قال الإعلامي عمرو أديب أنه "زعلان" من الرئيس عبدالفتاح السيسي، لأنه لم يعرف المصريين جيدا، مضيفا" النهاردة الريس كان بيقول إنه أوعوا حد يدخل بيننا.. حد يدخل بينا مين يا ريس؟ أنت نسيتنا ولا إيه؟ إحنا المصريين يا ريس''. وأضاف أديب وهو يبكي على الهواء خلال تقديمه لبرنامج ''القاهرة اليوم'' " أنت نستنا يا ريس ولا إيه؟ لما قولت لنا أن كله هايبقى تمام نزلنا مشينا الاخوان في 30 يونيو، إحنا مش بنتهز، ولما قولت لنا التفويض نزلنا في الشارع، أوعى تقلق من المصريين ياريس".
وتابع" أحنا الشعب الوحيد اللى بيروح للقنبلة.. و شايلين الجميل للجيش اللى قعد 500 يوم فى الشارع، أوعى إيمانك يهتز بالمصريين، سمي بس وإحنا معاك وإضرب بيد من حديد على الإرهابيين وخلي العالم كله يشوف". ومضى بالقول" لو وصلت ان إحنا نشيل سلاح و ننزيل معاك هننزيل يا ريس، مرسي هو المسئول عن التفجيرات، هو اللي افرج عن الارهابيين". وواصل حديثه" لا عتاب ولا حساب غير بعد الثأر من ولاد الكلاب، إحنا وراك ياسيسي والمصريين مش ضعاف".