الحسيني ل"السيسي": بتركعنا ليه؟

وجه الإعلامي يوسف الحسيني سؤالاً للرئيس عبدالفتاح السيسي قائلاً "يا ريس هي أم الرشراش تبع مصر ولا لأ، يا ريس هترجعها ولا لا يا ريس، وياريت تقولنا إزاي، بعد ما تنازلنا عن جزيرتي تيران وصنافير للسعودية".
وعرض الحسيني فيديو للرئيس السيسي وهو يقول "أقسم بالله اللي هيقرب من مصر أشيلوه من على وش الأرض"، معلقًا "طيب إحنا بنقول السعودية يا ريس، نامت 66 سنة وصحيت فجأة أن تيران وصنافير بتاعتهم، حدثت محادثات بينك وبينهم في السر، مع إنك بتقول أنك هتحافظ على ال 90 مليون يا ريس".
وتساءل الحسيني "يا ريس دم المصريين الذي سال في تيران وصنافير وأم الرشراش من الذي سيدفع ثمنه يا ريس، السعودية التي جلست تتفرج على الجزيرتين إحنا نحارب ونموت وهما بيتفرجوا وبعدين صباح الخير أخدنا الجزيرتين... صباح الفل يا ريس".
وتابع "السياسية ليست بها أمور تبيت بالليل، لما مرسي كان يبيت بالتنازل عن مثلث شلاتين وحلايب، مع إن في وثائق عند السودانيين بتقول إنهما تابعتين للسودان، والكل قال لأ".
ومضى بالقول "يا ريس قرارك سبب في انقسام بين الشعبين، إيه رأيك في موقف السعودية من جيزان واليمن، يا ريس إحنا نجوع ولا نفرط في شبر من أراضينا، كسرنا نفس 2 مليون مصري في السعودية، بتركعنا ليه".