تفاصيل الاعتداء على ليلى سويف

روت الدكتور ليلى سويف، تفاصل الاعتداء عليها، أمس الجمعة، أثناء تظاهرات "جمعة الأرض"، عندما كانت في طريقها إلى نقابة الصحفيين للمشاركة.
وقالت "سويف"، في تدوينة لها على موقع "فيس بوك": "يا جماعة أنا كويسة وروحت البيت اللي حصل باختصار إني كنت حاولت أروح على النقابة من عند دار القضاء العالي فالكوردون اللي هناك منعوني لكن قالولي إن ممكن أروح من ناحية طلعت حرب، فرحت فعلا وعند تقاطع طلعت حرب مع عبد الخالق ثروت لقيت كوردون تاني والضابط اللي واقف عليه ضابط كبير مش صغير (بس قصير جدا وشكله عجيب، يمكن علشان كده متعصب) ولابس ميري".
وأضافت: "سألني راحية فين قلتله رايحة المظاهرة فبدأ يزعق ويقول مافيش مظاهرة ويزق فيا فقلت له فيه مظاهرة وممكن اعملها عندك هنا وبدأت أهتف يسقط حكم العسكر، فبدأ يزعق ولرجالته ويقولهم المرة ال**** دي أم علاء عبدالفتاح مشوها من هنا وهم بدأوا يزقوا فيا وواحد فيهم مد ايده لوى نظارتي وطبعا في وسط ده كله أنا كنت مستمرة في الهتاف طبعا".
وتابعت: "الموضوع ماطولش دقايق وجه ومعاه ناس تانية وخدوني من وسطهم على النقابة، شكرا لكل اللي قلق وسأل، اللي جرا معايا حاجة بسيطة، والمهم دلوقت نطمن على الشباب اللي اتقبض عليهم وان شاء الله كلهم يخرجوا الليلة بالسلامة".