فيديو.. محمود سعد: «أنا مش مبسوط.. واللي حصل حصل»

أعلن مقاطعته الظهور التليفزيوني

أعلن الإعلامي محمود سعد، مقاطعته شاشات التليفزيون، دون أن يوضح قبلته المقبلة أو حتى أسباب رحيله.
سعد الذي كان يقدم برنامج "آخر النهار" على فضائية النهار نشر عبر ي صفحته الرسمية على موقع التواصل الاجتماعي "فيس بوك"، رسالة إلى جمهوره ومحبيه، قائلًا: "أنا بشكركم، بقولكم كل سنة وأنتم طيبين، وأنا الحقيقة في الوضع اللى أنا فيه ده مش مبسوط، لكني مستريح".
وأضاف سعد: "إنتوا شايفين الشاشة عاملة إزاي، وشايفين الدنيا عاملة إزاي، أنا مش هاعلق وأقول أنا قعدت ليه ورحت فين وجيت منين، هذه أمور إنتوا تقدروا تستنتجوها زي ما إنتوا عايزين، إنما أنا بكلمكم إنتوا بس، إنما أنا مش عايز أطلع في التليفزيون، ومش حابب أطلع في أي حتة، ويمكن بعضكم يفهم إيه المغزى من الكلام، لكن أنا مش هتكلم خالص، واللي حصل حصل".
وتابع: "أنا عملت تجربة، عملت فيها كل المجهود اللي أقدر أعمله، وبعدين إنتوا أديتوني #حب كبير جدًا جدًا، وأنا بشكركم، نرجع ممكن، مانرجعش احتمال كبير، لكن الدنيا اتطورت، وفيه وسيلة دايمًا للتواصل، حتى ولو بالقلوب، حتى لو تفتكروني وتقولوا الراجل ده يعني كان مش بطال، يعنى كان من ضمن أحسن الوحشين".
وأنهى سعد حديثه: "مدرس الجغرافيا وأنا صغيرة قالي، إنت ليمونة في بلد قرفانة، مافهمتش يقصد إيه، وبعدين روحت سألت أمي، قالتلي معناها إنك أحسن الوحشين".
شاهد الفيديو :