لمؤاخذة!

فلان: تحب تشاركني في مشروع يكسبنا دهب؟
علان: ايدي علي كتفك السلك ضارب والحالة مكلبشة.. لكن ايه المشروع؟
فلان: شركة للسياحة الحلال
علان: وهو فيه سياحة حرام؟
فلان: انت مش معانا ولا ايه؟
علان: معاك بس كلامك غريب شوية وبعدين أفهم؟
فلان: شوف يا سيدي احنا قبل السايح مايجي هنقرا معاه الفاتحة وهو في بلده انه يجي هنا بأدبه ويمشي بأدبه
علان: هو انا جايبه اربيه
فلان: وهو كمان مش جاي يفسد اخلاقنا!!
علان: ما هي السياحة موجودة من قديم الازل.. واحنا زي ما احنا.. وبعدين هنبعد ليه ما فيه ناس ساكنة في شارع الهرم.. وعمره ما دخلت كباريه ولا تعرف سكته فين.
فلان: وفيها ايه لما السايح يجي ويشرب عرقسوس ويزور السيد البدوي ويطلع معانا القرافة
علان: ناقص تقولي يروح يتمرن علي اللت والعجن عند خالتك بهانة!
فلان: وفيها ايه فولكور وكفاية لما يرجع بلده وهو معاه "قرص جلة"