هيئة الإسعاف: نجحنا في نقل 30 ألف طفل مبتسر بشكل آمن خلال 2025    «التضامن» توافق على إشهار جمعيتين في محافظة البحيرة    صادرات مصر الزراعية تسجل 6.2 مليون طن خلال 7 أشهر    المدارس الثانوية تواصل تسليم استمارات النجاح لطلاب الثانوية العامة    "الفجر" ترصد لحظة وصول محافظ الدقهلية لموقع كسر خط المياه لمتابعة تنفيذ أعمال الصيانه    رئيس «جهار» يستقبل وفدا من منظمة دعم أداء النظم الصحية والابتكار العالمية    طريقة عمل الكرواسون، لإفطار خفيف وبسيط    التعليم العالي: تجديد الشراكة العلمية بين مصر والصين في مكافحة الأمراض المتوطنة    وزير العمل: التعليم الفني يشهد طفرة كبيرة في السنوات الأخيرة بتعاون وجهود ملحوظة من القطاع الخاص    انتظار صدور حكم في قضية سرقة عملات ذهبية أثرية من متحف ألماني    رصيف محطة هاتشيسون رقم 1 بميناء السخنة يستقبل السفينة ZHEN HUA 36 المخصصة لنقل الأوناش الثقيلة    منتخب مصر يحدد موعد معسكر سبتمبر استعدادا لمواجهتي إثيوبيا وبوركينا    للطلاب المتقدمين لمدارس التكنولوجيا التطبيقية.. طريقة دفع رسوم الاختبار    بدء دخول شاحنات المساعدات الإنسانية من مصر إلى قطاع غزة    الجيش التايلاندي يتهم كمبوديا بانتهاك وقف إطلاق النار    رئيس الوزراء البريطاني يعقد اجتماعا طارئا لبحث مسار السلام في غزة    نقيب المهندسين ل طلاب الثانوية العامة: احذروا من الالتحاق بمعاهد غير معتمدة.. لن نقيد خريجيها    رئيس اتحاد طنجة: عبد الحميد معالي اختار الانضمام إلى الزمالك عن أندية أوروبا    كريم رمزي يعلق على ستوري عبد القادر.. ويفجر مفاجأة بشأن موقف الزمالك    ثنائي المصري أحمد وهب وأحمد شرف ضمن معسكر منتخب الشباب استعدادًا لبطولة كأس العالم بشيلي    بعد القبض على رمضان صبحي.. تعرف على موقفة القانوني ومدة الحبس وموعد الأفراج عن اللاعب    بيان جديد من الكهرباء بشأن «أعطال الجيزة»    رسميًا الآن.. سعر الدولار مقابل الجنيه المصري اليوم الثلاثاء 29-7-2025 في البنوك    أسعار الخضروات والفاكهة اليوم الثلاثاء في شمال سيناء    معيط: دمج مراجعتي صندوق النقد يمنح مصر وقتًا أوسع لتنفيذ الإصلاحات    "حرارة مرتفعة ورطوبة خانقة".. الأرصاد تكشف عن تفاصيل طقس الثلاثاء    عاجل.. الشرطة تلقي القبض على رمضان صبحي بعد عودته من تركيا    وزير التنمية المحلية: شركاء التنمية حليف قوي في دفع العمل البيئي والمناخي في مصر    سميرة صدقي: محمد رمضان وأحمد العوضي مش هيعرفوا يبقوا زي فريد شوقي (فيديو)    وزير الخارجية يلتقي بقادة مجموعة الحكماء The Elders الداعمة للسلام    ترامب: لا أسعى للقاء جين بينج لكني قد أزور الصين تلبية لدعوته    ارتفاع حصيلة ضحايا إطلاق النار فى نيويورك ل5 أشخاص بينهم ضابط شرطة    حملة «100 يوم صحة» تقدم 19.2 مليون خدمة طبية مجانية خلال 13 يوما    رابط التقديم الإلكتروني ل تنسيق الصف الأول الثانوي 2025.. مرحلة ثانية (الحد الأدني ب 6 محافظات)    يوسف معاطي: سعاد حسني لم تمت موتة عادية.. وهنيدي أخف دم كوميديان    ضياء رشوان: الأصوات المشككة لن تسكت.. والرئيس السيسي قال ما لم يقله أحد من الزعماء العرب    مصرع 30 شخصًا في العاصمة الصينية بكين جراء الأمطار الغزيرة    بفرمان من ريبيرو.. الأهلي يتراجع عن صفقته الجديدة.. شوبير يكشف    "بقميص الزمالك".. 15 صورة لرقص شيكابالا في حفل زفاف شقيقته    من «ظلمة» حطام غزة إلى «نور» العلم فى مصر    اليونسكو: الإسكندرية مدينة الانفتاح والإبداع وعاصمة فكرية عالمية    تحت عنوان «إتقان العمل».. أوقاف قنا تعقد 126 قافلة دعوية    وزير الثقافة يشهد العرض المسرحي «حواديت» على مسرح سيد درويش بالإسكندرية    مرشح الجبهة الوطنية: تمكين الشباب رسالة ثقة من القيادة السياسية    النجاح له ألف أب!    صراع على السلطة في مكان العمل.. حظ برج الدلو اليوم 29 يوليو    اليوم.. «الأعلى للثقافة» يعقد اجتماعه ال 72 للتصويت على جوائز الدولة لعام 2025 (قوائم المرشحين)    محافظ سوهاج يوجه بتوفير فرصة عمل لسيدة كفيفة بقرية الصلعا تحفظ القرآن بأحكامه    أخبار 24 ساعة.. انطلاق القطار الثانى لتيسير العودة الطوعية للأشقاء السودانيين    لجنة للمرور على اللجان الانتخابية بالدقهلية لبحث جاهزيتها لانتخابات الشيوخ    «النادي ممكن يتقفل».. رسائل نارية من نصر أبوالحسن لجماهير الإسماعيلي    6 مصابين في حريق شقة سكنية بالمريوطية بينهم شرطي (تفاصيل)    لها مفعول السحر.. رشة «سماق» على السلطة يوميًا تقضي على التهاب المفاصل وتخفض الكوليسترول.    مي كساب بإطلالة جديدة باللون الأصفر.. تصميم جذاب يبرز قوامها    ما الوقت المناسب بين الأذان والإقامة؟.. أمين الفتوى يجيب    هل "الماكياج" عذر يبيح التيمم للنساء؟.. أمينة الفتوى تُجيب    إلقاء بقايا الطعام في القمامة.. هل يجوز شرعًا؟ دار الإفتاء توضح    أحمد الرخ: تغييب العقل بالمخدرات والمسكرات جريمة شرعية ومفتاح لكل الشرور    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



حديث المدينة
نشر في أخبار مصر يوم 05 - 07 - 2010

مفيد فوزى :خمسة اشهرفى حياة محافظ لايمكن تستوجب الحساب او العتاب 5 اشهر يعنى المحافظ يقرأ المكان يستوعبة يحتشد له يتعرف بنفسه على مشاكلة يدوس الارض وتعبير يدوس الارض وماكان تعبيرمسرحى سمعتة مرة زمان من سميحة ايوب لازم المحافظ يدوس ارض المحافظة اى يعرف حدودها معالمها على فكرة محافظ مطروح مسئول عن 8 مدن 8 وخلينى اقولهم انها عمليه تحتاج ايضا لمعلومة مهمة نقلتهم الحمام العالمين الضبعة طبعا اللى فى الانباء والاخبار مطروح النجيلة برانى السلوم وسيوة لازم اقول لحضرتكم ان المحافظ اللواء احمد حسين مسئول عن كل هذه المدن الثمانية تقريبا عدد السكان هنا 366 الف انسان تشرق عليهم الشمس كل صباح بتستقبل مرسى مطروح حوالى من 4 الى 6 مليون سائح اى انها منطقة جذب سياحى مهم لازم اقول لحضرتكم ان المحافظة دى تعتبر من المحافظات الضخمة لانها تشمل حوالى 16% من مساحة مصر اذن ما الذى افعله مع المحافظ الجديد الذى يحتشد الان لمعرفة مما تشكو منه هذه المحافظة كان لازم اعرف ازاى بيفكر ودى نقطة مهمة وحيوية للمكان السيد المحافظ احمد حسين انت من اين تبدأ هل بتبدأ مما انتهى اليه المحافظ الذى سبق حضرتك للموقع والا بتبدأ برؤيتك الدوليه
اللواء/ احمد حسين : كلهما
مفيد فوزى : كلهما ؟
اللواء/ احمد حسين:اه يعنى الاول طبعا باشوف المحافظة وصلت الى رؤية السابقة للمحافظين السابقين اكيد كان لهم تواجد قوى دورهم الفاعل فى تنمية هذا المجتمع لكن طبعا علشان ابنى رؤية شخصية ليَ انا كان لازم اجوب ال8 مدن زى ما حضرتك قلت وهذا الاقليم من شرقة الى غربة الى جنوبة بدا من الحمام الى العلمين والضبعة مطروح زى ما حضرتك اشرط والجيلة والضبعة والسلوم حتى الواحة الجميلة واحة سيوة وبعض القرى الاخرى المتاخمة ليها وبعض القرى الاخرى زى قرية ام الصغير اللى حضرتك شرفتها بالزيارة امبارح
مفيد فوزى:بمناسبة قرية ام الصغير هل تستعين بعزلتها؟
اللواء/ احمد حسين:القرية ناسها ناس زى ما قلت لحضرتك عفويين وبسطاء وبكوريين لكن هى طبعا لازم تطلع على وجة الحياة لكن طبعا هى لم تطلع على وجه الحياة حتى الان هى ما طلعتش على وجة الحياة
مفيد فوزى :يعنى عفوا يا افندم باقول لحد انا كنت فى قرية يقولوا لى ما تصلتش ليه فا قلت لهم انا كنت فى قرية لا مفيهاش محمول ولا تليفون ارضى فقالوا ايه ده فى القرن الواحد والعشرين ؟
اللواء/ احمد حسين:مضبوط كلامك مضبوط هذه القرية بها حوالى تقريبا 75 4مليون مواطن مش معنى انهم 475 مليون مواطن انهم يبقوا تحت خط الحياة لازم نطلع بهذا المجتمع وهذا المجتمع اكيد هيبقى فى زيادة مطردة فى السنوات الجايه فا انا بالتنسيقات اللى احنا عملناها التمهيدية فى مشروع كهربة انشاء الله مزمع تنفيذة بالتعاون مع الجانب الاسبانى لكن لسة ما حطتش شروط التمويل والموديل التنفيذى الى اخرة اتمنى ان هذا المشروع اذا خرج الى حيز النور يبقى القرية كلها هتضاء وسائل الاتصال هتبقى موجودة وانا يمكن خاطبت وزير الاتصال علشان ان احنا نوصل وسائل اتصال ثابتة بكوابل ارضية للقرية ومع اضاءتها هيخرجوا الى وجه الحياة بقى هيشوفوا التليفويون
مفيد فوزى:هيأبوا؟
اللواء/ احمد حسين: اه هيأبوا هيشوف التليفزيون ويسمع الاذاعة ويعيش الحياة زى ما احنا بنعشها لحظة بلحظة ما يبقاش منعزل عن المجتمع بتاعة
مفيد فوزى : تمام
اللواء/ احمد حسين :هيعيش ظروفة وطوموحاتة والوسائل بتعتة يبقى جزء من النسيج المصرى ما يبقاش جزء منعزل لكن لما تروح هذه القرية يجب ان تحب اهلها من اول وهلة بما يتميز به من بكورية وسماحة وطيبة وحاجات جميلة جدا ناس عفويين تحس ان انت عايز تحتضنهم عايز عايز تعمل لهم المستحيل
مفيد فوزى:بالمناسبة ايه رقم واحد على اجندتك كمحافظ اذا كنا بنتناقش سويا فى منطقة الحلم فى حياتك كمحافظ؟
اللواء/ احمد حسين :الاحلام كثير وزى ما انا باقول دائما دعونا نحلم الحلم هو اللى هيوصلنا فى وقت ما ان احنا نخرج هذه الاحلام الى حيز التنفيذ بس ما اقدرش اقول ان انا هوجة الجهود فى اتجاة واحد لان عدة اتجاهات لازم فى ان واحد يعنى لكهربة ناحية الاسكان ناحية اخرى الصحة ناحية اخرى اهم من دول كلهم التعليم وهو افضل استثمار لهؤلاء البشرعايز ادى كمان بالاضافة لدة كلة المقاوم الرئيسى عندى لدة كله السياحة حتى الان لم تستخدم الاستخدام الامثل اتمنى لان هذه البقعة الجمليه الفريدة فى العالم كلة من انت لو رحت يمكن وجود جزء تم فيه بعض التنمية للقرى السياحية اللى تمت فى الجزء الشرقى انما الجزء الغربى لسة ما اخذش حقة من هذه التنمية المقاوم السياحى اللى موجود عندنا فى مطروح عبقرية يمكن انا ضربت لك مثال من شوية بشاطئ الغرام اللى احنا شايفينة جنبنا هذا الشاطئ حتى الان لم يستغل هذا المكان العبقرى اللى شايف البحر شرقا وغربا وشمالا ليه ما يبقاش مقصد سياحى عالمى
مفيد فوزى :بتفكر فيه ازاى يا افندم ؟
اللواء/ احمد حسين:هعمل هذا الكلام انا عملت كلها منشأت سهلة الفك والتركيب ومن اجود الخامات العالمية وانا ناقشتها مع المنشأت المتخصصة واعمل مطاعم تكاد تكون مش ظاهرة على وش الارض هعمل مماشى للتريض جميلة حوالى 30 متر وتاخذ الاسكو ر كلة بتاع المكان هعمل ممرات فيها بازارا ت ومحلات شوبنج بسيطة لخدمة السايح او المصرى المكان ده اامل احنا بدأنا فى تنفيذة انشاء الله ان انا خلال عام ان شاء الله باذن الله نكون انتهينا منه وهى ما يتكلف بقى انا وراة وراة زى ما بيقولوا يعنى هسيب هذا المكان العبقرى زى المكان اللى احنا موجودين فيه دلوقتى
مفيد فوزى:حضرتك محافظ يا افندم ولك خلفيتك العسكرية وانت كنت مسئول عن العمليات وهى من اخطر ما يمكن ان يسمى فى لغة العسكريين ما الذى فيك وتستخدمة الان فى التعامل مع انماط المجتمع ؟
اللواء/ احمد حسين :جميل
مفيد فوزى :حلو السؤال؟
اللواء/ احمد حسين :اه جميل هى دى اللى علمتنا ازاى نحل مشكلة نعرف المشكلة اسبابها ايه ودورها ايه ايه الحلول اللى الانسان ممكن يعمله ازاء هذه المشكلة ودى طبعا ميزة كبيرة جدا ان الهيئة علمتنى ازاى اتصرف ازاء اى مشكلة ما يبقاش فى قرارات عنترية او قرارات هوجاء قرارا ت سريعة لا يدرس الموضوع كويس قوى انا يمكن او حاجة لمحت ليها يمكن قلت لحضرتك قبل ما نسجل هنا تعرف طبيعة وانماط البشر ايه وقدراتهم ايه وامكانياتهم علشان لما تيجى تحل اى مشكلة يبقى انت عارف الامكانيات اللى موجودة معاك لما نيجى نعمل المقارانات ديت لما حتى كنا نيجى نقول العدو ايه وانا عندى ايه انا اساوى منه ايه انا نقاط الضعف ايه والقوة ايه انا عندى ايه فبالتالى لازم تدرس انماط وسلوكيات البشر هنا وبالتالى لايمنع ايضا ان تنتفع بيها عشان كده كان احد العوامل الرئيسية الثقافة والفنون ويمكن تستغرب ان انا راجل عسكرى بيتكلم فى الثقافة والفنون اقول لك نعم يمكن اول لما جيت عملنا مهرجان الطفل عملت صحوة لفرقة مطروح الشعبية
مفيد فوزى:فى الفترة الصغيرة دى ؟
اللواء/ احمد حسين:اه اه ولفرقة مطروح الشعبية والحمد لله ادتها دعم كويس قوى وفرقة سيوة واخذوا مركز اول ولسة مبلغنى اول امبارح على مستوى الجمهورية وهيتكرموا النهارده الاستاذ احمد مجاهد رئيس
مفيد فوزى:رئيس قصور الثقافة؟
اللواء/ احمد حسين :رئيس قصور الثقافة النهارده فى مصر ويمكن هما دول الفرقتين اخذوا الاول سواء فى الفنون الشعبية او سيوة ده طبعا شئ اسعدنى جدا عملت مهرجان للادباء جبت 200 اديب وشاعر كانوا موجودين هنا من حوالى شهر كانوا سعداء جدا بالمكان وعاصروا المكان وصممت ان يحضر اكبر حشد ممكن من الناس لان بدون ادب وبدون فن لا تستقيم الحياة
مفيد فوزى:هل تريد ان تملْ فراغا بيخلينى اسألك ولازم اسألك عن الجرح المصرى الذى اشارت اليه مش بس الصحف ووكالات الانباء بين المسلمين والاقباط الذى جرى على هذه الارض دون ان نتوسع فيه ولكن كيف احتويت هذا الجرح وهل انا دقيق فى استخدامى كلمة جرح ؟
اللواء/ احمد حسين:دقيق جدا طبعا والسؤال ده انت اذا ما كنتش سألتة كنت هطلب منك انك تسأله لان ما حدث قد صور للبعض ان هناك نوع من العداء ما بين المسيحيين والمسلمين وانا باكد وانا محافظ ومسئول ليس عداء هو اختلاف بدأ برض اخطأ رد عليه الثانى يعنى واحد اخطأ من الطبيعى انك تروح للقسم تقول لهم الراجل ده غلط فى كذاتروح لمجلس المدينة تقول لهم الراجل ده بنى سور مخالف ده الطبيعى
مفيد فوزى:او اشترى ارض مفروض ان الناس تمشى عليها ؟
اللواء/ احمد حسين:تمام يقوم يجيبوا لك حقك لأ الثانى حاول ياخذ حقة بالدراع فهنا كلا الطرفين اخطأوا ٍلكن تقولى هى عداء ما بين ديانتين اقولك اطلاقا اطلاقا هى فئة تنحاز ليها مجموعة وفئة تنحاز لمجموعة حتى مش عايز اسميها فئة كمان لانهم كلهم نسيج واحد لكن ما حدث نتيجة هذا الخطألما اجى انا اقول ايه وانا لسة باكلمك فى ازاى نحل المشكلة ان انا ارجع لجذورها طب ايه السبب انا وجه نظرى انة فراغ
مفيد فوزى:عايز حد يملئة ؟
اللواء/ احمد حسين : يملأ هذا الفراغ
مفيد فوزى:اه
اللواء/ احمد حسين:طب ايه سبب الفراغ ده طب ما انا اشغل الشباب الموجود فى المنطقة هنا مسيحيين ومسلمين بان انا عمل لهم مكتبة واعمل لهم ملاعب واعلم لهم صالات بلياردوواعمل لهم عيادات جم كبرضخم جدا بس الاجهزة الموجودة والكلام ده انا قلته من شهرين وانا صدقت فيه احنا بقلنا شهرين شغالين فى المجال الخدمى اللى بيخدم المسيحيين والمسلمين فى المنطقة وانشاء فى خلال سنة اوعام زى هيكون انتهى باذن الله اعتقد ان ده هيوجد اولا حاجتين هشغل مساحة فراغ عند الشباب حاجة ثانية هعمل تزاوج اكثر ما بين الفئتين دول
مفيد فوزى:وتفاعل؟
اللواء/ احمد حسين : وتفاعل تمام ده بيلعب مع ده المسيحى مع اخوة المسلم لان احنا يا جماعة بناكل فى طبق واحد بقلنا
مفيد فوزى :مصريين مع بعض ؟
اللواء/ احمد حسين :مصريين احنا مش بناكل فى طبق واحد بقلنا 15 قرن
مفيد فوزى:تمام
اللواء/ احمد حسين:حصل عداء او عنف قبل كده سمعناة ايه ايه ما هو الجديد ايه اللى حصل ايه اللى بيحصل فى الساحة
مفيد فوزى :عارف انا سألت حضرتك ليه حبيت عرف منك كيف احتويت هذا الامراو هذا الجرح لانة على الطرفين هناك مسلم متشدد وهناك مسيحى متشدد وكلاهما درجة استقبالة قد تكون فيها مبالغة من هنا من هذا المكان مع محافظ مطروح جيث اذيع الخبر على الدنيا كلها حضرتك وضحت انه خلاف شديد التفاهة لا يستحق ؟
اللواء/ احمد حسين :سالت من المحرضين يا اخوة مفيش محرضين الموضع ابن اللحظة حصل فى لحظة كده اخطاء من ده راح ده مزعق لدة قام ده ضرب طوبة بقوا طوبتين وشوية وهكذا
مفيد فوزى :ليه يا افندم هسألك سؤال لما اقول محافظ يخاصمة الناس ما معنى هذه العبارة ؟
اللواء/ احمد حسين:يبقى ما يقعدش فى مكانة ياخذ بعضة وينزوى اذا وصلت لمرحلة ان انا الناس خاصمتنى هأخذ بعضى وانسلخ هبعد
مفيد فوزى :تمضى
اللواء/ احمد حسين:وانا جيت قلت ان انا لازم يبقى فى نوع من التواصل مع الناس بالكويس فيهم بالوحش باللى ليه حق واللى ملوش حق ده تواصل ده احيانا وانا باقول للناس انا بعلم بقول لهم ازاى تحل مشكلة يقولك ملوش حق اقول له يا جماعة طب اسمعوة ملوش حق نقنعة انه ملوش حق وبعلل وبقول ان انا لما باقعد معاة ومجرد بس ان انا يعنى سمعتة وبيمشى مرضى محلتش لة مشكلته وعارف انه صاحب حق بس
مفيد فوزى :سمعته ؟
اللواء/ احمد حسين : نص حل اى مشكلة 50% الاصغاء
مفيد فوزى :الاصغاء؟
اللواء/ احمد حسين :الاصغاء زى ما حضرتك قلت
مفيد فوزى :المية يا افندم كل ما اجى مرسى مطروح دايما يقولوا المية وبعدين بسال الولاد اللى هما الاصطف اللى بيشتغل معايا فى التصوير اللى بصوروا حضرتك دول ومنهم ابو كسكتة ده المخرج ده بيقولى ابو كستكتة ده بيقولى يا افندم احنا بتجلنا عربية تدى الاوتيل مرتين مية فى الاسبوع يعنى ايه الحكاية دى لما كنت شفت امبارح فى قرية ام الصغير نبع مية خرافى متدفق الى درجة غير عادية وقيل لى انه من الممكن ان هذا النبع يغذى الام اللى هى ايه المشكلة يا افندم التى تتردد دائما ؟
اللواء/ احمد حسين:هقول لحضرتك حاجة احنا فى مشاكل المية انا باقول اه حتى الان فيه عنق الزجاجة هذا الصيف اتمنى ان انا اتجاوزة انشاء الله بشوية اجراءات عملناها صغيرة لكن مش هى دى الامل اللى بنطمح فيه بنطمح ان احنا نوصل المية هنا هو ان انا عندى 2030 مثلا معنديش مشاكل فى المية فى مشروعات جديدة طموحة اتنفذت فيه وتم بذل جهود جبارة فى هذا الموضوع حصل تمام
مفيد فوزى: نعم
اللواء/ احمد حسين:لكن فى زيادة مضطردة وده فى فصل الصيف يمكن انا بقول لحضرتك من 4 الى 6 مليون واحد السنة الجاية انا متوقع الصيف ده 7 مليون وقد يكون السنة الجايه يكون اكثر من كده
مفيد فوزى:اكبر سايح اوروبى بيجى لك منين ؟
اللواء/ احمد حسين:من انجلترا وبيجى من ايطاليا وبيجى من سويسرا يعنى معظم يعنى معظم فترات الشتاء اللى جاءت دى ايطاليا وسويسرا والمانيا وانجلترا
مفيد فوزى:السايح المصرى بيجى لك المصطاف المصرى بيجى لك ؟
اللواء/ احمد حسين:اه طبعا بدليل وحضرت شايف احنا فى شهر 6 وكلهم فى الشتا بتلاقى الشوارع دى خالية لان عدد السكان هنا قليل انما معظم الناس معظمهم بيجى من القاهرة
مفيد فوزى:التعامل بين الفريق احمد شفيق بما يتعلق بالطيران
اللواء/ احمد حسين:لأ الراجل ده متعاون جدا وانا رحت له مكتبة من فترة كده علشان نعمل صحوة شوية فى موضوع الطيران وقلت اناعايز اعمل بنية اساسية الحمد لله احنا مطار مطروح بقى شغال مدنى عسكرى
مفيد فوزى:عارف ان فى كما ن يا افندم قطر
اللواء/ احمد حسين:اه احنا القطر ده لسة خطة عشان هياخد
مفيد فوزى:فترة ؟
اللواء/ احمد حسين:اه هياخذ كثير لان انا برضه عايز انقل خط من فوكا لحد سنما بدل ما يبقى شمال الطريق يبقى جنوب الطريق
مفيد فوزى:تمام
اللواء/ احمد حسين:وعايزاجيب القطر اللى هو السريع مش اللى بيجى لى بعد7 8 ساعات تمام لأ هتبقى مكلفة احنا سمعنا القطار الطلقة اللى كانوا بيعلنوا عنة من كام شهر كده اليابانى دوت يعنى انا اتمنى انى انا الاقى قطار يوجدنى من القاهرة الى هنا يجبنى فى 3 / 4 ساعات ما يجبنيش فى 7/8 ساعات واعتقد ان وزارة النقل عندها خطط من هذا المقام لكن قد تكون ترتيب الاولويات عندها لان انا عارف ترتيب الاولويات عندها ضخم جدا وبيختلف يعنى
مفيد فوزى:لم تذكر حضرتك اى شكل من اشكال المساهمات المدنية عن طريق المراة فى مطروح هل المراة فى مطروح زى الست اللى شفتها شفتها ايه ما شفتش حد يا افندم ما شفتش مخلوق اشباح 00 هل المراة شبح ؟
اللواء/ احمد حسين:والله هى يمكن سمة بتميز مطروح ان معظم السيدات هنا منقبات
مفيد فوزى:اه
اللواء/ احمد حسين:تمام وز ى ما قلت لك دى ثقافة وانا قلت لك اول حاجة احنا بنلعب على وتراها وتر الثقافة هنا هنا قعدت افكر اغذى فرقة مطروح الشعبية مشكلة ربك بيسهل بقى اولا الناس لما انت بيكون فى مصداقية وبتقعد مع الناس الناس بتصدقك بتحبك وبتصدقك وبتقتنع بكلامك علشان كده فادى راحت طلعة لفوق كده قبة وراحت طلعة على مستوى الجمهورية انك علشان تنقل الثقافة دى لهذه المراة يبقى الاول لازم انك انت حقول مثلا قرية زى اللى انت حضرتك شفتها فى ام الصغير دى بدات اعلى بالثقافة دى وازاى الست دى ما بتشفش تليفزيون ولا بتسمع راديو
مفيد فوزى: تمام
اللواء/ احمد حسين:فنتفق ازاى فلما اجى اقول انا عايز اعمل مكتبة ومركز وعايز اعمل ملحق هنا تمام مش دى مسائل لتعرية شق الثقافة عند الناس فا انا عايز اقول ان الموضوع مش هيجى الا بالتنوير والتنويرعايزعمل وعايز دأب وعايز جهد المساحة الزمنية كافيه لكن انا متاكد ان انشاء الله فى وقت ما هنوصل للمركز اللى احنا عايزينة ده الاستمرار تمام وضوح الرؤية قوافل التوعية
التليفزيون وهو احد الوسائل الرئيسية جدا وبتاخذ وقت زمنى قليل جدا لمجرد انك انت تنقل فكر او توضح رؤية لازم كلنا نتشارك المجتمع كلة يتشارك اجتماعيا فى موضع تثقيف وتنوير اصحاب ما استوعبتش الامور
مفيد فوزى :هكذا يفكر محافظ بخلفيه عسكرية لكنه ابن بلد*
فاصل
مفيد فوزى:انا فى مجلس عرفى فى مرسى مطروح المجلس ده من المؤكد انه بيجتمع من حين الى اخريحاول يصلح العلاقات بين الناس وبعضها بيحاول ينفى الاجواء بين الناس وبعضها على فكرة ميفيش احوج من العالم العربى من هذا المجلس من غير مؤتمر قمة ولا مؤتمراش ولا بتاع لأ المجلس ده يجمع هذه الوجوة التى تحرك الكاميرا لكى تلتقطها وتشوفها يلبسون الزى الطبيعى البدوى من هذا الجلباب والصديرى واحيانا هذا الطربوش وهو يبدو ان اسمه الشنة والشنة معناها الطربوش
مواطن من مطروح:لأ معناها الشئ ذو القيمة العالية معنى الشنة فى اللغة العربية هو الشئ الذى يعلووهو جميل فمنهنا اطلق عليه كلمة الشنة وهى كلمة فرنسية الاصل
مفيد فوزى:طبعا انا يعنى بعد كده لازم اخذمعايا وانا نازل شنة وابقى البسها فى بعض المناسبات
مواطن من مطروح:والمجلس العرفى
مفيد فوزى:كمان 00 على فكرة انا حاولت اقعد زى ما بيقعدوا كده لكن ما قدرتش ادينى بحاول اهولكن يبدو ان انا اعراض شيخوخة لانى مش قادر اقعد بالطريقة اللى هما بيقعدوا بيها 00 هؤلاء الشبان انا ساسال الان كيف تحدث عمليه تنقية الاجواء بين الناس وبعضها وانا من القائلين دائما ان انا ما اقدرش اعرف ابدا ما ذا يدور فى اعماق النفس البشرية للبشرالاثنين مختلفين ويجيبوهم ويقعدوا عايزاشوف التجربة اتفضل
مواطن من مطروح :بسم الله الرحن الرحيم00 بدايه ارحب بحضارتكم فى مرسى مطروح
مفيد فوزى:ادخل فى الموضوع يا عمدة قول الموضوع ؟
مواطن من مطروح:الموضوع هوحضرتك المجلس العرفى ده هو لا يدورداخل القبيلة فى حل جميع المنازعات فيما بين القبائل بعضها البعض والقبيلة فى داخلها
مفيد فوزى: فى حد من الاساتذة اللى قاعدين معانا ان بتحاولوا تنقوا المسالة؟
مواطن من مطروح :احنا معانا اثنين بس مش عايزين نثير شوف حضرتك
مفيد فوزى:ماتقوليش خطب اناعايز اعرف الخلاف بيتحل ازاى؟
مواطن من مطروح:تمام دلوقتى فى خلاف ما بين الحاج على ناجى
مفيد فوزى:الحاج على فين الحاج على ؟
مواطن من مطروح:الحاج على هنااهو
مفيد فوزى: اه
مواطن من مطروح:والحاج فتحى عبد الحليم
مفيد فوزى:فى بينهم خلافات؟
مواطن من مطروح:بينهم خلافات
مفيد فوزى:اسمع انت خلى الحاج على يقول ايه الخلاف اللى بينة وبين الحاج فتحى؟
مواطن من مطروح:هو خلاف
مفيد فوزى:ادى له الميكروفون ادى لة الميكروفون نفذ اللى باقول لك عليه
مواطن من مطروح:طيب
مفيد فوزى:مش عاوزين
مواطن من مطروح:اناعاوز اوضح لحضرتك نقطة بس انا معاك بس مش عاوزين احنا على راى المثل ننشر غسيلنا لكن احنا كيفيه حل المشكل احنا هنرد على حضرتك لكن المشكلة بين الاثنين احنا بنحاول نلم ما بنحاولش ننشر هذا الكلام بمعنى المصرى احنا ما بنحاولش ننشر غسيلنا لأ احنا المشكلة هنا ولكن ليها حلول
مفيد فوزى:يا ساتر هى مشكلة ايه دى ؟
مواطن من مطروح:لالا هى مشكلة
مفيد فوزى:هى ايه بقى احكى لى احكى لى ؟
مواطن من مطروح:وليكن مشكلة ارض انا ليَ فى كلا الطرفين فى كيفية فض هذا النزاع واخد بال حضرتك فكل منهم بيعرض لطرف يعنى فا بيجى شخص معين يثق فيه يعرض له مشكلتة انا مشكلتى كذا كذا كذا مع فلان والطرف الثانى برضه بيرتضى شخص اخر مثلا عمده او شيخ او عقلة ويعرض عليه هذه المشكلة
مفيد فوزى:وضح كلامك بالامثلة يا عمدة ؟
مواطن من مطروح:يعنى نقول خلاف على ارض وليكن مثلا واخد بال حضرتك على مش ان هو اشترى او باع او حاجة حد ما بينى وبين جارى مثلا
مفيد فوزى:اناعاوز اعرف بقى ازاى بيعبروا عن نفسهم هل ادى الميكروفون علشان العمدة يقول الاخ يقول ازاى ؟
مواطن من مطروح:ازا ى هدى حضرتك امثال
مفيد فوزى:لحظة واحدة من فضلك بس عشان خاطر الناس تفهم هو عادة لما يبقى فى خلافات بتتعرض ازاى اتفضل ؟
مواطن من مطروح:اى خلاف بيحصل معايا او مع
مفيد فوزى:اه بيبدأ ازاى ؟
مواطن من مطروح:لو حصل خلاف معايا انا سواء على ارض او على حق باعرض مشكلتى انا عند عمدة عبد الله باقولة انا
مفيد فوزى:اه حصل كذا كذا كذا
مواطن من مطروح:اه
مفيد فوزى:اللى مختلف معاك بيبقى موجود؟
مواطن من مطروح:لأ وانا باكلمة بكلمة لوحدى
مفيد فوزى:لوحدك؟
مواطن من مطروح:لوحدى
مفيد فوزى:من وراه
مواطن من مطروح:لوحدى وبعدين اعرض عليه المشكلة ياعمدة عبدالله وبعدين يقول طيب سيبنى مثلا يوم او اسبوع ادينى فترة وبعد كده يرجع لى يقول بقى ياعمدة اناعملت كذا كذا
مفيد فوزى: وبعدين؟
مواطن من مطروح :بعد اسبوع او حسب ما حدد العمدة انا بجيبة
مفيد فوزى:هيبعث يقول لك تعالى؟
مواطن من مطروح:تعالى
مفيد فوزى:هل بيبعث لك لوحدك ولا بيبعث لك الطرف الثانى ؟
مواطن من مطروح :هو بينسق مع الطرف الثانى عشان يجى ويشوف هل انا مثلا الحاجة دى ليه وجه حق او ملوش وجه حق يبقى خلاص
مفيد فوزى : هل بيبقووا شفافين لما بيجوا يحكوا عن مشاكلهم ؟
مواطن من مطروح:هو طبعا كل واحد بيحكى عن اللى عنده بالعكس المشاكل بتختلف مشكلة عن مشكلة يعنى مشكلة شخصية بيعرض فيها راى الطرفين بعد حضور التحكيم اصلا بتاخد اقوال الطرفين وهم لو احتاجت مستندات من حد بنطلب مستندات
مفيد فوزى:هل فى كلام بيسجل؟
مواطن من مطروح:بيسجل وبنمضى على ورق ويوقع عليها الطرفين بالموافقة على ما نصل ايه
مفيد فوزى:هل مدير الامن فى هذه البلد او الامن عموما لما يبقى فى مشاكل بين اثنين هل من الضرورى انه يروح القسم
مواطن من مطروح:لالالا هو ممكن يوصل خلاف حاد يروح القسم هو مدير الامن اللى موجود بيساعدنا ان احنا نطلعهم برة ناخذهم وخلاص
مفيد فوزى:بتقولوا له ايه ؟
مواطن من مطروح:بقول ان فى خلاف بين قبيلة وقبيلة وخلاف شخصى
مفيد فوزى:وانكم انتوا قادرين على حلها ؟
مواطن من مطروح:قادرين على حلها
مفيد فوزى:ونقول للامن احنا مسئولين عنه؟
مواطن من مطروح:هو بيثق فينا نروح نجيب له المشكلة محلولة على محضر رسمى وعلى كل حاجة وتحت اشراف مديرية البحث الجنائى ومديرية الامن
مفيد فوزى:الله يعنى افهم من كده انه الامن بيراقب التجربة ولا ايه؟
مواطن من مطروح:الامن مطمن لينا
مفيد فوزى:خلاص ما دام انتوا هنحلها بشكل شخصى
مواطن من مطروح:احنا اتعودنا المشكلة وبنعتبر قيادات للامن
مفيد فوزى:ما انا فاهم
مواطن من مطروح:الامن لما بندخل احنا فى مشكلة حتى ولو ممكن ندخل ونطلب من اليسيد المدير نتدخل ونحل الموضوع ده
مفيد فوزى:وبتخدوهم هناك؟
مواطن من مطروح:اه مفيش مشاكل
مفيد فوزى:ويقعدوا بهذه الجلسة ؟
مواطن من مطروح:ويقعدوا بهذه الجلسة وكل واحد يقول اللى عنده
مواطن من مطروح:المشكلة يا مفيد بيه تبع مشكلة زى المشكلة اللى بين الطرفين دول موضوع مشكلة على الارض فلوس يجى يكلم العمدة يكلم الشيخ يدعى الطرفين فى مشكلة بتحصل فجأة يعنى عيلة اتخنقت مع عيلة ثانية احنا هنا بنيجى بنفسينا بقى مفيش حد بقول لنا بنروح كا لجنة من نفسنا بندخل على طول بندخل ونروح نحل المشكلة بنهدى الطرفين وبمجرد وصولنا هنا يعتبر حفظ للامن تليفون الامن معانا وتليفون الامن جاهز لينا لوفى حاجة هنحتاج فيها الامن لكن الامن هنا فى مطروح مدير الامن دائما بيدونا صلاحيات ان احنا نتحرك ونتحرك براحتنا فى القضاء العرفى
مفيد فوزى :سؤال يا عمدة عبد الله
مواطن من مطروح :اتفضل يا افندم
مفيد فوزى: مش احيانا الحريم وراجعنى لو انا غلطان يحرض ويوز ويقول للرجالة اوعى مش احيانا بيحصل كده ؟
عبد الله العمدة: بيحصل
مفيد فوزى :بيحصل؟
عبد الله العمدة :بيحصل
مفيد فوزى: الحريم اصلهم عارفهم طبعا طب ايه الحل؟
عبد الله العمدة :ان كيدهن عظيم
مفيد فوزى: طب ايه الحل فى مثل هذه الامور بيقعدوا الرجالة دلوقتى وما لهمش علاقة طبعا لكن هما سمعين كلام الحريم قبل ما يجوا ؟
عبد الله العمدة :بالضبط
مفيد فوزى:تتصرف ازاى؟
عبد الله العمدة :احنا كا مجتمع حضرتك قد تكون جميع المشاكل لا تتدخل فيها الحريم اطلاقا ده سبب ولكن لا تتدخل فى عرض المشكلة ولا فى حلها بل تلتزم
مفيد فوزى:مفيش حريم تخش المجلس؟
عبد الله العمدة :لأ ابدا اطلاقا فى ناس مسئولة عنها اخوها جوزها ابوها
مفيد فوزى:لكن هى لأ ؟
عبد الله العمدة:طبعا 00 احنا طبعا فى مشاكل للسيدات كا مشاكل زوجية
مفيد فوزى:عشان كده باقولك على الاقل
عبد الله العمدة:ولكن انا هى لجأت لى فى مشكلة انا باسمع باخذ كلامها بكل ثقة ونتاكد برضه جيرانها ونعرض المشكلة على الطرف الاخر
مفيد فوزى:حضرتك بتسمعها
عبد الله العمدة:بنسمعها شخصيا
مفيد فوزى: ولكن ما تحضرش المجلس؟
عبد الله العمدة:ما تحضرش المجلس
مفيد فوزى:ليه؟
عبد الله العمدة:كنوع من الحياء وهى بتحرج ان هى تحضر تحرج ان هى تتكلم لكن هى مشكلتها بتعرض بكل جوانبها جوانب المشكلة بتعرضها علينا واحنا بكل امانة وبناخذ كلامها ثقة وبنحل المشكلة وبنوصل الى حل جميع المشاكل الزوجية بنوصل الى حلول مفيش ان احنا نلجأ للقضاء
مفيد فوزى:بتاخذ اد ايه المشاكل الشخصية بالذات ؟
عبد الله العمدة:والله انا عايز اقول لحضرتك نفس اليوم ولك فى اطراف ثانية حل المشكلة لعدم وجود والدها لعدم وجود بتاخذ لها يومين ثلاثة شهر لحين حل المشكلة
مفيد فوزى:اقدر اسال ايه اكثر اسباب شخصية فى البيوت عايز اعرف شئ عن طبيعة المجتمع اللى هنا ؟
عبد الله العمدة:والله الظروف الاقتصادية هى اساس اى مشكلة اكثر ما هنالك مشاكل اقتصادية ما يحتاجة البيت وما تحتاجة الزوجة من متطلبات وهنا مجتمع نائى مجتمع مشاكلة كثير
مفيد فوزى:ايه اهم مشكلة فيه ؟
عبد الله العمدة:اهم مشاكل موضوع المية موضوع سقوط الامطار
مفيد فوزى: وانتوا بتشربوا مية ايه مية معدنية؟
عبد الله العمدة :لأ حضرتك احنا بنشرب من مية الشتا
مفيد فوزى:وافرض فى ندرة فى مية الشتا ؟
عبد الله العمدة:المية موجوده والمحافظة مشكورة بتوفر لنا المية
مفيد فوزى:دا انا سمعت على حاجة غريبة صححها لى بيقولك ان فى احيانا عربية تروح بعض الفنادق وتديها مية ده صحيح
مفيد فوزى:فنادق؟
عبد الله العمدة:من مية المحافظة ولا من مية
مفيد فوزى:من اى مية وخلاص بتودى مية للفنادق معندش فكرة ؟
عبد الله العمدة:لألأ موجودة
مفيد فوزى: موجودة اه
عبد الله العمدة:عربيات النقل وبيبيع المية او بحاول يساهم فى حل هذه المشكلة
مفيد فوزى :تفتكر المجلس العرفى ده ميزتة ايه بالنسبة لمجتمع زى مجتمعكوا
عبد الله العمدة:والله هو فى ميزات كثير مش ميزة واحدة
مفيد فوزى:احنا اكبر قضايا فى مجتمعات القتال
عبد الله العمدة:القتال
مفيد فوزى:اه
عبد الله العمدة:القتال يعنى اصعب قضية فى القضايا المعروضة عندنا فى محافظة مطروح مجرد دخول طرف اللى هو القضاء العرفى ده بيشركة مع مجموعة بيتدخلوا دول يروحوا عند الطرف اللى هو مقتول منه اصلا
مفيد فوزى:هو انا لما اكلمك اقولك ايه ياحاج ولا يا شيخ ولا اقولك يا اخويا ؟
عبد الله العمدة:ما تفرقش
مفيد فوزى:ما انا ما انا عايز
محمد عيسى : محمد عيسى
مفيد فوزى :محمد عيسى
الشيخ محمد:اه
مفيد فوزى: شيخ مش كده
الشيخ محمد:انا استاذ محمد عيسى
مفيد فوزى:طيب يا شيخ هو جريمة القتل دى ما جنايه لازم الامن يتدخل ؟
الشيخ محمد: معلش الامن يتدخل فى شئ معين لكن احنا نتدخل ثانى علشان ما تكبرش المشكلة ما تتوسعش المشكلة
مفيد فوزى: فهمنى؟
الشيخ محمد: بنتدخل ان احنا
مفيد فوزى:دلوقتى واحد؟
الشيخ محمد :قبيلة قتلت قبيلة مثلا
مفيد فوزى :قبيلة قتلت واحد من قبيلة ثانية ؟
الشيخ محمد:تمام
مفيد فوزى:الامن مسكهم مسك القاتل؟
الشيخ محمد:الامن ساعات بيمسك القاتل وساعات احنا اللى بنجيب القاتل ونسلمة
مفيد فوزى:طيب فى مرحلة مهمة بتحصل النيابة ؟
الشيخ محمد:لأ قبل مرحلة النيابة احنا ان الناس دى ما تقعش فى بعضها ثانى نسيطر على الجنب اللى هو اصلا مقتول منهم ونروح له احنا كا كقبيلة ثانى محايدة وكمجموعة عرف
مفيد فوزى: يعنى انت بتحاول تتطفى التار؟
الشيخ محمد:هو ده اللى بيحصل اديك حضرتك عبرت تعبير صح
مفيد فوزى:الحكومة من ناحية الشرطة بتوافق على ده ؟
الشيخ محمد :لأ هو الجانى ده له اجراء قانونى لكن هى بتوافقنا ان احنا نتدخل بحيث يطفى الفتنة على كده
مفيد فوزى:اه لكن ممكن جدا يتحاكم جنائيا
الشيخ محمد:عادى دة العادى
مفيد فوزى:الدور بتاعك بس انت تطفى التارعلشان خاطر.......؟
الشيخ محمد:ما يدوش ثانى
مفيد فوزى:قولى ازاى بتعمل كده قولى المناقشة اللى بتدور بينك وبين الشخص بتاع القبيلة الثانية
الشيخ محمد:المناقشة اللى بتحصل من قبيلة ثانية على طول بتروح عند قبيلة العمدة تحكى حصل منا كذا قتلنا من قبيلة فلان خلاص العمدة زياد ياخذ مجموعة معاة ويروح له القبيلة اللى مقتول منها اصلا ويقولة ان القبيلة اللى قتلت دى دى عندنا احنا لمدة سنة
مفيد فوزى:هل الاسلوب ده بيتبعوه الناس فى الصعيد؟
الشيخ محمد:معرفش والله ما اعرفش لأ
مفيد فوزى:الصعيد يختلف عن هنا ؟
الشيخ محمد:اه تماما
مفيد فوزى:اه الصعيد افتكر ان الشخص بيروح ياخذ الكفن بتاعة معندكمش انتوا الاسلوب ده ؟
الشيخ محمد:لا معندنا ش الاسلوب ده احناعندنا القبيلة اللى قاتلة تنزل على القبيلة االثانية تبقى فى حمايتها لمدة سنة
مفيد فوزى:سنة؟
الشيخ محمد: بعد السنة
مفيد فوزى:يقيموا سنة؟
الشيخ محمد:اه يمكن يكونوا فى مكانهم بس يجيى حد من القبيلة اللى هى منقول عليها اصلا خلاص كده انتهى بقى فى امنهم القبيلة اللى قتلت دى بتجيب حد من اللى هى نازلين عليها ويجبوهم يقعدوا معاهم يبقى هى خلاص كده الامن مكفول لغاية مدة سنة مده سنة يشوف صلح
مفيد فوزى:لكن الدولة
الشيخ محمد:الجانى اصلا بيتصرف معاة
مفيد فوزى:ان مرتكبش اى حاجة يعنى ؟
الشيخ محمد:لكن باقى القبيلة دورنا احنا العرف بتعنا حق امن لباقى القبيلة ان ما يحصلش اى مشاكل ثانية وده ياخذ جزاتة وعقوبتة
مفيد فوزى:هو عادة الجلسة دى اللى انا قاعدها يعنى طريقة المقاعد ليه مش مقاعد عادية زى اللى بنشوفها فى البندر ليه القعدة فى الارض ايدينى فكرة
عبد الله العمدة:ده الطابع البدوى
مفيد فوزى:اه طابع بدوى
عبد الله العمدة:هذا هو الطابع البدوى
مفيد فوزى:فهمت .؟
عبد الله العمدة:زى الطابع مثلا فى وادى النيل نظام انترية وحاجة كده الوضع الموجود
مفيد فوزى:انتوا ما لكمش علاقة بالانتريهات ولا؟
عبد الله العمدة:لألأ قاعدة بدوية ارضية
مفيد فوزى:ارضية
عبد الله العمدة:زى ما حضرتك شايف على الطبيعة
مفيد فوزى:اه هل لها معنى بما يسمى بالتواضع ؟
عبد الله العمدة :والله احنا بنقول كنوع من التواضع
مفيد فوزى:اكواب الشاى بتدور باستمرار فى اى مجلس عرفى ؟
عبد الله العمدة:بالضبط
مفيد فوزى: لكن مش قهوة ؟
عبد الله العمدة:لالا احنا نلفضلوا الشاى الاحمر والشاى الاخضر
مفيد فوزى: الله وانتوا ما بتشربوش قهوة ليه ؟
عبد الله العمدة:عادة يعنى ولكن مش بالصورة المستمرة
مفيد فوزى:بياخد اد ايه الجلسة بتاعت المجلس؟
عبد الله العمدة:على حسب المشكلة على حسب المشكلة وعلى حسب عرض الاطراف
مفيد فوزى:اغلب الاوقات ممكن تاخذ يعنى المشكلة ؟
عبد الله العمدة:ممكن تاخذ جى لسة واثنين وثلاثة وتاخذ ساعة وخلاص على كده
مفيد فوزى:انتوا مستريحين لهذا الاسلوب فى حياتكم؟
عبد الله العمدة:والله احنا دى امانة ودى رسالة احنا بناديها فى تنقية الاجواء بين الناس
مفيد فوزى:انت كعمدة تبع وزارة الداخلية مش كده
عبد الله العمدة:طبعا ده شرف لينا ان احنا نتبع وزارة الداخلية
مفيد فوزى: وعشان كده انت ما .... لمايتقال سيبوا الموضوع ده علينا
عبد الله العمدة:دون شك دى صلاحيات احنا مدينها لنا وزارة الداخلية وده شرف لينا واحنا بنعملها بكل امانة
مفيد فوزى:معترفة وزارة الداخلية بالمجالس العرفية ؟
عبد الله العمدة:بالضبط
مفيد فوزى:كام مجلس عرفى فى بلد زى مطروح؟
عبد الله العمدة:كثير
مفيد فوزى:اه يعنى منتشرة ؟
عبد الله العمدة:منتشرة فى كل المراكز
مفيد فوزى:فى مجلس عرفى فى يوم محدد؟
عبد الله العمدة:لألأ حضرتك الميزة ان المجلس العرفى ده ينعقد لحظة ايه وقوع المشكلة ودى ميزة ما تستناش كذا ولا تستنى كذا بتتدخل حتى فى الموضوع زى ما قال لحضرتك الشيخ محمد موضوع القتل بنحركة بسرعة ونبصلح بين الطريين تحت مظلة الجهات الامنية وبحيث ان لما كل طرف يستقر فى مكان
مفيد فوزى:هو ياعمدة ممكن المدامات ياثروا على القضاء العرفى ده؟
عبد الله العمدة :ما افتكرش لألأ ما اصل دى امانة لا يتدخل فيها واحد الا ضميرك وربنا لان قد تكون تحكم بحكم الطرف الثانى ما يرضاش بية
مفيد فوزى:يقول الطرف الثانى انا مش قابل
عبد الله العمدة:غير قابل لهذا الحكم
مفيد فوزى:زى ايه زى ايه الحكم ياعمدة ادينى امثلة ؟
عبد الله العمدة:نقول لحضرتك زى مثل اتعرفت على القضية المبدأ والحوار عندنا اى مناقشة مثل عربى عندنا يقولك البينة نبينها والخفى بيننا
مفيد فوزى:قول تانى
عبد الله العمدة:ده مثل البينة ببيانها والخافية بايمانها يعنى انت حضرتك عرضت عليَ مشكلة انا صاحب هذا البيت انت مع حضرتك عقد مسجل وضع يد معاك معاك كذا كذا كذا
مفيد فوزى:انت كمحكمة لازم تطلب مستندات؟
عبد الله العمدة:لازم نطلب مستندات مفيش مستندات يبقى لازم تزكى هذا الكلام بيمين معظم
مفيد فوزى:يعنى ايه اليمين المعظم ؟
عبد الله العمدة:يعنى اقسم بالله العظيم ثلاثة واختار انا ناس من قومك او من علتك يزكوا هذا الكلام قد يكون انت مستعد تحلف على راى الحرامى اه لما قالوا احلف جالك الفرج يعنى لازم نشرك معاة فى هذا اليمين ناس تتقى الله صح بحيث انها تتردد الف مرة علشان تحلف لو حست ان فى شك فى هذ1 اليمين هتقولك لأ انا ماتدخلنيش القصة دى
مفيد فوزى:ممكن ياعمدة الستات يبقوا حكم فى مجلس عرفى مع اناستنى تعالى اقولك ده فى قاضيات يا عمدة فى البلد
عبد الله العمدة:تمام
مفيد فوزى:فى وزيرة ؟
عبد الله العمدة :تمام
مفيد فوزى:لكن انتوا عندكواهنا ما ينفعش
عبد الله العمدة:لا
مفيد فوزى:عيب هه
عبد الله العمدة:مش عيب
مفيد فوزى:قول ياعمدة قول اللى فى قلبك؟
عبد الله العمدة:المجال ده لسة فى رجالة
مفيد فوزى: ما تخفش من المدام يا عمدة قول ما انا عارف ان فيه رجالة
عبد الله العمدة :ممنوع
مفيد فوزى:ممنوع
عبد الله العمدة:لأ ما تقعدش
مفيد فوزى:يوم اصدار الحكم مش انت بتصدر حكم؟
عبد الله العمدة:تمام
مفيد فوزى:قولى مثل من امثلة اصدارالحكم حكمنا زى القضاة
عبد الله العمدة:حكمنا ان ليس لك اى شئ فى هذه القضية
مفيد فوزى:يعنى مفيش حاجة خالص؟
عبد الله العمدة:عرض مشكلة قلت له لآ انت ملكش وجة حق لاسباب
مفيد فوزى:فى استئناف فى المجلس العرفى ؟
عبد الله العمدة :فيه اسنئناف
مفيد فوزى:بتقول ايه بقى ؟
عبد الله العمدة:فى استئناف ثلاث مرات
مفيد فوزى:ثلاث مرات ؟
عبد الله العمدة:فى المجلس العرفى هو يعنى زى المحكمة بالضبط
مفيد فوزى:فى المجلس العرفى اه
عبد الله العمدة:معارضة وبعدين معارضة استئنافيه وبعدين نقض
مفيد فوزى :مفيش حد زى المحامى ؟
عبد الله العمدة :لآ
مفيد فوزى:محدش دلوقتى انا ليا قضية بعدين كلفت الحاج لانه وشة سمح عنده ذكاء سيبونى اتكلم عن الاستاذ مفيد نتكلم مسموح
المحامى : لأ مسموح
مفيد فوزى:وبتحترموا رايه؟
الشيخ محمد:اه طبعا على اساس ان هو بيمثل حضرتك
مفيد فوزى:اه طبعا وانامش عايز اتكلم هو هيتكلم بالنيابة عنى ؟
الشيخ محمد:يتكلم عنك مش مشكلة ولكن احد الاطراف مثلا ما ارتضاش بالحكم
مفيد فوزى: اه بيعمل ايه بقى؟
الشيخ محمد:من حقة ان هو يطلب قاعدة ثانية
مفيد فوزى:وثالثة ورابعة؟
الشيخ محمد:لأ اخر حاجة ثالثة
مفيد فوزى: صدرالحكم النهائى يلتزم بيه ؟
عبد الله العمدة:اه
مفيد فوزى:ايه وجهه نظرك فى اهم مشكلة تمر بيها مطروح ولم تعرض فى المجلس العرفى
عبد الله العمدة:هو باختصارشديد زى ما قال لحضرتك الشيخ محمد دائما القتل فبتعرض على المجلس العرفى وبنوصلوا لحلول فيها ولكن هناك المشاكل ودى اللى عايزاثيرهامع حضرتك خارج على العرف مطالب المحافظة محافظة مطروح
مفيد فوزى :واحد؟
عبد الله العمدة :نمرة واحد موضوع تمليك الاراضى
مفيد فوزى:اثنين ؟
عبد الله العمدة:موضو ع المية ؟
مفيد فوزى:ثلاثة ؟
عبد الله العمدة:موضوع توظيف ابناء مطروح
مفيد فوزى:اه كويس اربعة
عبد الله العمدة:دول اهم ثلاث قضايا مهمين لنا واهم حاجة فيهم موضوع تمليك الاراضى
مفيد فوزى :من المجلس العرفى فى مرسى مطروح كنا قد حضرنا هذه الجلسة والمحكمة اتنورت


انقر هنا لقراءة الخبر من مصدره.