"أبو عرايس" رجل عمر سلميان : الإساءة للرسول حق كفله الدستور

زعم سامح أبوعرايس الذي يعرف نفسه بالخبير الإقتصادي ومنسق حملة عمر سليمان السابق، أن الدستور أعطاه حق التعبير عن الرأى وحرية الإعتقاد، بعد هجومه على الدين الإسلامي والرسول محمد صلى الله عليه وسلم.
وقال أبوعرايس على صفحته الشخصية عبر موقع التواصل الإجتماعي "فيس بوك": لأي حد بيهاجمني علشان باقول رأيي أو بيهاجم أي حد بسبب الكلام في الأديان . أنا لي حق دستوري في حرية الرأي والتعبير وده ليس ازدراء للاديان لانه نقد علمي وليس اساءة أو شتائم : المادة 64 من الدستور : "حرية الاعتقاد مطلقة ... " المادة 65 من الدستور : " حرية الفكر والرأى مكفولة. ولكل إنسان حق التعبيرعن رأيه بالقول، أو بالكتابة، أو بالتصوير، أو غير ذلك من وسائل التعبير والنشر" .
وكان أبوعرايس واجه انتقادات واسعة من النشطاء بسبب هجومه على تعاليم الإسلام والرسول، حيث كتب": المشكلة اني لو دخلت الجنة وقابلت الرسول محمد وسمع رأيي في أي شئ ممكن يقطع رقبتي زي بني قريظة كده وعمر بن الخطاب هينفعل ويقول كعادته " ائذنلي يا رسول الله أن أضرب عنقه " . ولو قابلت المسيح وسمع رأيي هيقوم يضربني بالكرباج زي ماعمل مع الصرافين في الهيكل بالذات ان شغلي في البورصة يعني من الفئة اللي مش عاجباه وممكن المسيحيين المخلصين اللي سحلوا هيباتيا يسحلوني أنا كمان . ولو قابلت موسى بقى وعرف رأيي في اللي عمله مع فرعون ومع شعبه ومع الفلسطينيين هيأمر واحد من أتباعه انه يقتلني زي لما أمر كل واحد من قومه انه يقتل التاني وربنا يستر مايكونش معاه يوشع بن نون أصل ده تخصص في الابادة الجماعية . وطبعا كل المتطرفين من كل الأديان هنلاقيهم ( ماهو المتطرفين من كل دين مؤمنين انهم داخلين الجنة ) يعني هلاقي الحاخام عوفاديا يوسف وهلاقي بن لادن والعرعور وغيرهم . لكن في النار هلاقي فلاسفة ومفكرين وفنانين وستات جميلة وناس تعرف تتناقش معاهم ومافيش حد فيهم بيدعي لنفسه قداسة . والكبير هناك هيبقى ابليس ( لوسيفر ) اللي كان عايز يمنح الناس الحكمة وقال لادم ياكل التفاحة . ويمكن يعمل ثورة وينجح وتلاقي الناس اللي في النار بقت في الجنة واللي في الجنة بقى في النار . مين عارف ؟؟!!".