروح الكمية وياخد كل واحد لانه انا بنتج تقاوي بنسبة معينة لانه ما يزيد عن هذه النسبة بيبقى مشكلة عندي الحقيقة فاحنا بنعرف السوق بيطلب كام وبننتجه مطالب اخرى التعيينات احنا عندنا عدد كبير من المؤقتين في وزارة الزراعة في الوزارة نفسها فيه 72 الف وفي مركز البحوث الزراعية 18 او 19 الف وفي مركز بحوث الصحرا 2000 طبعا دا عدد كبير جدا وا تستطيع الحكومة ان تستوعبه مرة واحدة فالحكومة اصدرت انها تعين 50% في الفترة الحالية من 1/7
احمد بصيلة:يعني هتعين 50% لحاجة الوزارة ليهم ولا مجرد الاستجابة للمطالب
د.صلاح عبد المؤمن:للاتنين
احمد بصيلة:سيادة الوزير قدامنا موضوعات كتيرة فلو تسمح لنا يبقى عندنا حلقة تانية عايزين نتكلم عن التنمية في سينا وتوشكى والمشروعات اللي في الجنوب والثروة السمكية
د.صلاح عبد المؤمن:ان شاء الله يكون لينا لقاء اخر
احمد بصيلة:دكتور صلاح عبد المؤمن وزير الزراعة واستصلاح الاراضي بشكرك على هذا اللقاء ومرة تانية كل سنة وحضرتك طيب وكل المزارعين طيبين .. شكرا لكم اعزائي المشاهدين وغدا لقاء جديد واتجاهات