محمد الجوادي: "العين الحمرا" العلاج الناصع لضباط الداخلية

علق المحلل السياسي والمؤرخ التاريخي عبر حسابه الشخصي بتويتر على مقلب من صحفية لضابط بوزارة الداخلية:
بكلمة "برافو"
المقلب كما ورد
منقول عن صاحبة الموقف:
في كمين عند جاردن سيتي
الظابط : والقطة معاها رخصة ولا لسه ماطلعتش بطاقة
أنا : عملت نفسي ماسمعتش حاجة وشديت شنطتي علشان أطلع الرخصة
الظابط : ألا هو إيه النظام لوحدك كدة ليلة العيد هو الإكس خلع ولا إيه
أنا : طلعت رخصة السواقة وكارنيه الصحافة
الظابط : ده تهديد ولا إيه طب انا حقي أفتش العربية
أنا : بغض النظر إنه مش حقك بس اتفضل
الظابط : فتشلي يا ابني العربية دي افتحي الشنطة وطلعيلي رخصة العربية
أنا : نسيتها في البيت واعمل المخالفة اللي انت عاوزها ده حقك
الظابط : طب ماتكلمي الإكس يجيبها
أنا : الإكس ??
الظابط : آه الجو يعني
أنا : آآآآه الجو من عيوني هكلمه
وطلعت التليفون بس أقوله مين حضرتك علشان يكلمك بس من عير ماييجي
الظابط : يكلمني ليه هو يعرفني ?? يكلمك انتي وييجي يجيبهالك
أنا : آه ما هو غالباً هيطلع يعرفك أصله عقيد في الأمن الوطني
وجنبنا هنا في وزارة الداخلية دقايق ويكون عندنا
أصله مايبقاش جو ده يبقى جوزي
الظابط : اقفل ياابني الشنطة دي واتفضلي ياهانم وسلامنا للباشا
وتاني مرة بس ماتبقيش تنسي الرخصة
والحقيقة إنه لا في جوز ولا في عقيد أعرفه في الأمن الوطني أصلاً
بس في عينة من ظباط الداخلية تخاف ماتختشيش
لمجرد إنه شافني باتكلم بجد جداً ومش خايفة منه
خصوصاً وانا شايفاه عمال يشتم كل اللي قبلي
ويجر منهم سواقين يضربهم ويطلعهم ع البوكس
وانا مش هاممني فاتلم لما حس إنه رايح في داهية بجد
وحلوة بلادي وداخلية بلادي.