فيديو.. محمود سعد: مش عايز أطلع في التليفزيون تاني.. وكنت «أحسن الوحشين»

« مش مبسوط لكني مرتاح.. إنتوا شايفين الشاشة عاملة إزاي»
نشرت الصفحة الرسمية للإعلامي القدير محمود سعد، عبر موقع التواصل الاجتماعي «فيسبوك»، رسالة إلى جمهوره ومحبيه، قائلًا: «أنا بشكركم، بقولكم كل سنة وأنتم طيبين، وأنا الحقيقة في الوضع اللى أنا فيه ده مش مبسوط، لكني مستريح».
بالفيديو.. أديب: «يا ترى إنت فين يا محمود سعد؟»
أضاف سعد: «إنتوا شايفين الشاشة عاملة إزاي، وشايفين الدنيا عاملة إزاي، أنا مش هاعلق وأقول أنا قعدت ليه ورحت فين وجيت منين، هذه أمور إنتوا تقدروا تستنتجوها زي ما إنتوا عايزين، إنما أنا بكلمكم إنتوا بس، إنما أنا مش عايز أطلع في التليفزيون، ومش حابب أطلع في أي حتة، ويمكن بعضكم يفهم إيه المغزى من الكلام، لكن أنا مش هتكلم خالص، واللي حصل حصل».
الأسواني: محمود سعد رفض أن يخالف ضميره وفضل الجلوس في بيته
تابع: «أنا عملت تجربة، عملت فيها كل المجهود اللي أقدر أعمله، وبعدين إنتوا أديتوني حب كبير جدًا جدًا، وأنا بشكركم، نرجع ممكن، مانرجعش احتمال كبير، لكن الدنيا اتطورت، وفيه وسيلة دايمًا للتواصل، حتى ولو بالقلوب، حتى لو تفتكروني وتقولوا الراجل ده يعني كان مش بطال، يعنى كان من ضمن أحسن الوحشين».
7 تصريحات تسببت في رحيل محمود سعد: «مبقتش اتحمل السجن»
استكمل: «مدرس الجغرافيا وأنا صغيرة قالي، إنت ليمونة في بلد قرفانة، مافهمتش يقصد إيه، وبعدين روحت سألت أمي، قالتلي معناها إنك أحسن الوحشين».
آخر كلمات «سعد» ب «النهار»: «أعيش وحدي باقي عمري بس باحترام»
وفي نهاية العام الماضي، قرر الإعلامي محمود سعد، التوقف عن تقديمه برنامج «آخر النهار»، عبر فضائية «النهار»، مُعلنًا نيته عن اعتزال العمل الإعلامي.