تعليق غير متوقع من "سما المصري" على فيديو "سيدة البلكونة"

شنت الفنانة سما المصري هجومًا شرسا على المجلس القومي للأمومة والطفولة بعد قيامه بتقديم بلاغ ضد "سيدة البلكونة" .
وقالت "سما" في تدوينة عبر حسابها ب"انستجرام" : "لا تعاتبوا الأم بل عاتبوا المجتمع... الأم دي في زيها الآلاف بل الملايين في مصر.... دي صورة طفل البلكونة اللي حاولت أمه عن غير قصد إنها ترميه عشان يدخل بلكونة الجيران يجيب مفتاح الشقه لأنه نسيه جوه الشقة".
وأضافت: "دي مش أول حادثة بالشكل دا.. الأقاليم والصعيد والأماكن الشعبية مليانة أمهات بالشكل دا عارفين ليه؟ لأن حق الطفل المصري ضايع ومش لاقي اللي يحنو عليه".
وأضافت: "يا تري المجلس القومي للأمومة والطفولة اللي جري وعمل بلاغ في أم الواد ما شافش أطفال الشوارع اللي مرميين تحت الكباري؟؟ ولا مابيشفوش الأطفال اللي بيشحتوا في إشارات المرور؟؟ اشمعنى يعني مشهد الطفل دا اللي حركوا أوي كده؟ عشان انتشر ع الفيس؟؟".
وأستدركت: "قوموا من علي كراسيكم يا سادة وشوفوا شغلكم وانزلوا الشارع هاتوا حق الطفل المصري المشرد البردان في الشارع مش شاطرين تقعدوا ع الكراسي وتستنوا الفيديوهات تنزل ع الفيس عشان تتحركوا.. راعوا ربنا في أطفال البلد دي".