الرئيس يحاور متابعيه على تويتر: "أوقفوا الإضرابات علشان مصر ..ومش هاسمح بظلم حد"

طالب الرئيس محمد مرسي بفك إضراب المعتصمين والمُضربين عن العمل عشان خاطر مصر، مطالباً الشعب بأن يعيد الثقة لوزارة الداخلية لاستكمال عملها "تحتاج الثقة ترجع ليها تاني"، مؤكداً أنه "يعمل لصالح الشعب ويشتغل على قد ما يقدر".
وأضاف الرئيس في رده على أسئلة متابعيه على "تويتر"، الخميس: "أنا مُهتم بأهل العشوائيات، وهم أهلي وإحنا طورنا 68 عشوائية السنة دي و البقية تأتي".
ورداً على سؤال "ياريس شباب حركة أحرار محبوسين بسبب إنهم راحوا ينصروا أختهم جهاد اللي ماتت في جامعة المنصورة واتلفقلهم قضايا"، قال مرسي: "مش هاسمح بظلم حد من أولاد مصر وهاشوف الموضوع ده بنفسي»، مضيفاً: «شباب الثورة لهم مني كل تقدير وهو التويتر ده مش رسالة مني لكل الشباب؟".
وعن الإضرابات والاعتصامات داخل أماكن العمل، أجاب الرئيس مرسي قائلاً: "عارف إن كثيرا من العمال واقع عليهم ظلم، لكن خلونا نفك الإضرابات الفئوية عشان خاطر مصر"، مؤكداً: "نسعى لتحقيق شعارات الثورة في العيش والحرية والعدالة الاجتماعية، والكرامة الإنسانية، وعاوزين إيديكو معانا".
وأكد الرئيس مرسي أن مؤسسة الرئاسة تقف على مسافة واحدة من جميع القوى الوطنية، مشيراً إلى أنه لا يرى إلا "مصلحة الشعب، وباشتغل على قد ما أقدر وعيني على كل ولاد البلد"، مضيفاً: "كل الإجراءات الاقتصادية تدور حول العدالة الاجتماعية والمواطن البسيط".
ورداً حول المطالبة بإعادة هيكلة وزارة الداخلية، أجاب الرئيس: "محتاجة اهتمام مش عشانها عشان مصر أعطوها الثقة وهاتشوفوا خير إن شاء الله".