تعليقات ساخرة على مناظرة أبو الفتوح وعمرو موسى

انتظرونا .. أوعوا تروحوا فى حته تانية

انتشر على الموقع الاجتماعى الفيس بوك تعليقات تسخر من المناظرة التى تمت بين مرشحى الرئاسه الدكتور عبد المنعم أبو الفتوح وعمرو موسى والتى قام كلا من ريم ماجد و منى الشاذلى ويسرى فوده وعمرو خفاجى و حافظ المرازى بإدارتها لعرض البرنامج الانتخابى لكل منهما من خلال توجيه عده أسئله لهما عن النظام السابق والثورة المصرية والأوضاع الحاليه ونظرته للمستقبل وكيفيه الارتقاء بمصر فى خلال فترة حكمه التى لا تتعدى فترتين رئاسيتين كل فترة منهما أربعه سنوات
وكعادة المصريين وبالأخص شباب الفيسبوك وتويتر يلتقطون الكلام ويحولونه لمداعبات وسخرية تنم عن وعى بالأحداث أكثر من صانعيه .. هذه بعض من التعليقات على المناظرة
إزاى واحد فلول (عمرو موسي) بيقول أنه مش فلول مع واحد إخوان ( أبوالفتوح) بيقول أنه مش إخوان ، يبقي أكيد المناظرة لازم تكون برعاية سنيكرز لأن انت مش انت ، وإنت جعان
............................
يعني إيه مناظره بين عمرو موسي وأبوالفتوح
يعني هتقولهملي حسني حسني
هقولهملك ثوار ثوار
............................
إعلام إيه دااا !!! مناظره كامله تخلص
و مفيش سؤال عن كيفيه تزغيط دكر البط
ولا حزمه الجرجير فيها كام عود !!
أسئله معروفه انها بتحدد اذا كان الرئيس يصلح ولا لا يصلح
............................
من خلال المناظرة دي .. أعلن تأييدي ل دوريتوس بدل من شبسيكو مضلع )
كل دى اعلانات انا نست كنت هتفرج علي ايه
............................
عمر موسى بيفكرنى بنفسى أيام امتحانات الجامعه
مش مهم أعرف الآجابه الصح ....المهم ماسيبش ورقه الآجابه فاضيه
............................
انا شايف إن الخاسر الاكبر من الجزء التاني هي مني الشاذلي
يسري فودة عطاها درس في إدارة الحوارات والمناظرات
............................
باسم يوسف على تويتر | واحد بيذلنا بعمله في الخارجية و التاني بيذلنا بسجنه ... زي ما مبارك ذلنا بالطلعة الجوية
............................
عمرو موسي شوية وهقولك أنا عضو في 6 ابريل وانا أدمن صفحة كلنا خالد سعيد
............................
حاجة وحشة أوى لما يقطعوا الاعلانات علشان يجيبه المناظرة )
............................
بعد كميه الإعلانات اللي مش عايزه تخلص فى مناظره موسى وأبو الفتوح
.المناظره شكلها هى اللى هتبقى الفاصل )
............................
بعد انتهاء الجزء الآول من المناظره هنتخب منى الشاذلى )
مذيعه جامده والله
............................
عجباني أوي حركات عمرو موسي
شمال ويمين ويمين وشمال كأنه حارس مرمي ومستني حد يشوطه
............................
لو فضلت المناظره شغاله بنظام تلقيح الكلام ده
الشعب ممكن يرشح يسرى فوده
الشعب ده بيتلخبط بسرعه
............................
هااااااااااار اسود .. عمرو موسي بيقولك الثوار والناس للي زي !!
هو عمرو موسي من الثوار وانا مش واخد بالي !!؟؟
............................
موسى : من قال نعم على التعديلات الدستورية ليس مع الثورة. ويقول عن نفسه "نحن كثوار" هو قصده ثورة 1919؟
............................
السؤال العجيب إن يسري فودة بذكاءه
بيسأل عمرو موسي بيقوله هل ترضي إن حد من نظام مبارك
يشتغل معاك ؟!!
علي أساس إن عمرو موسي مدرب برشلونة يعني و لا ايه ؟!!
............................
سؤال غبى اخر عن الذمة المالية والصحية لاتنين معديين الستين
الإجابة
أنا عندى شقة إيجار وداخل واحدة قسط لابنى
بالنسبة للصحية
انا شايف إن عمرو موسى يسيب الدقيقتين يخلصوا أحسن )
............................
بلال فضل: من شدة قوة عمرو موسى وهو بيقول أنا كثوري تخيلت إن اللي كان واقف جنبي على سلالم دار الحكمة يوم 25 يناير هو عمرو موسى مش أبو الفتوح
............................
عمرو موسي الشوط التاني عامل السن واللياقة مش في صالحوا
............................
صرفت كام يا عمرو ؟ .. إنت اللي صرفت كام ؟ .. كنت فين قبل الثورة يا عمرو ؟ .. إنت اللي كنت فين ؟ .. كنت بتأيد مبارك يا عمرو ؟ .. سيبك من مبارك ياللي بيأيدك السلفيين .. طب ماكنا عملنا مناظرة مع أبو الفتوح لوحده .. مسهرين جدو عمرو معانا ليه
............................
أنباء عن أن موسي في الفاصل بيقول لأبو الفتوح ... أنا مستنيك برة
............................
عزيزى الفل : انت اصلا كده كده عمرك ما هتقتنع إلا بعمرو موسى او شفيق فمتتعبش نفسك وتكتب ان عمرو موسى متقدم ... الناس كلها شايفه يا حبيبي .. انزل اى قهوة وشوف الناس مع مين .. اوعى تعيش مع نفسك فى اوهام
............................
المرشح القادم لرئاسة الجمهورية هو من يستطيع أن يكمل المناظرة دون أن يصاب بدوالى أو بواسير
باسم يوسف
............................
أبوالفتوح شكله هيعمل زي تريكة هيجيب جوان في اخر الماتش
............................
عمرو موسى "وزير الخارجية الأسبق وأمين جامعة الدول العربية السابق"
بيقول إن إيران دوله عربية ويرفض محاربته
أبو الفتوح عمله روشه ياعينى )))
............................
يا جدعان الراجل عندووو 76 سنه !!
ده انا ستى أصغر منه وبدات تلووووووش
............................
عمرو موسى محسسنى إنه كان مرشد للإخوان فى عصر النظام السابق
الراجل بجد مفكر نفسه إنه كان معارض للنظام
............................
حاسس إن روح عكاشة بدأت تهفهف على عمرو موسي
دا مش بعيد يقول إن امريكا هى كمان عربيه
............................
عمرو موسى : إيران دولة عربية !!
شكلك تعبت من الوقفه يا جدو
............................
تحية إلي عمرو موسي
مفجر ثورة 25 يناير و أدمن صفحة كلنا خالد سعيد و شهيد معركة الجمل سابقا و هاكر قناة الفراعين حاليا