حكاية الشيخ منصر(7).. زكية زكريا الست المفترية

نظم معهد تدريب الحمير تدريبا عمليا للشيخ منصر فى هى قناة (الاستحمار) مع المذيع الشتّام سبّاب الدين،الذى لا يحفظ لسانه إلا الألفاظ البذيئة...
كانت ضيفة الحلقة فى هذا اليوم هى السيدة زكية زكريا (مع الاعتذار للفنان إبراهيم نصر الذى أجاد هذه الشخصية فى حلقاته الفكاهية " الكاميرا الخفية" ) .
والسيدة زكية زكريا هى امرأة بدينة،جاء وقت كلّما تفتح أى قناة تليفزيونية تجدها تتحدث ،وإذا ذهبت إلى أى ندوة أو مكلمة أو غذاء أو عشاء تجدها حاضرة ،وإذا فتحت أى جريدة أو مجلة تُطالعك يصورتها البهية !! وإذا فتحت الحنفية تنزل منها مع الماء !! وحديثا الدائم والمفضّل هم شتيمة الإسلاميين،إذا تكعبلت فى الشارع سبّت الإسلاميين ..إذا هجر زوجها مضجعها سبّت الإسلاميين ،إذا أصابها سُعال أو إسهال شتمت الإسلاميين.
الإسلاميين عندها كلمة تشمل جميع المسلمين وليست قاصرة على جماعة بعينها فقط.
استضافها الشتّام فى هذه الحلقة بناء على تعليمات من مدير القناة فى إطار سلسلة من البرامج الممنهجة للهجوم على الإسلام والمسلمين.
أدار الحوار المذيع الشتّام بحضور الشيخ منصر..
رحب بضيفي الحلقة ثم بدأ الحوار..
الشتّام :ممكن نعرف من حضرتك ليه رفدوكى من وظيفتك ؟فاتتك الملايين التى كنتى بتقبضيها كل شهر....
زكية زكريا: هذه مؤامرة إخوانية من باراك أوباما لأنّى كنت دايما بهاجم السياسة الأمريكية .
الشيخ منصر : هَه؟ مين باراك أوباما دِه ؟
زكية زكريا: ده رئيس الولايات المتحدة الأمريكية ..
الشيخ منصر : برضه مانيش فاهم ..أيه علاقته بالموضوع؟
زكية زكريا:لأن باراك أوباما ده إخوان مسلمين ..وابوه الحاج حسين أوباما إخوان مسلمين وعضو فى مكتب الإرشاد،واخواته زكى أوباما وعلى أوباما وبُرعى أوباما كلهم إخوان..
الشتّام : على كده بقى يبقى الإخوان همَه اللى بيحكموا أمريكا ؟ ..
زكية زكريا: أيوه يا أستاذ ..ده حقيقى..
الشتّام : أمّأل فين المخابرات الأمريكية السى أى أيه والمباحث الفيدرالية ال أف بى آى اللى بيعرفوا دبّة النملة؟
زكية زكريا: الإخوان اخترقوا كل هذه الأجهزة ولهم عملاء فيها ،يعنى فيها خلايا إخوانية كبيرة.
المذيع : معانا اتصال من الأستاذ منتصر المحامى ..اتفضّل :
المحامى : الكلام ده خطير يا أستاذة .. كلام مُرسل يحتاج إلى أدلة ..
زكية زكريا ( منفعلة ): أيوه أنا عندى أدلة ها أقدمها للنيابة ...وهاطلب من النيابة إدراج الرئيس أوباما وعيلته على قوائم الممنوعين من السفر !!
المحامى : الممنوعين من السفر؟ ليه ؟؟؟همّه موجودين هنا فى مصر..؟
زكية زكريا : معرفش...لكن لو جم يتمنعوا من السفر....
الشيخ منصر : طب وهوه الحاج حسين أوباما دِه لسّه عايش؟
زكية زكريا :لأ ولكن المسألة مسألة مبدأ ،لازيتقبض عليه حتى ولو فى القرافة.
المحامى : أيه ده يافندم..،هذا كلام غير قانونى.. ؟
زكية زكريا ( منفعلة ):أنا أعرف فى القانون أحسن منّك ومن نقابة المحامين كلهم ، انت ما تعرفش انا كنت باشتغل أيه ؟
المحامى : عارف ولكن رفدوكى لأنك....
زكية زكريا ( مقاطِعة ): قلت لك إن دى مؤامرة إخوانية من الرئيس أوباما وانا وهمّه والزمن طويل ،مش كفاية قطعوا عيشى ومش لاقية شُغل ،ومن ساعتها مابقاش حدّ يدعينى لا فى قنوات ولاندوات ، و لا غدا ولا عشا ، ولا حتى فى حتة رسبشن زغنطط..
-----------------------فاصل ونعود ...................................
المذيع : الموضوع التانى النهارده هو موضوع الحرب بين حماس وإسرائيل فى غزة ....إنتوا عارفين إن إسرائيل دولة زغنططة ماشية فى حالها ، لكن غزة يا وِلداه محاصراها وقاطعة عنها النور والميّه والهوا..وحماس المجرمة كل شوية تعتدى عليها وتسرق أراضى منها تعمل فيها مستوطنات للفلسطينيين ،وتقتل النساء والأطفال...وتهدم بيوت المدنيين ، وتضرب المستشفيات..ومدارس الأمم المتحدة ..
دى ناس كفرة..حماس دول كفرة ...أيوه كفرة ..أنا بقول أهه..حماس كفرة..بيمنعوا قوافل الإغاثة الإنسانية عن إسرائيل ..مضيّقين عليها....لا معابر ولا موانى ولا مطارات..ولا علاج للجرحى... حماس دي اللى شعارها (دولة فلسطين الكبرى من النيل إلى الفرات) والكلام مكتوب ده على واجهة (الكنيست الفلسطينى) .
فيا إسرائيل ....
عيوننا إليكى ترحل كل يوم... تطوف فى أروقة المعابد ...
تعانق الكنائس القديمة... وتدُكّ مع جيشك المساجد ..
ثم وقف وأدى تحية عسكرية للجيش الإسرائيلى وأقسم بالله العظيم أن حماس كفّار وأن الإسرائيليين رجال وعظام وأبطال، ويقدم تعظيم سلام لهم على قتل الفلسطينيين......وقال
: أنا أرفع لهم القُبّعة .....
ودلوقت ناخد اتصالات المستمعين .
معانا الدكتور شديد.. من القرافة..أيوه.. اتفضل يا دكتور:
الدكتور شديد : يا سلام ياخويا ..بتقول إنك بترفع القُبّعة للجيش الإسرائيلى ؟ وحياة ابوك؟ قُبّعة ؟ أبوك أبو لبدة وقبقاب كان يعرف يعنى أيه قُبّعة ؟ أمّك لمّا كانت ب..... فى الترعة كانت بتلبس القُبّعة ؟
انقطع لاتصال....
قال المذيع : هوه كان بيشتم واللا كان بيشتم ؟ لحسن يكون كان بيشتم.!!
*فيه اتصال تانى من الأستاذة عزة من مقابر الغفير..اتفضلى يا أستاذة عزة .....
عزة :أنا أحييك يا أستاذ على كل اللى انت قلته عن إسرائيل ،وعايزه أضيف أن أنا سبق وقلت إن انا بحب نتنياهو قوى عشان راجل بطل وفارس مغوار بيقتل النّاس..والنّساء والأطفال ،وياريت رجّالة الدنيا كلها يبقوا زّيه ،مش أنطاع زىّ جوزى و زّيك.!!. وقتل الأطفال بالذات مهم لأنهم مشاريع إرهابية زى ماقالت الست التخينة اللى معاك فى الحلقة ..قالت إن كل طفل فى عزة مشروع إرهابى..
على كل حال يا أستاذ أنا خلاص ماقدرش ارجع فى الكلام اللى انا قلته ،لأن أنا دلوقتى فى القبر والعمل انقطع ، ومعايا هنا هجرس ونجم والرسام وعبد الله وكل زمايلى، وابو حرير على وصول، وانا منتظرة نتنياهو عشان نُحشر معاه ،ومنتظراك يا أستاذ...... انت واللى زيّك مكانكم محجوز جنبى .. وابقى هات ابو حمّالة معاك عشان يشوف عذاب القبر بنفسه.
*المذيع : معانا اتصال ..فضيلة الشيخ عبد الغنى النابلسى من علماء الأزهر الشريف ..أهلا ياسى الشيخ ..اتفضّل قول تعليقك ..
الشيخ عبد الغنى: السلام على السادة المشاهدين ورحمة الله وبركاته ..أهديكم هذه الآية من كتاب الله العزيز :
أعوذ بالله من الشيطان الرجيم .. بسم الله الرحمن الرحيم
). تَبَّتْ يَدَآ أَبِي لَهَبٍ وَتَبَّ * مَآ أَغْنَىٰ عَنْهُ مَالُهُ وَمَا كَسَبَ * سَيَصْلَىٰ نَاراً ذَاتَ لَهَبٍ *وَ0مْرَأَتُهُ حَمَّالَةَ 0لْحَطَبِ * فِي جِيدِهَا حَبْلٌ مِّن مَّسَدٍ*) صدق الله العظيم .
تسائل المذيع : تقصد مين يا شيخ عبد الغنى ؟
ولكن الشيخ لم يجب و أغلق الخط .
لمِع فى عينيى المذيع بريق الجِنان والخانكة وقال :
هوه بيقول على مين أبو لهب ؟
****