تعرف على أخلص زوج فى العالم

تداول رواد مواقع التواصل الاجتماعي, قصة عمر سمرة, أول مصري يصعد قمة إيفرست, واصفين إياه بأنه أكثر الأزواج إخلاصًا لزوجاتهم.
واستدل الرواد علي ذلك بأنه لما اتكلم عن حياته وخسارته لمراته بعد ولادة بنته "تيلا" قال: "من ساعة ما مراتي "مروة" توفت من 22 شهرًا وأنا نفسي أعمل حاجة في ذكراها عشان أما بنتي تكبر تعرف أن مامتها ست عظيمة، وحبنا لبعض كبير أوي وجميل أوي، أنا بتكلم بصيغة الحاضر لأني مقتنع أن هي دايماً حوالينا ومعانا، لسه فاكر آخر كلمة قالتهالي إني آخد بالي من بنتنا وعيطت وقولتلها ليه بتقولي كدة، متقوليش كدة".
وأضاف عمرو : "عمري ما كنت أتخيل إني هتجوز قبل ما أقابلها، أنا أبعد ما يكون عن فكرة الجواز والمسئولية، لسه لابس الخاتم بتاعها لحد النهاردة اللي حفرنا عليه "‘Another Perfect Day.'" الجملة اللي كانت محفورة على المركب اللي اتقدمتلها عليها".
واستطردت عمرو قصته, قائلاً "أنا قضيت سنين كتير بتسلق جبال وبمر بتجارب ورحلات في كل مكان في العالم، أماكن صعبة وعدائية وبعيدة، بس خسارتي لمروة أصعب 100 مرة من أي تجربة مريت بيها، التحدي الأكبر في حياتي، لما تخسر أكبر خُسارة في عمرك بيبقى قدامك تحد إما تستسلم أو تحارب، تعبت ليالي كتير، حاربت، صرخت من كترت الأصوات اللي في دماغي، اكتأبت، لحد ما شفت ضوء من الأمل، سألت نفسي، أنا مش قادر أشوفها ولا ألمسها بس أنا عارف إيه اللي بيسعدها، وأخليها فخورة بيا. قررت أبقى قوي وأقف على رجلي عشانها، حولت أكبر حزن في قلبي لشىء إيجابي".