شقيقة مريهان حسين تروى تفاصيل ما حدث لها من "الداخلية"

"أختى اتهانت ظلم يا بلد الأمن والأمان".. هكذا بدأت نادين حسين شقيقة الفنانة مريهان حسين حديثها عما تعرضت له شقيقتها من ظلم على يد "الداخلية" أثناء وقوفها فى أحد الكمائن، بحسب وصفها .
وأضافت أن ضابط الكمين صفع شقيقتها بالقلم بسبب رفضها النزول من السيارة، مؤكدة أن هذا هو سبب سب مريهان للضباط، والذى تم تصويره بالفيديو وتداوله النشطاء عبر صفحات التواصل الاجتماعى، مؤكدة أن الضابط أحضر أحد الأشخاص لتصويرها أثناء شتمه لتبرئة نفسه.
وكتبت عبر حسابها الشخصى على "فيس بوك": "أختى اتهانت ظلم يا بلد الأمن والأمان البلد اللي له حق فيها مبيجيش، أختى راجعة من التصوير الفجر (طبيعة شغلها كدة)، وقفها كمين والظابط عادى طلب رخص وقالها اقفى ف جمب فطلعتله الرخص ووقعت من إيده بعد ما أخدها ونزل يجيبها في نفس اللحظة وهي بتتحرك خبطته بالمراية فى إيده، ازاى دا يحصل! قام مدخل إيده يشد المفتاح وخبطها ف صدرها وقالها انزلى طبعاً ارتبكت ورفضت تنزل فضربها بالقلم ورد فعل طبيعي منها شتمته ولما لقاها بتشتمه كده جاب واحد يصور من أول ما شتمت".
وأضافت: "طب هو فى حد هيشتم كده من غير فعل يدفع لده؟ فيلبسوها محضر سكر مع العلم إن ميرهان مبتشربش، وفي دكتور كشف عليها وقال إن هي في قمة اتزانها، لكن طبعا لازم الكلام يتحرف ويتغير عشان موقف الظباط يبقى سليم، بس اللي معملوش حسابه إن ربنا مبيظلمش وإن في فيديو وهى منهاره وبتقول (رجالة مصريين بيضربوا بنت مصرية)، وطبعاً ده سبب إنهم ياخدوها القسم وهناك اتعرضت لأقذر المعاملة واتضربت واتهانت ورشوهم ببول وميه هى والمساعدة بتاعتها وكل آثار الضرب واضحة".
واختتمت تدوينتها قائلة: "مش أول مرة نسمع عن الظباط اللي كدة وحاجات من النوع ده، بس فعلاً اللي بنشوفه فى الأفلام قليل على اللي اتعمل فيها".