كشف الرئيس عبدالفتاح السيسى، عن معلومة جديدة بشأن محاولة اغتيال وزيرى الدفاع والداخلية وقصف طائرتهما فى ديسمبر الماضى. وأوضح "السيسى"، خلال مشاركته في جلسة "السياسة الخارجية ومكافحة الإرهاب وإعادة بناء مؤسسات الدولة" بمؤتمر "حكاية وطن"، أن "الطائرة ضربت من المزارع الموجودة حوالين المطار، وبنعمل حرم أمن لمطار العريش عشان يرجع بلا تهديد، الدولة تعود، يا تساعدونا يا تساعدونا، عمر ما هيبقى على حساب الناس، دفعنا كتير أهلنا هناك معذورين، خدنا قرارا باستخدام عنف شديد وقوة غاشمة حقيقية للقضاء على الإرهاب لسه ما بدأناش". وأضاف "مفيش بيت طلعت منه طلقة في سيناء خلينا القوات تشيله محصلش، مفيش مزرعة طلعت منها طلقة وخلينا القوات تشيلها"، متابعًا "عندما نشيل البيوت بنعوض الناس، رغم أنهم حابين يكونوا موجودين هناك بس مش قادرين على الناس دي، لو حد سقط خطأ يتم التعويض، هيبقى فيه جهد لعودة الدولة لسيناء، مطار العريش اتفقل خلال ال3 سنوات اللي فاتوا، عشان محدش يقرب لأهالينا هناك". وأشار إلى أن "حجم ما ينفق على تنمية سيناء ربع تريليون جنيه لعدد سكان يبلغ 600 ألف نسمة، لن نسمح أن الكلام دا يستمر، غاشمين أوى في استخدمنا للقوى عشان مش هنسمح بقيه تاني، أهلنا في سيناء يساعدونا بجد، عايز سيناء تبقى مع مصر".
