"ما بلاش تروح"

قصيدة رثاء شهداء استاد الدفاع الجوي على لسان أم لابنها الشهيد عصام

ما انا قلت لك
يا ابني بلاش اليوم تروح

ما بلاش ضنايا
عشان دموعي اليوم تروح

رن الجرس
وعصام مرايته اتكسرت
والصورة فيها اتعكرت
وكأن في الصورة القروح
وكأني روحي اتحركت
على فين تروح
وعصام هناك
شاف الهدف
رفع العلم
يهتف يا ناس
وتهف روح

وانا عيني بتلف المكان
والقلب ما له بيتوجع
يصرخ عصااااااااااااام
رن الجرس
قلبي اتخرس
وسمعت صوت صرخة وجع
رن الجرس
وقالوا لي
مات
مين اللي مات!!!!!!
والطيف يلف بغرفته
وانا لسه حاضنه هدمته
وبلف عيني بشملته
يا حزن هااااااااااات
مين اللي مات!!!!!!!!
وفضلت اقلب في الحاجات
صورته مع الشله الجميله
جنب دفتر ذكريات
في المشرحة قلبي
اللي عايش وحدته
بيكفنوه
في المشرحه
حلمي الوحيد
على عود خشب بيغسلوه
في المشرحه
ألبوم مواجع مش صور
بيعلقوه
في المشرحه
عمري اللي فات
من كام سنه
بالمحزنه بيسبلوه
وعرفت ليه الصوره
واقفه في المرايه مكسرة
موال أسى
ناقص أسى
يبكملوووه