فيديو.الحديدي: "يا ترى هتطلع فتوى بتحريم البمبى المسخسخ بتاع الزمالك"

تهكمت الإعلامية لميس الحديدى، من الزى الجديد لنادى الزمالك, واصفة إياه بأنه موضوع مهم جداً وأهم من كل المواضيع, اللون الجديد للزى الاحتياطى لنادى الزمالك .
وسخرت الحديدى قائلة: "أنا أهلاوية واعترف بذلك لكن اللون لفت انتباهى بشكل مثير جداً, متسائلة ما هو شعور الزملكاوية وهما لابسين "بمبي" ولا يمكن يكون اللون ده وشه حلو عليهم لأنهم كسبوا الماتش أمبارح بدل اللون الأبيض ولا يمكن اللون ده أضفى عليهم نوع من الانتعاش والفرفشة ".
واستطردت الحديدى أثناء برنامجها "هنا العاصمة" أمس أن هذا اللون مثير للاهتمام جداً لأنه شبه ألوان الفالنتاين, مضيفة "طب الجماعة بتوع الأحزاب الإسلامية والجماعة الإسلامية والبناء والتنمية ممكن يحرموا الزى ده على أساس إن الحب وعيد الحب حرام أصلا ولا إيه ؟".
وواصلت الحديدى تهكمها "لو واحد شد واحد من الفانلة, ساعتها الحكم هيعتبر ده إيه فاول ولا تحرش, لأنه شبه زى الستات" هما الزملكاوية مش حاسين بغمة نفس من اللون البمبى المسخسخ ده, مع احترامى لكل الزملكاوية, وياريت الدكتور مرسى ميضايقش أنا عارفه إنه زملكاوى وممكن يكون اللون ده عجبه واختياره كمان".
شاهد الفيديو