نادي الأصدقاء

شفت بعيني
شفت بعيني ياناس الزحمة
شتا أو صيف ربكة وزحمة
آخر زنقة وناس تعبانة
وأنت يارب أسترها معانا
وده بيقول مش عارف أنزل
وبيسأل امتي ها نوصل
ليه في القطر الناس بتدخن
حاجة غريبة وحاجة تجنن
فيه أطفال وكبار السن
إمتي قلوبهم بس تحن
والتدخين راح يعمي عنينا
مش بالذمة كفاية علينا
في الأتوبيس والقطر كمان
وياريت نرجع عصر زمان
واللي بيجري عشان يتعلق
زحمة كبيرة وناس بتزعق
وده بيبص شمال ويمين
واللي يقول محفظتي أنا فين
والاتوبيس وفي كل مواصلة
فين الرحمة ياخلق يا أوصله
طول السكة ياناس واقفين
علي ناس غيركم مش قادرين
واحنا ياخلق ياهو ناقصين
زحمة وناس رايحين جايين
معوض عيسي معوض
الإسكندرية