كيف يعيد البسطاء ؟؟

كتبت : سهى عبد السيد _ نهى عثمانفى اول ايام عيد الاضحى المبارك وفى وسط فرحه الجميع بالعيد تجولت النهار وتحدثت الى بعض المواطنين البسطاء فكان لها حوار طويل معهم .فقال صباح 54 عام وتعمل بائعه خضروات فى السيده زينب انها حتى الان لم تشترى لحمه وذلك لارتفاع اسعارها التى وصلت حتى الان الى 60 جنيه للكيلو واحنا ناس على باب الله يعنى اللى جاى على قد اللى رايح مقدرش اشترى اللحمه بالسعر ده واضافت انها ارمله وليها اربعه ابناء فى مراحل التعليم المختلفه ويحتاجون الى مصاريف كثيره وهى سوف تقوم بعملها طوال ايام العيد لانها بتكسب يوم بيوم واذا توقفت عن العمل خلال ايام العيد لم تجد حتى الطعام .اما الحاجه فتحيه وهى بائعه عيش تقول الايام كلها زى بعضها يعنى العيد جاى هنعمله ايه اصلنا مش هنشترى لحمه انا بقالى سبع شهور لم اشترى ربع كيلو لحمه وخاصتا ان مصريفنا مش مكفيانه الدنيا غليه جدا فحنا بنطلب من الريس انه يبص للغلابه علشان نقدر نعيش فى الدنيا الغاليه دى .اما عم عبد الله ملمع احذيه يقول انا عاوز اقول كل سنه وانت طيب يا ريس رغم كل اللى بنشوفه انا راجل عندى 82 سنه ومريض ولكنى بشتغل لانى لو مشتغلتش هنموت من الجوع زمان كان الغنى بيحس بالفقير ويسعده اما الان الفقير بيداس عليه ليه لان كل زنبه انه فقير واكد انه بيجمع فلوس منذ ايام علشان يشترى كيلو لحمه من الجمعيه وذلك حتى لا يشعر ابنائه بالحاجه لان على حد قوله الحاجه وحشه قوى ربنا يكفيكو شرها .واما محمد عامل بالمترو يقول انا مش هقدر اشترى لحمه الحقيقه ولكنى هستبدلها بالفراخ لانها ارخص بكتير وهى اللى اقدر اشتريها انا عندى 8 ابناء حتى لو اشتريت كيلو لحمه مش هيكفى حد لكن بسعرها اشترى 3 فرخات علشان العيال يكلو واضاف انى كان نفسى اشترلهم لحمه وخاصهً انى لم اشترى لحمه منذ 5 شهور ولكن الظروف .اما عم على عامل نظافه بيقول انا هشترى لحمه للعيال علشان دى سنه ولكنى هشترى من المجمعات فكيلو اللحمه المجمده هناك ب 26 جنيه اوفر كثيراً من لحمه الجزار وحتى الكيلو من اللحمه المستورده ب 38 جنيه واضاف ان الحاجه اللى بقدر اشتريها بجبها علشان مخليش الولاد محتاجين حاجه .