نادي الأصدقاء

لو انت بجد مصر ي
لو انت بجد مصري.. بتحب امك وابوك
عمر ك ما تمد ايدك.. علشان تقتل أخوك
ومهما كان خلافنا.. ما حدش مرة شافنا
بنخرب في الديار.. ونولع فيها نار
ده حتي يبقي عار.. بيشيله اللي ربوك
لو انت بجد مصري
فكر يامصري حبة.. خد درس من اللي فات
مع بعض نعيش أحبة.. نصحي في أمان ونبات
مش سهل علينا ننسي.. وجوة قلوبنا قسوة
ونخلي الحال يحير.. ونسأل إيه اللي اتغير
وكبير أو صغير.. ف دايرة الشكوك
لو انت بجد مصري
تعالوا نرجع تاني.. نملا قلوبنا إيمان
نحيي أغلي المعاني.. والحب نوره يبان
بالعقل وبالحوار.. نمشي سوا المشوار
ونخلي مصر عمار.. وفيها خير مبروك
لو انت بجد مصري
سعيد إبراهيم السيد سالم
نداء
أنا قلبي دايماً بيروح
البسمة اللي تخلي روح
أنا بانده علي بسمة حنون
بسمة حلوة بسمة تكون
وتكون زي الشهد تحلي
بسمة تكون م القلب تخلي
بسمة تكون كعبير ياسمين
وتخلي الأيام بساتين
عايز بسمة طيبة تمسح
فين هيّة؟ لو تظهر حافرح
للبسمة الطالعة من القلب
صاحبها حلوة ويتحب
تسعدني وتسعد أوقاتي
بدر ينور كل حياتي
أيام الدنيا ف عينية
الدنيا تضحك حوالية
بتخلي الروح منها تقرب
عايزك تبتسم وتجرب
من عين الأيام الدمعة
وحاروح ليها بشوق وبسرعة
أحمد جعفر
ودعيهم
ودعهيم يابلادنا
ودعي أغلي ولادنا
اللي في الفرافرة ورفح
فوق كل شبر بأرضك
واكتبي فوق القبور
بأغصان الزيتون
ونني العيون
اللي في غزة وبيت حنون
يحمو اناسك ويصونوا عر ضك
الشهيد لن يموت
أحمد محمد حمزة