انتحار الطالب محمد عبدالغني بسبب ظلم الدكاترة !!

السلام عليكم ورحمة الله وركاته
حياكم الله وبياكم وجعل الجنة مثوانا ومثواكم
سيدي الفاضل الأستاذ : محمود سلطان , لا أملك إلا أن أقول لك جزاك الله خيرا أنت وكل العاملين معك , ووفقك الله وسدد خطاك ورزقك الصدق والإخلاص في القول والفعل اللهم آمين
سيدي الفاضل , هذا الموضوع هو إحدى المآسي التي تكرر كل يوم ويتعرض لها ابناءنا وبناتنا الطلاب , كأنهم لا يكفيهم سوء التعليم وفساده , وعدم قيمة الشهادة التي تحصلون عليها على الواقع العملي الملموس , لا بل أيضا يظلمون ويقهرون حتى يصابوا بالأمراض النفسية أو ينتحرون !!
وهذه حادثة من تلك الحوادث التي جاري البحث والتنقيب عن جميع أحداثها , ولكنها جهد ضئيل من طلبه أمثاله , والموضوع يحتاج إلى من يوليه إهتماما ويكون ذا خبرة وصيت كحضرتكم أو فريق عملكم , وفي هذا لا نملك لكم سوى الدعاء بأن يجعل الله هذا العمل في ميزان حسناتكم
طالب فى طب بيطرى المنصورة انتحر بعد ما سقطوه فى الكلية سبع سنين بعد ما كان الاول فى التشريح فى بيطرى اسماعيلية ... الموضوع دكتور فى الكلية عاوز يوصله للصحافة لانه شاف بنفسه تعامل الدكاترة معاه لدرجة ان دكتور الجراحة قاله امام الدفعة سبع سنين معانا ومش هتتخرج منها ..
محمد عبد الغني 26 سنه...الاول على الكليه في التشريح بالاسماعيليه رئيسة القسم قالت له خلص يا محمد وهاخدك معيد في التشريح......
جه المنصوره الدكتور. ( ص . ا ) سقطه في التشريح وقالوله ما لناش دعوه بالعلم اللي انت بتكتبه في الورقه احنا عايزين الكلمتين اللي ببنقولهم في المحاضره ...
نجح محمد لحد رابعه اصطدم بعدم التعليم في الكليه اللي اتحولت لسوق لتجاره الكتاب وتعذيب الطلبه وارهابهم في المحاضرات من اجل شراء الكتاب .....
.سقط محمد في رابعه 4 سنين اصيب بعدها بمرض نفسي طلع خامسه قعد فيها 3 سنين فالمرض النفسي زاد عنده..وكانت عقدته الجراحه اللي دكتورها اكتر دكتور يخوف الطلبه من اجل شراء الكتاب وكان من عادة محمد الابتسام الدائم .....لحد ما قومه (ع ا) في المحاضره وقال لزميله محمد عبد الغني يا جماعه 7 سنين في الجراحه وان شاء الله مش هايطلع منها ....
والد محمدالغلبان راح الكليه واعتذر للدكتور .....
وبعدها اتصل بيا وقاللي محمد غايب عن البيت من اسبوع...
.بعدها لقوة قاطع شرايينه علي سطح منزلهم...
محمد يا جماعه كان عبقري تشريح وكان لحد السنه دي بيقف يشرح للطلبه .. كان دايما يقولي التشريح بيمشي في دمي يا دكتور عمرو.....علشان كده قرر ان دمه يكون اخر حاجه يفقدها علشان ينهي قصه عذابه ويستريح من اللي ظلموه ومن الكليه ومن بيع الكتاب ومن الامتحان اللي مالوش دعوه باللي مذاكره ومن بعض الدكاتره وحتي من التشريح اللي كان اعز ما يملك !!
وجزاكم الله خيرا