"أبوخليل" ينشر رسالة من مجند بالجيش عن واقعة فساد

نشر هيثم أبوخليل عبر الفيسبوك، رسالة من مجند عن واقعة فساد، قال المجند فيها :
أنا بقى جيشى كان فى سيوة
المهم عشان كنت معيد فى الكليه نزلت من ضابط الى عسكرى مشاه
انتقلت أثناء جيشى فى الوحدة لعدة أماكن منها كتيبة الرئاسة .. إلى الكنتين إلى السرايا العادية
أثناء ما كنت ماسك الكانتين كان الورق الرسمى بيقول إن الكانتين المفروض يعمل ربح 500 جنيه فقط فى الشهر عشان ميستغلوش العساكر وكده ... طيب كان الكانتين بيعمل كام أرباح فى الحقيقة؟
كان بيعمل من 10 إلى 15 ألف جنيه شهريا !!! يتحط منهم 500 فى الدفاتر الرسمية والباقى يروح لسيادة قائد الكتيبة شخصيًا دون مناقشة أو مجادلة .... ده كان أحد أنواع الفساد البسيطة ... موضوع فنادق القوات المسلحة اللى فى سيوة ده شغلانة أخرى.