هاشتاج «أنا مصدق مريم» يتصدر «تويتر» تضامنا مع طالبة «صفر الثانوية»

أطلق عدد من مستخدمي «فيس بوك» و«تويتر» هاشتاج «أنا مصدق مريم ملاك »، للتضامن مع الطالبة مريم ملاك ، الحاصلة على صفر في امتحانات الثانوية العامة، وذلك عقب إعلان هشام عبدالحميد، المتحدث باسم الطب الشرعى تطابق خطها مع الخط الموجود بورقة إجابتها بعد استكتابها مرتين.
الهاشتاج أصبح الأعلى تداولاً في مصر، وجاء من بين التغريدات تعليق سمر قائلة: «بيضحكوا علينا استحالة تحضر الامتحان وتجيب صفر في كله ده لوحد عبيط وأهبل حضر الامتحان عالأقل هيجيب درجة»، وقال «بيشوي كرم»: «هو على ما أفتكر إن في الثانوية إللى يسيب الورقة فاضية بيتعملوا محضر، طب إزاى بقى ورقها فاضى ومتعملهاش ولا محضر في ولا مادة؟!».
«هاميس» علّقت على الواقعة بشكل ساخر، قائلة: «كان ساعتها مصحح قلب كوباية الشاى على ورق طالب واتبهدلت خالص راح واخد الورقة مكورها ومسح بيها الترابيزة ورماها في الزبالة»، ليتفق معها محمد الذي قال: «أنا مصدق مريم ملاك لأن بالمنطق لو الورق فاضي يبقى الطب الشرعي قارن خطها بإيه؟ بالتيكيت اللي كاتبة عليه اسمها ورقم جلوسها؟ مهو متبدل أصلا!!».
وقالت «رباب المصري»: «مصدقاها لإن محدش بيجيب صفر في مادة إلا لو سايب الورقة بيضا.. مصدقاكي»، وجاءت تعليقات التضامن مع مريم، حيث قالت إحدى المعلقات: «مريم ملاك اللى اتسرق منها مش فلوس مش عربية مش شوية دهب.. مريم ملاك ببساطة اتسرق منها الحلم الثقة المستقبل».