فيديو . برهامي ل "مرسي": يا أبقى خاين يا أخبط معاك في الحيط

نشرت الجبهة السلفية المؤيدة للرئيس المعزول محمد مرسي، فيديو للشيخ ياسر برهامي، نائب رئيس الدعوة السلفية بالإسكندرية، ينتقد فيه موقف الرئيس السابق محمد مرسي وجماعة الإخوان المسلمين من الأزمة السورية.
وقال برهامي في الفيديو المسرب الذي نشرته صفحة الجبهة السلفية على موقع "يوتيوب" خلال لقاء جمعه وأنصاره: "القوى العالمية، الغرب وروسيا وأمريكا موقفها سلبي منك، حتى رغم التنازلات اللي انت قدمتها في روسيا وقلت إن الموقف المصري يتطابق مع الموقف الروسي في الأزمة السورية، ومع ذلك معطوكش حاجة خالص".
وأضاف برهامي: "أن الإخوان في سوريا عقدوا مؤتمرا صحفيا ضد مرسي... المهم دي القوى العالمية.. انت قوتك قد أيه بالنسبة للقوى العالمية، لو قلت 1% يبقى كتير، النسبة أقل من كده.. إحنا ممكن نخش صراع بهذه الطريقة إزاي؟! ومطلوب مني يا إما أبقى خاين يا إما أخش وراك في الحيط".
وفي رده على أحد الحضور الذي طلب منه التكاتف، قال برهامي: "أنت مش عايز تفهم.. ودا موقفك وخليك ثابت عليه.. أنا بتكلم شرعا.. هل يشرع لينا ندخل الصراع ده وبقوة قد أيه.. ولا دي تبقى مرحلة تستعيد التوازن؟!.. ودي علشان نحدد نقدر نقدم تضحيات قد أيه.. من جهاد ومن دعوة بخسرها على الأرض من خلال شعبي أنا.. ودا غير المصايب اللي هتجر عليّ كراهية تدمر كل شيء، وتعادي المؤسسات دي كلها في سبيل المحافظة على الكرسي اللي أنا مش عارف من خلاله أطبق الشرع".