أبو عرب: هذه تفاصيل مؤامرة الدولة على اتحاد طلاب مصر "المنتخب"

شن الكاتب تامر ابو عرب هجوماً حاداً على وزير التعليم العالي بسبب محاولت رفض انتخابات اتحاد الطلاب وذلك بعد فوز عدد من الطلاب الذين يريدون الحصول على حقوق المعتقلين السياسيين من الطلبة وإخراجهم لاستكمال دراستهم .
وقال أبو عرب في تدوينة: فيه لعبة كبيرة بتتعمل على اتحاد طلاب مصر الشرعي علشان النتايج جت مش على هوى الوزارة، والطلاب أسقطوا مرشحي الدولة.. مضيفاً: وزير التعليم العالي رافض اعتماد اللنتيجة وقال إنه مش معترف بالنتيجة علشان مش عاجبه الطلاب اللي نجحوا عبد الله أنور وعمرو الحلو، وقال إن فيهم من يعتبر التظاهر داخل الحرم الجامعي حق، ومن يتحدث عن وجود طلاب معتقلين، وده بيثير شكوك حوالين انتمائاتهم "بحسب قوله"
وعلق على كلام الوزير قائلاً: يعني حضرة معالي سيادة الوزير عامل محكمة تفتيش وبيشكك في وطنية وذمم أعضاء الاتحاد، وعاوز يصادر على اختيارات الطلبة، والغريبة إنه بينفي وجود تدخلات في انتخابات الاتحاد، وفي نفس التصريح بيقول إنه أنه لو كانت هناك تدخلات لفاز أعضاء “صوت طلاب مصر”، يعني بيعترف بوضوح إن الدولة كانت بتدعم القائمة دي "بحسب رأيه"
وأضاف: الوزارة كانت مرتبة ومربطة ومظبطة كل حاجة ومختارة رجالتها اللي عاوزاهم يمسكوا الاتحاد، لكن الطلاب أسقطوا السيناريو ده ونجّحوا شباب نضيف ومحترم، والنتيجة إن الوزارة عاوزة تهد الدور وتقول مش لاعبة، والمشكلة إن ده كله بيتم في ظل غياب إعلامي معتاد وانشغال كل الناس عن الملف ده.. علشان كدة لازم يحصل دعم كثيف ونشر للقضية على كل المستويات علشان الحكومة متستفردش بالطلاب وتدّفعهم تمن تجرأهم على تحدي رغباتها "بحسب تعبيره"
وأستدرك : وصلوا للطلاب دعمكم ولوزارة التعليم العالي رفضكم على الهاشتاج ده:
‫#‏ادعم_اتحاد_طلاب_مصر‬