المسحراتي

داخل علي التحرير
ودموعي تسبقني
هذا جمع غفير
دي ثورة بجد صدقني
مين إللي جمعنا
من كل ملة ولون
وادي لجمعنا معني
اندهش له الكون
داخل عشان اطمئن
علي روح سبتها صدت
وجسم كان بيئن
من كتر ماتردت
قامت حشود ردت
شوف بعينك شعب
لما يحب يكون
بيخطي فوق الصعب
وبيكسر الفرعون
مامعهشي غير غنوته
لاسلاح ولا طوبة
سجانه ما موته
وقافيته مطلوبة
قالت بلاده دا صوتي
إبني صحيح بيعشقني
قال لها أهلا بموتي
دي ثورة بجد صدقني