لمؤاخذة!

فلان: هي فعلا أمريكا بدأت تلاغي التيارات الدينية؟
علان: طبيعي.. لأنها دايما بتلعب علي الورقة الكسبانة
فلان: مع انهم أكثر ناس حاربوا كل واحد بيقول "ديني" و"دين أمي"
علان: مش مهم برضه اللي بيتكلموا عن الحرية ويبعتوا القنابل المسيلة للدموع والسلاح اللي بنضرب به الثوار
فلان: علي كده بقي مش بعيد أوباما يربي دقنه والست هيلاري نشوفها بالعباية والحجاب
علان: عادي عادي
فلان: وياتري في الحالة دي القيادات الدينية هيكون موقفها ايه؟
علان: فيهم اللي هيفضل علي حاله وفيهم اللي هيعمل فيها "كاوبوي" ويبقي مثله الأعلي "رامبو" و"روكي"
فلان: أنت بتتكلم جد ولا بتهزر؟
علان: ماهي المشكلة دلوقت انك ماتعرفش ايه الجد وايه الهزار البايخ.