إعلامية: 3 مشاهد صادمة رأيتها بعيني في "حفل الشواذ"

روت الإعلامية سارة فؤاد تفاصيل ما رأته بعينها داخل حفل "مشروع ليلي" والذي تم فيه رفع علم الشواذ .
وقالت في فيديو نشرته عبر صفحتها : "دخلت وياريتني ما دخلت .. لقيت 90% من الجمهور من القاصرين والقاصرات .. وشوفت حاجات والله العظيم في حياتي ما شوفتها .. أول ما دخلت لقيت واحدة محجبة صغيرة جدًا وماسكة سجاير تشرب واحدة وراء التانية .. أنا معنديش مشكلة حد يعمل اللي هو عايزه بس يكون مسؤول عن تصرفاته .. يبقى إنسان راشد وعدى سن الرشد .. وأنا من كتر الصدمة رحت سألتها عن سنها قالتلي : 16 سنة .. فقولتلها : انتي بتشربي سجاير ليه؟ .. قالتلي: "الدنيا والأيام" وسابتني ومشيت ".
وأضافت: "أبص على ايدي اليمين ألاقي أطفال ميعدوش 14 سنة وفي الإعدادي واقفين بيعملوا حاجة مقدرش أقولها .. زي المشاهد الإباحية في الأفلام وبيعملوها قدام الناس .. غير السُكر وكل شوية ألاقي عيل مأفور من كتر الشُرب .. احنا وصلنا فين؟ .. غير كل الفواحش دي ألاقي المذيع اللي بيقدم فقرات الفرقة طالع يقول : "احنا الجيل المستقل" .. هو كان يقصد بيها اننا أحرار نعمل اللي عايزينه ولقيت العيال كلها بتقول هيييييه .. شوية اترفع العلم بتاع المثليين عشان المطرب شاذ .. فهما بيدعموه .. واللي رافع العلم عيل .. هو العيل دة يعرف ايه عن المثلية .. والناس تقولك كل واحد حر .. دي حاجة حرمتها كل الأديان .. مصر مش هتبقى أمريكا أو هولندا ومش هتجبرونا نتقبل حاجة زي دي .. فبقول للأهالي : انتوا فين؟ .. شوفوا عيالكم .. 30 ألف واحد منهم 20 ألف بيعملوا حاجات أنا عمري ما شوفتها .. خلوا بالكم من عيالكم عشان احنا رايحين في ستين داهية".
الفيديو: