حزن معشش.. قصة قصيرة

فى الصالة الواسعة ،قعدت الأم على كنبة الأنترية الأسيوطى وهى حاطة شلها الصوف أبو ورد على كتف جلبيتها القطيفة الكحلى،ومسكة فى أيديها كوباية الشاى أبو لبن بتاع الصبحية،وباصة على ولادها محمود ومحي اللى قعدين قدمها على تربيزة السفرة بيفطروا وبيتكلموا عن ليلة أمبارح....وفجاءه علت صوتها بدعاء مكتوم معبى حزن!!
فى أية ياحاجة؟؟خير مالك................سألها محي
قلبى مقبوض يا ولاد!!
لية بس ده حتى السبوع عدى على خير ياأمى والحمدلله فاطمة وبنتها بخير والمعازيم كلهم جم واليوم كان مشرف وعملنا كل الحاجات والحمدلله!!!أية بقى ياما مابتعرفيش تفرحى ولا أية؟؟
يمكن يابنى!!مابقتش صحيح بعرف أفرح من يوم ما أبوك مات،وأنا حسة أنى عريانة وأن الدنيا مش هاتكملى فرحة!!ديما مخبيالى مرارة ورا كل فرحة!!
لية يا حاجة؟؟ماالحمدللة أنتى ربتينى أنا وأخواتى أحسن تربية وأهو ياستى بقى عندك حفيدة حلوة وشبهك يا أم محمود ،صلى على النبى وروقى كدة وخلى أتكواليك على الله.
هى كده غاوية نكد يا سيدى!! نط محمود فى الكلام بين أمه وأخوة الصغير محي ..............ثم ألتفت ووجه كلامة لأمة،والنبى يا حاجة ترحمينا من قبضة قلبك النهاردة،خلينا نفرح باليوم اللى عدى زى الفل وأتسترنا قدام الناس......!!!
الحمدلله يابنى ربنا يرزوقوا من وسع أنتوا طيبين وولاد حلال،والكريم لا يضام،يارب خليكوا لبعض
أية الجو دده يا ما ما؟؟ربنا يخليكى لينا...........رد محي الحنين على أمة،لكن محمود حس بغيظ من نبرة أمة المكسورة واللى مش عارف لها سبب؟؟
فية أية يازينب ما أنتى أمبارح كنتى ملعلعة وعمالة تحكى يمين وشمال وتغنى وتحضنى دى وتشاكلى فى دة!!!مالك النهاردة قلبها غم لية؟؟اللى يشوفك أمبارح مايشوفكيش النهاردة؟؟سأل محمود أمه وهو بيلمح لسلوكها اللى ماعجبوش أمبارح!!
ولأنها أمه فهمت قصدة وقالت لة .......والله ماعارفة يا بنى ؟؟ صحيت الصبح، مكسوفة من قلة قمتى أمبارح،أصل الفرحة خدتنى ومارعتيش نسايب أختك ،...وسيبت نفسى خالص،زمانهم بيقولوا أية الولية قليلة القيمة دى؟؟أزاى فى عمرها ده تتحزم وترقص ؟؟وبعدين ملا الغم قلبى وخفت على البت بنت بطة قوى!!!
ياة يا ما من وأحنا صغيرين بعد كل مناسبة وفرح تحسى بقلة القيمة وقلبك يتقبض!!!رد محمود على أمة ،أصلة كبير ولادها وحفظها كويس.
خف شوية على أمك ياحودة!!بالراحة مالك داخل فيها شمال كدة لية؟؟؟قال محي جملته بسرعة وعصبية أستوقفت محمود!!
أية يا ولاد أنتوا هاتتخنقوا مع بعض ولا أية؟؟معلهش سامحونى مش قادرة أصدق أنى عرفت أكمل المشوار من غير أبوكم وكمان بقيت جدة،يارب أحفظها نعمة من الذوال!!!
ربنا يديكى الصحة يا أمى وتشيلى ولادنا كلنا وولاد ولدنا كمان،وقام من على السفرة و سحب محي أيد أمه وباسها،وطبطت هى على راسة وبدئت تعيط .
أتاغظ محمود من نكد أمة ومحن أخوة،وقرر أنه خارج من النكد دة،وفتح باب الشقة ،وهو بيزعق ويقول ياساتر على النكد،الأول تهيص زيادة عن اللزوم وبعدين تنكد علينا برضة زيادة عن اللزوم،دى حاجه تقرف أنا زهقت...وراح رازع الباب وراة ،فخرجت من أوضتها فاطمة بسرعة تشوف فى أية؟؟؟فلقت أمها بتعيط عياط مكتوم ومحي مازال باصص على باب الشقة وعلى وجهه أندهاش وصدمة.