باسم يوسف: أنا مع إجراء حوار مع الإسلاميين ولكن بنفس طريقتهم

قال الإعلامي باسم يوسف، مقدم برنامج "البرنامج": "أنا مع إجراء حوار وطني مع الإسلاميين بنفس طريقتهم، نقعد معاهم ونسمعلهم وبعدين نعمل اللى إحنا عاوزينه برضه". وأضاف "يوسف" فى تغريدة له بموقع التواصل الاجتماعي "تويتر": "إحنا مش محتاجين نُقصى الإخوان ولا السلفيين، سيبوهم على بعض وهما يقوموا بالواجب، وصفوت حجازى يهاجم شيوخ السلفيين اللى قاعدين فى بيوتهم آمال فين مقولة لحوم العلماء مسمومة اللى قرفونا بيها؟".
وتابع: "من تَطَرُّف وعنصرية الإخوان إلى تطرّف وفاشية من يسموا أنفسهم وطنيين.. إحنا داخلين على أيام سوده وكله بالحب، وزى ما الإخوان والسلفيين اعتبرونى عدو للإسلام، كتير من الإعلاميين اللى وقفوا معايا حيقلبوا عليّا قريب جدًا، الفاشية لا دين لها".