فلان: يا أخي منظر مجلس الشعب كان يفرح علان: وايه أكثر حاجة فرحت بيها يا مبسوط افندي فلان: الكوكتيل علان: حرام عليك أنا ما شفتش حد بيشرب؟ فلان: لا سمح الله .. ما أقصدش المشاريب.. أنا باتكلم عن المظاهر علان: ايوه بس الغالبية بدل وكرافتات فلان: لكن كا ن فيه جلاليب وصديري بدوي وعقال وقفطان ازهري بخلاف العباية الحريمي والتايير علان: ونسيت الوشاح الأصفر فلان: ما نقدرش نقول عليه ملابس .. ده مجرد أكسسوار ديمقراطي علان: في الحال دي ماحدش يزعل من واحد مربي دقنه ويعتبرها علامة مميزة فلان: وافرض ان مفيش دقن وفيه زبيبه علان: وهي دي برضه حد بيعملها في نفسه يامؤمن.. دي من أثر السجود الا إذا كانت "وحمة". فلان: واللي كان ماسك علم علان: فيه فرق بين علم تمسكه في ايدك.. وعلم يبقي ساكن في قلبك وعقلك وضميرك! ابن البلد