بالصور| مزلقان الموت.. سوق وموقف حول شريط سكة حديد بالمنيا

استمراراً لسلطات الانقلاب العسكري وتجاهلها لأزمات المواطنين المصريين في كافة المحافظات .
منذ أقل من 4 شهور، وقع حادث راح ضحيته ثلاثة أفراد من أسرة واحدة بجانب عامل المزلقان، ولم يتحرك أي أحد من المسؤولين، واتجهت شبكة "رصد" لمزلقان الموت، ورصدت كم الإهمال الذي تتسبب به حكومة محلب.

ورأينا معدات منذ الاحتلال الإنجليزي لمصر إذ بدأ بناء خطوط السكك الحديدية، والعمال يشتكون من إهمال المسؤولين وتعريض حياتهم وحياة المارة للخطر.

وقال أمين الشرطة المسؤول عن المرور بالمنطقة: "العيد الماضي مرّت سيارة على شريط القطار وقطعت السلاسل ومات 12 فرداً، وبعدها وقع حادث آخر في وأثناء محاولة زميلي إنقاذ أسرة من تحت القطر، فمات معهم، نعمل إيه تاني مع الناس؟ سلاسل بنقفل.. بنصفر للناس.. اللى جاى عكس الاتجاه يا إما بنرجعه يا إما بناخده مخالفة.. غير كده أنا مفيش في إيدى حاجه تانى".

ويقول أحد موظفي السكة الحديد، واسمه إبراهيم (27 سنة)، وشهرته المنسى: "إنهم يلقبونني بالمنسى؛ لأني شغال 12 ساعة ممكن يكون معايا مساعد وممكن أكون لوحدى، أنا مهمتى غلق المزلقان، وأتواصل مع مزلقان المنصورة ومزلقان الجنايني".

وأشار إلى الهاتف الموجود بمكتبه قائلا: "ده تليفون أبويا العمدة من أيام الإنجليز مكانه يتحط في المتحف للآثار يعنى الناس طلعت القمر.. التليفون ده في أقل من دقيقة ممكن ميردش عليّ بتاع مزلقان المنصورة اللى بعدى أو السلك يتقطع أوى لأى سبب.. ييجى القطر يشيله عربية فيها 12 ولا 13 واحد وتحصل كارثة! وأنا اللى اتجازى وآخد 10 سنين سجن ولا أكتر مع إنه مش ذنبى!".

بينما أضاف أحد العمال متدخلا بكلامه: "هو ليه الصعيد كده ليه محدش باصصله، إحنا مش بلد واحدة؟! المسؤولين فين؟ يشوفوا الناس اللى بتموت هنا؟"، وأضاف: "في مصر البوابة بتتقفل أوتوماتيك ليه إحنا مش زى القاهرة؟".

وعن سؤاله أنه في حالة تنفيذ التحديثات والتغييرات هل سيلتزم المواطنين قال: "طبعا هيلتزموا لأن المزلقان بيتقفل أوتوماتيك ومحدش هيقدر يعدى".. ثم أشار لبعض المارة على خط السكه الحديد لداخله قائلا: "ازاى ناس تمشى كده ع خط السكة الحديد أنا إيه اللى عرفنى ده رايح يفجر ولا يسرق ولا يخرب، وطبعا إحنا منقدرش نكلم حد؛ لأننا هناخد فوق دماغنا، المكان نفسه غلط.. إزاى مزلقان قطر على، ناس رايحة وناس جاية وستات بيتبيع واللى تكلمها منهم تتخانق فيك".

وأضاف: "الصبح كل زبالة السوق يرموها ع خط السكه الحديد.. وأصحاب عربيات الحنطور (العربجية) يجيبوا الخيل ويمشوها ع الخط يكسروا فيه علشان يروحوا يحموها في النيل، ومنقدرش ننطق مع واحد فيهم.. لكن فين الحكومة؟".

وتدخل أمين الشرطه قائلا: "أنا من حقى يكون معايا أمين شرطة من المباحث مكونش لوحدى أنا المفروض تبع إدارة المرور يعنى أتكلم مع العربية مع التاكسى، لكن مليش دعوه بالعربجية؟! فين المرافق؟!".

فيما ختم كلامه قائلا: "لا حياة لمن تنادى.. أول مالحادثة تحصل ييجى مدير الأمن والمحافظ يتصوروا ويتكلموا ويومين ويمشوا ومفيش حاجة بتتغير.. إحنا اللى مرميين هنا ومحدش سائل فين".