مرسي لمتابعيه على «تويتر»: «بشتغل على قد ما أقدر.. وبلاش اعتصامات عشان مصر»

طالب الرئيس مرسي ب«فك إضراب المعتصمين والمُضربين عن العمل عشان خاطر مصر».
وأكد أن وزارة الداخلية «تحتاج الثقة ترجع ليها تاني»، مؤكداً أنه «يعمل لصالح الشعب ويشتغل على قد ما يقدر».
وأضاف مرسي في رده على أسئلة متابعيه على «تويتر»، الخميس: « أنا مُهتم بأهل العشوائيات، وهم أهلي وإحنا طورنا 68 عشوائية السنة دي و البقية تأتي».
ورداً على سؤال «ياريس شباب حركة أحرار محبوسين بسبب أنهم راحو ينصروا أختهم جهاد اللى ماتت فى جامعة المنصورة واتلفقلهم قضايا»، قال مرسي: «مش هاسمح بظلم حد من أولاد مصر وهاشوف الموضوع ده بنفسي»، مضيفاً: «شباب الثورة لهم مني كل تقدير و هو التويتر ده مش رسالة مني لكل الشباب؟».
وعن الإضرابات والاعتصامات داخل أماكن العمل، أجاب الرئيس مرسي قائلاً: «عارف إن كثير من العمال واقع عليهم ظلم، لكن خلونا نفك الاضرابات الفئوية عشان خاطر مصر»، مؤكداً: «نسعي لتحقيق شعارات الثورة في العيش و الحرية والعدالة الاجتماعية، والكرامة الإنسانية، وعاوزين إيديكو معانا».
وأكد الرئيس مرسي أن مؤسسة الرئاسة تقف على مسافة واحدة من جميع القوى الوطنية، مشيراً إلى أنه لا يرى إلا «مصلحة الشعب، وباشتغل على قد ما أقدر وعيني على كل ولاد البلد»، مضيفاً: «كل الإجراءات الاقتصادية تدور حول العدالة الاجتماعية والمواطن البسيط».
ورداً حول المطالبة بإعادة هيكلة وزارة الداخلية، أجاب الرئيس: «محتاجة اهتمام مش عشانها عشان مصر أعطوها الثقة و هاتشوفوا خير إن شاء الله».