أبوعرايس يواصل تطاوله: «النبي محمد هايقطع رأسي لو خالفته».. «أهل النار» فلاسفة وفنانين وستات جميلة تعرف تتناقش معاهم.. و«إبليس مش بعيد يعمل ثورة ناجحة ويبقى اللي في الجنة في النار»

واصل المحلل المالي سامح أبو عرايس، المنسق السابق لحملة «عمر سليمان رئيسا» كتابة تدويناته الغريبة والمثيرة.
وتطاول أبو عرايس على، النبي محمد بن عبد الله صلي الله عليه وسلم في تدوينة له عبر موقع التواصل الاجتماعي فيس بوك قائلًا: المشكلة أني لو دخلت الجنة وقابلت الرسول محمد وسمع رأيي في أي شيء ممكن يقطع رقبتي زي بني قريظة كده وعمر بن الخطاب هينفعل ويقول كعادته " ائذنلي يا رسول الله أن أضرب عنقه".
وأضاف: "ولو قابلت «المسيح» وسمع رأيي هيقوم يضربني بالكرباج زي ماعمل مع الصرافين في الهيكل، خاصة أن شغلي في البورصة يعني من الفئة اللي مش عاجباه وممكن المسيحيين المخلصين اللي سحلوا هيباتيا يسحلوني أنا كمان.
وتابع: "ولو قابلت النبي «موسى» بقى وعرف رأيي في اللي عمله مع فرعون ومع شعبه ومع الفلسطينيين هيأمر واحد من أتباعه أنه يقتلني زي لما أمر كل واحد من قومه أنه يقتل التاني وربنا يستر مايكونش معاه يوشع بن نون أصل ده تخصص في الإبادة الجماعية، وطبعا كل المتطرفين من كل الأديان هنلاقيهم، ما هو المتطرفين من كل دين مؤمنين أنهم داخلين الجنة.
وفسر قائلًا: "يعني هلاقي الحاخام عوفاديا يوسف وهلاقي بن لادن والعرعور وغيرهم ولكن في النار هلاقي فلاسفة ومفكرين وفنانين وستات جميلة وناس تعرف تتناقش معاهم ومافيش حد فيهم بيدعي لنفسه قداسة والكبير هناك هيبقى ابليس « لوسيفر » اللي كان عايز يمنح الناس الحكمة وقال لآدم ياكل التفاحة، ويمكن يعمل ثورة وينجح وتلاقي الناس اللي في النار بقت في الجنة واللي في الجنة بقى في النار.. مين عارف ؟؟!!