كمال ينشر شهادة تدين "فاطمة" التي ادعت اغتصابها بقسم شرطة

نشر الإعلامي سامي كمال الدين شهادة لاحدى السيدات التي رافقت الطالبة فاطمة التي ادعت اغتصابها بقسم شرطة إلى إحدى طبيبات النساء التي أكدت عدم تعرضها لأي اعتداء .
وقالت السيدة في شهادتها : البنت دي قالت انها اعتقلت وتم اغتصابها من قبل قوات الامن وطلعت ع قناة حكت حاجاات غريبة كده حصلت معاها .. انا و ام يوسف اخدناها وروحنا كشفنا عليها عند دكتورة .. الدكتورة قالت انها بنت وكويسة ومحصلش فيها حاجة انا كنت متعاطفة معاها والا خلاني اسجل اني عاوزة اوثق ان البنت مظلومة من الاتهامات .. لكن طلع توثيقي للعكس بس للحق باردو :') بعد ماكشفنا عليها امبارح والبنت اندهشت من كلام الدكتورة كلمت المحامي بتاعها و قالتلي انها النهاردة هتتصل بيا نروح عند دكاترة تانيين عشان هي مش واثقة في كلام الدكتورة دي .. وهي النهاردة متصلتش بيا ..
وأضافت: البنت امبارح وهي بتتكلم معايا قالتلي ان حد من التحالف اسمه "أ.أ" ساعدها وكان جايبلها شقة تقعد فيها وقالت انها اعتقلت يوم 30-1 وخرجت بعدها بخمسة اياام .. يعني كل ده مستخبية في الشقة و ان التحالف قالها اسكتي احنا هنتصرف ولما لقتهم موصلوش لحاجة راحت اتكلمت هي .. ده كلامها
النهاردة إتكلمت مع "أ.أ" وسألته قالي لاء دي بنت كدابة وبتكدب ومحصلش حاجة من الحاجات دي ..
وأردفت: في وسط كلامها امبارح باردو قالت ان هي كان معاها 11 محامي .. منه " أستاذ رجب المحامي " محدش في المطرية وعين شمس ميعرفهوش انا سألته النهاردة قالي لا محصلش اساسا وانا ممسكتش قضيتها اصلا ! وبيقول انه لسه شايفها يوم الجمعة في المسيرة اساسا ..
وتابعت : بعدين هي لسه داخلة كاتبة عند واحد اسمه "ديزيل" ده حبيبي وخطيبي وكلام غريب كده .. النهاردة ديزيل بيقول انا والله معرفهاش وكلمها وشتمها وقالت ان في شخص شاهد ع خطوبتها من الديزيل ده ديزيل النهاردة قال خليها تجيبلي اللي شاهد ده ويتكلم !
وأستكملت : اللي هيسأل فين اهلها .. امها مظهرتش غير في مشهد واحد و هو امبارح اتصلت بأم يوسف قالتلها انتي كدابة والدكتورة اللي انتي وديتي بنتي عندها دي بتكدب وقفلت السكة ..
وقالت : أنا اللي خلاني أتأخر في اني احكي الحكاية كاملة .. إني كنت عاوزة اتأكد زي ما انتو شايفيين ورحت سألت كل واحد هي جابت سيرته عشان أتأكد ..
وأنهت كلامها : انا كده اثبتت انها كدابة وبتاعة حوارات لكن مش عرفت او اثبتت انها امنجية وانا مش متأكدة من حوار امنجية ده لعدم الكذب يعني ! واللي بيسأل عن التسجيل انا مش نزلته انا بعته لناس تانية هتنزله بس معرفش امتي ..
وقالت : اللي بيسأل باردو لما هي كدابة ايه اللي خلاها تيجي معاكو .. ني فضلت الاول تلاوع في الكلام مع ام يوسف بس ام يوسف كشمت معاها غير كده معرفش .. انا كده قلت كلمة حق وخلصت ضميري وحكيت كل حاجة اللي يشتم يشتم واللي يقول يقول . "بحسب شهادتها"