ما بيني.. وبينك

الكلية الحربية تحتفل بمرور 200 سنة علي إنشائها
* رحم الله زميلي وصديقي.. رفيق الدرب والقلم عبداللطيف خاطر.. ترك الدنيا الوحشة ورحل إلي دار الحق.. ترك الدنيا وما فيها ألف رحمة عليك.
* النادي الأهلي: أرجو أن نقلع عن عادة تسقيع النجوم حتي لا يذهبوا للزمالك وتكسير الإسماعيلي.. وحتي لا تضيع الملايين علي دكة الاحتياطي. واسألوا كل من تعاقد وجلس ورحل لاحس ولا خبر والأمثلة كثيرة.. ولا هيه ملايين مش لاقية اللي يصرفها؟ أنت فينك يا شبانة وأبوالسعود وغدار وحسين علي وأحمد حسن دروجبا وقبلهم عشرات وعشرات الملايين التي ذهبت أدراج الرياح لمجرد الا يلعبوا للزمالك .. مش كده ولا إيه؟
* الزمالك.. يا تري يا هل تري مين اللي جاي ومين اللي رايح هو فيه فلوس ولا الموسم يبدأ ونسمع النادي مش لاقي.. عموما المعلم حاجة كبيرة قوي ياريت يلاقي لعيبة كويسة تساعده علي البطولة في الدفاع والوسط والهجوم.. بس وحياة النبي دقيقة سكوت لله اعملوا زي اصحابكوا.. قصدي الأهلي.
* الصقر أحمد حسن.. معلش ماتزعلش هيه عادة ولا يشتروها فاكر طاهر أبوزيد.. يا حلاوتك بالفانلة البيضاء.. اوعوي تنهي تاريخك الكروي في أي ناد غيره الكبير لابد أن يظل كبيراً وإن كنت ناسي افكرك جمال عبدالحميد وحسام وإبراهيم حسن وكذلك الحضري.
* دراويش الإسماعيلي.. أوعوا تبيعوا ولادكو علشان الخزنة فاضية.. الجمهور لن يرحمكم فيه مشاريع كثيرة تجيب ملايين.. اتصلوا علي زيرو 900 وانتوا تعرفوا.
* في ليلة النصف من شعبان ادعو ثلاثي الهابطين مع جماهيرهم يدعو يارب يلغوا الهبوط ولو ما حصلش استنوا رمضان بركاته جاية.. كل سنة وانتم طيبين.
* الدكتور عصام شرف رئيس الوزراء.. ابعد عن المشتاقين للوزارة في أي كرسي العملية مش ناقصة والنبي كفاية الشعب بقي كله وزراء.
* الصديق العزيز أسامة هيكل.. أوعي تسيب اللواء طارق المهدي هو كان فين من زمان منصب رئيس اتحاد الاذاعة والتليفزيون شوية عليه لكن مافيش افضل منه ربنا يحميه هما دول المسئولين بحق.. بس علي فكرة فيه رؤساء قنوات لابد أن من خلعهم زي... عايزين تعرفوا؟ مش ح اقول.
* أحلي الكلام.. قال رسول الله صلي الله عليه وسلم إن الله يحب إذا عمل أحدكم عملاً أن يتقنه.