بالفيديو.. تامر أمين يهاجم "محلب" وحكومته

هاجم الإعلامي تامر أمين، المهندس إبراهيم محلب، رئيس مجلس الوزراء، بعد قراره بإسقاط الجنسية عن مقيم بالخارج، يدعى هشام محمد الطيب، بداعي تعامله مع جهة أجنبية لتقويض الأمن القومي.
وخلال برنامجه "من الآخر" على فضائية "روتانا مصرية"، قال أمين: “كان فيه بدائل أخرى زي القانون والمحاكمة، هل إسقاط الجنسية من حق الحكومة أم أنه الحل في أن تتولى نيابة أمن الدولة اتخاذ اللازم في الأمر".
وأضاف: “فيه ناس بيتكلموا عن حريات لا سقف لها حتى لو على حساب حرية الآخرين، وفيه ناس تدافع وتقول مفيش جريمة توصل لإسقاط الجنسية، وبعدين مفيش أي معلومات عن المواطن ده وإيه الجهة الأجنبية اللي بيتعامل معاها".
وتابع: “لو قلنا إن دي أسرار ممكن يكون فيه حكمة في عدم الإعلان، لكن سؤالي لمحلب هو إنت شايف إن الراجل ده هو بس اللي يستحق إسقاط الجنسية طيب إنتو فين من شهور، ده فيه ناس في الداخل والخارج مش بس نسقط عنهم الجنسية ده كمان نسقط عليهم برج القاهرة".
واستطرد: “طيب بالنسبة للقرضاوي، ده أنا كل يوم كنت أطلع أقول الراجل بيحرض على مصر وجيشنا وعلى العنف والاقتتال وينعم في قطر، طيب ما ناخد قرار بإسقاط الجنسية عنه".
ومضى يقول: “مش إنتو قولتوا الإخوان جماعة إرهابية طيب مش المفروض نسقط الجنسية عن أعضائها، أنا مش بقول ناخد موقف معين أو غيره، لكن ميبقاش شغل الحكومة زي مساحة العربية، الحكومة بتعمل كده".