للفتيات فقط.. 40 قاعدة لركوب المترو

إلى كل فتاة مصرية أصيلة بتركب المترو من الساعة 8 إلى 11 صباحًا، إليكِ سيدتي قواعد ركوب المترو الأربعون :
1- لا تتأنقي (انسي إن عندك لبس شيك)
2- الMakeup لا لا لا لا (هيسيح يا إما واحدة أطول منك بكوعها هتمسحه)
3- شنطتك فوق راسك (هتتاخد يا حبيبتى)
4- متلبسيش bracelets ولا أي نوع من أنواع الإكسسوارات القابلة للقطع.
5- متركبيييش المترو أحسن يا غالييية.
6- لازم يكون عندك ليونة عشان تقدري تقفي بجنبك أو على أطراف صوابعك وتعرفي تشبي.
7- البسي كمامة (ممكن فجأة تلاقي نفسك قاعدة في بق واحدة عااااادي جدًا)
8- متحطيش التذكرة في الطرحة (بلاش قرف)
9- موبايلك ولا تحطيه في شنطة ولا في جيبك!
10- بلاش بلاش بلاش تكوني فايقة خليكي في غيبوبة لحد متنزلي بالسلامة.
11- متلبيسيش shamoa وياريت تمشي بScotch ..
12- لازم تاكلي لبان أرجوكيييييييي.
13- متنسيش الspray رجاء.
14- روحي الgym كتير هتحتاجي عضلاتك عاجلاً أم آجلاً.
15- متركبيييش المترو أحسن يا غاليييييية.
16 - اشربي Birell واسترجلي.
17- تعلمي فن السير بقوة الدفع.
18- إياك تلبسي أبيض هتتعملي معاملة المنديل ولا offwhite ياختي.
19- يا تركبي المترو من أول الخط أو من أخره غير كده هتبقي sandwich .
20- البسي حزام على كل حاجة من راسك لرجلك (في بعض الحالات يتم خلع الملابس دون قصد من الزحمة).
21- اعملي دولاب خاص ليك في المحطة اللي دايمًا بتنزلي فيها واعتبري إنك لسه صاحية من النوم.
22- - انزلي بالبيجامة.
23- مروحتك لازم ولابد تكون معاكي متقوليش شتا وبلاش لا، درجة حرارة المترو بتكون أعلى من برة 10 درجات.
24- البسي أربع طرح فوق بعض عشان اللي تتقلع يبقى عادي في طبقة تحتها.
25- البسي واقي من الرصاص عشان هتاخدي بالبوكسات والكوع ومش بعيد تتشنكلي.
26- بلاش حساسية من حد لأن هيتزعقلك غالبًا بالسب أو بغيره.
27- انزلي قبل 8 وارحمي مامي العيانة.
28- متركبيييش المترو أحسن يا غالية.
29- خلي روحكstretch .
30- لو حظك حلو وقعدتي حطي الشنطة على حجرك عشان هتلاقي ناس كتير بتعقد على حجرك.
31- - العبي عقلة عشان لو قصيرة هتمشي مع الموجة.
32- - استنوا أفتكر إيه كمان.
33- Redbull عشان يعطيكي جوانح وتلزقي في سقف المترو.
34-- راجعي نفسك قبل متركبي لو مشوار ملوش لازمة متنزليش أحسن.
35- متفكريش تشيلي حاجة زيادة عن شنطتك ويا ريت بلاش شنطة.
36- - اضربي كشري ع الصبح وده هيعمل حاجز حواليكي محدش هيقرب منك.
37- خدي مواصلات أحسن يا ست البنات ومتوجعيش قلبي عشان المترو يفضى شوية.
38- لو المسافة بين المكان اللي انتي فيه والمكان اللي انتي رابحة ليه محطة واحدة أو اثنين يبقى انتي معندكيش دم لا مؤاخذة.
39- - البنت ملهاش غير بيتها وجوزها.
40- - عاوزة أكتر من كده اييييييه.